::: مـنتدى قبيلـة الـدواسـر الـرسمي ::: - مرثية الامير بدر بن عبد المحسن في والده

- :: قسم الـشعر العــام :: (http://alduwaser.org/vb/forumdisplay.php?f=16)

- - مرثية الامير بدر بن عبد المحسن في والده (http://alduwaser.org/vb/showthread.php?t=11038)

مرثية الامير بدر بن عبد المحسن في والده

بسم الله الرحمن الرحيم

السلام عليكم ورحمة الله وبركاته

اما بعد انا قريت هالقصيده و أعجبتني وحبيت انكم تشاركوني في الرأي ونقلتها لكم

مع أني ما قدرت أرتبها لكم يا ليت تعذروني

قصيدة : غزوك يا شيخ انكف
غزوك ياشيخ انكف .. تباريه الأعوام
ستين كون ومَا بها قامةٍ يَوم
قلت العلوم وبرزوا .. رمح .. لجام
عِقر الجواد .. وصوب الشيخ بسهوم
هَذي سواة السَيف في كف مقدام
ضربٍ بحد السِيف يثر به ثلوم
ودَرب الفخر يحتاج قلطات وزحَام
وإلى ظهر فعلٍ ترى النصر مقسُوم
إن وقفت في وداعك اليَوم الأيَام
وتهايقت بتشوف وجهك مَع القوم
فــ إنت الذي اتعبتها طيب وخصَام
وقهرتها يا شيخ ظَالِم ومظلـــوم
إن سَاعفت مَا ثمنت عندك حطام
وإن عَاضبت ما شلت من همٌها هموم
لين احتمى وقتك ورى غدر الاسقام
خوف وَرماك بسَهم وَالسهم مَسمُوم
يا بوي ليت الموت يرضى بالأسوام
يقبل بأحد غيرك ونرضيه بالسَوُم
ياخذ بدل يَومك من اعمَارنا عَام
يفدي مطيحك خادمك كان بتقـــوم
يا بوي انا ما في يدي كود الاوهام
وش في يدي والموت حقٍ ومقسوم
لا شك من يفنى على دين الاسلام
وطِيب الذكر يكفيه لا قيل مرحوم
مَرحوم يَا ريف الارامل والايتام
يَاللي رفيقك دوم مكرم ومحشوم
هَداج تيما .. وان زما الضد لطام
ولا جا اللزوم الصّعب يقضيه زيزوم
كلٍ يشيله بالعمر دم وعظام
وانته تشيلك عزة النفس والزوم
ومَا كل نصلٍ من ورى غمده حسَام
وش عاد لو هو بـافخر الدر مرسُوم
واعيني اللي في البكا قد لها عَام
أنا أشهد ان الدمع ميعاده اليَوم
حطي على خدّي كَمَا الكي ميسام
إن كان لي في الدمع تفريج لغموم
ولا صَار ما يطفي لهب نَار الآلام
ولا موسّعٍ ضيقه ولا جَالبٍ نوم
تبسّمي بَعض البكا فـ التبسَام
وأقسى الحزن ما كان في النفس مكتوم

والسموحه يالربع أن كان فيها قصور

وتقبلوا خالص التحايا

مشاركة: مرثية الامير بدر بن عبد المحسن في والده

صح اللسانك

وصح اللسان قايلها

تقبل ودي وفاءق احترامي

مشاركة: مرثية الامير بدر بن عبد المحسن في والده

صح لسان الشاعر الامير الكبير بدر بن عبدالمحسن

والله يرحم ابوه واموات المسلمين ويسكنهم فسيح جناته

شكرا اخوي عبدالله على ايراد القصيدة

تقبل تحياتي،،

مشاركة: مرثية الامير بدر بن عبد المحسن في والده

مشكووووووورين اخواني الغاليين (( أبو زيد الغييثي / هايف العماني ))

على مروركم وردودكم الطيبه والجزله

ولكم مني خالص الأحترام

مشاركة: مرثية الامير بدر بن عبد المحسن في والده

مشكووووووورين اخواني الغاليين ((عبدالرحمن الشرافي / محمد آل بريك))

على مروركم وردودكم الطيبه والجزله

ولكم مني خالص الأحترام