البارحة ساهرٍ كنـي علـى ملّـه=والقلب تقبل هواجيسه وتقفي بـه
القصر يبغي صبيٍ مثل عبـد الله=لا نوّخ الضيف تال الليل يدري به
يشكي عليه الصحن والنجر والدّله=والضيف لا جاه جافينـه معازيبـه
وتبكيه عوصٍ من العيرات منتلّـه=لا جات من صوب جوٍ عاويٍ ذيبه
ويبكيه خطوى خويٍ ما بعـد ملّـه=لا جاه من ظيقةٍ يبغـي تعاجيبـه
وتبكيه بيضا من الخفرات مختلّـه=تبي تـدور بديلـه ويـن بتجيبـه
ورّث فهودٍ تغذى بيـن خلـق الله=شبوب سمرٍ ولا أدري عن مشاهيبه
والله يحلل عجـوزٍ بطنهـا شلّـه=غمرٍ يكثّر على الضيفان ترحيبـه

المشاركة الأصلية كتبت بواسطة يحيى الودعاني تسلم أخوي سعود وبيض الله وجهك لاهنت

المشاركة الأصلية كتبت بواسطة ابو عبدالرحمن الودعاني صح لسانك ولسان الشاعر وبارك الله فيك

المشاركة الأصلية كتبت بواسطة سلطان الليل / \ لاهنتـ يالغالي على هذا النقلـ صح الله لسـان شاعرهـا وتسلم يمنـاك ع النقلـ

المشاركة الأصلية كتبت بواسطة عبدالرحمن الشرافي الاخ / سعود الله لا يهينك على نقل هذه القصيدة الجزله يالقرم وصح الله لسان الشاعر / ظافر الخرفانى الدوسرى ويستاهل المدح / عبدالله بن ذيب واسمحلي على تنسيق الفصيدة يالقرم تحياتي

المشاركة الأصلية كتبت بواسطة ابو زيد الغييثي صح اللسان ظافر وبيض الله وجهك يالقرم وبنشدك الخرفاني العماري ولا انا غلطان يالقرم

المشاركة الأصلية كتبت بواسطة الواضح صح لسان الشاعر لكن من هو عبدالله بن ذيب ترى اللي ما يعرفك يجهلك