يا أمير أنا عندك حشيم وغالـي=ولا احب انا شئ يمس الكرامه
نفسي تروم المرجله والعوالـي=هذا هدف نفسي وهـذا مرامـه
تاجرت في باب الشكاله بمالـي=بعت الرخامه وأشتريت القرامه
قالوهبيل وقلت جايزلي هبالـي=هبال طيب ولا صحاوة رخامـه
هذي تفاصيلي وهذي خصالـي=يقول اللي ما زهف في كلامـه
أن جزت لك فأنا الرفيق الموالي=وأن عفتني مسموح ومع السلامه
دور وتلقالـك رفيـق بـدالـي=وكل يبي رفقتك ترفـع مقامـه

وليت يا مسلـط كريـم السبالـي=من هول بيتٍ يستحـق الزعامـه
بيـتٍ تمنيتـه وهـو مـا ينالـي=ودامه خطف قبلي فلا لي ملامـه
انا اتهم انه خاطفـه مـن منالـي=في غفله كل غـرق فـي منامـه
لو كان وقتـي غرنـي عزتالـي=وغديت طير وهو الشبك والحمامه
وقت ٍ على كسابه الطيـب مالـي=يلعب بشيخان العرب لعب دامـه
من اول تذرى خشـوم الجبالـي=واليوم يغني عن ذرا الضلع خامه
ومع كل ذا ما جمعـت الريالـي=ويهون موتي دون جرح الكرامـه
واجود باليمنى وتجهـل شمالـي=وهبال مسلط يعطي الراس زعامه
حي مهبول صامـل مـا يبالـي=ولا صاحي وقت الشدايد هلامـه
الشعر بنت لبـو زيـد الهلالـي=و يت مسلط يلوح بخدها كنه شامه
انأ اتهم انه ماخـذه مـن منامـي=في لحظه قلبي غرق في منامـه