|
خوة الدوسري والعتيبي والقصيمي في العمل
السلام عليكم ورحمة الله وبركاته بسم الله الرحمن الرحيم المعذره عن الأنقطاع وهذى سالفه لجد أبوي من خواله كان جدي الشيخ حسن بن علي الهوامله ((اللسان)) يشتغل في شركه في عصر الملك عبدالعزيز رحمه الله وكان رئيسهم في الشركه رجل قصيمي يقال له أبومحمد ابن عندس وكانت الشركه تجمع من جميع القبايل من الدواسر واعتيبه وكانوا يجتمعون وقت الراحه ويتمازحون بينهم البين فقام شخص معهم في العمل بذم رئيسهم ابن عندس والذي معه بأبيات شعريه فقال ابن عندس انا منيب شاعر لكن ابي من يرد عليه انت ياعتيبي ولا انت يابومناحي فأنشد جدي قائلا: ياراكب اللي يعجب العين ممشاه= من منوة للطارش اللي خلاوي
عـلـيـه ادور شـاعـراً ويـن بـلـقـاه =ذا اللي يفنتق ذا القبايل وغاوي انا اشهد انه ضايع ضاع تـريــاه = ياطامراً وسط البحر وانت ثاوي هذى سنين تجمع الذيب والشاه =من فعل أخو نوره تضييع الهقاوي أهل القصيم اللي على الحد مركاه=واعتيبه اللي عدلوا كل غاوي فحنا الدواسر كم عقيداً ذبحناه =وغزاتنا تحط القبايل عواوي ابومحمد تفعل الكيف يمناه=من لابتن تنطح نهار العزاوي فات الرجال وفوته فعل يمناه=وسعد لجاره ومادخله الملاوي ياجعل يكثر لي مع النزل شرواه=كنه الجمل للزاد ولا الرواوي وين انت ياشاعر خزيك تلقاه=والله ماتسوى طلي دعاوي وسلامتكم تقبلوا تحياتي فـ الجفيدري ـرجي |
أهل القصيم اللي على الحد مركاه....واعتيبه اللي عدلوا كل غاوي
فحنا الدواسر كم عقيداً ذبحناه ....وغزاتنا تحط القبايل عواوي صح السانك يالجفيدري وبيض الله وجهك على الموضوع |
فحنا الدواسر كم عقيداً ذبحناه ....وغزاتنا تحط القبايل عواوي
يا والله القصيده اللي تهول يا زين علوم ربعنا الله يبارك في عمره ان كانه حي والله يرحمه ويسكنه الجنه ان كانه ميت وانت الله لا يهينك وبيض الله وجهك يا نسل الطيبين |
أبومحمد الودعاني
لاهنت طال عمرك على مرورك ووجهك ابيض الناشب مرحبا ومسهلا ولاهنت على مشاركتك الكريمه لا الحمدلله حي وعلى مااعتقد انه من المعمرين من أهالي سكان الافلاج لانه عمره تعدى الميه من زمان والله يعطيه طولة العمر إن شاء الله |
صح لسانك وبيض الله وجهك على القصه والقصيده الطيبه ,,,,
تقبل تحياتي ... |
صح بدنك طال عمرك ولاهنت على التعديل يالقرم
حست ادور اللي يين الخلفيه للقصيده ولا عرفت |
الجفيدري بيض الله وجهك والله لايهينك وعساك على القوه وتراي طماع في مشاركاتك المميزه وتسلم |
مرحبا ومسهلا يالشكري والله لايهينك على مرورك العذب
وإن شاء الله تشوف مني مايسرك |
صح الله لسانك اخوي الجفيدري وصح الله لسان جدك والله يطول بعمره ويعطيه الصحة والعافية
ولا تحرمنا من مشاركاتك الطيبة تقبل تحياتي،، |
صح بدنك الله يطول بعمرك وعمر الحاضرين
|
لاهنت يالجفيدري علي السالفه والقصيده والله يطول عمر جدك وصح السانه
|
ولا انت طال عمرك
|
صح الله السانك يالجفيدري وجعلك تسلم.
وصح السان جدك والله يطول عمره على طاعته. |
السلام عليكم ورحمة الله وبركاته
بيض الله وجهكم جميع . ولاهنت اخوي ( فــ الجفيدري ـرجي ) على هذه العلوم الغانمه . وعساك على القوه ................. |
أخوي فهد من قال سالم طال عمرك
وعليكم السلام ورحمة الله وبركاته أخوي محمد ولا انت طال عمرك |
الساعة الآن 05:12 PM
 |
Powered by vBulletin® Copyright ©2000 - 2026, Jelsoft Enterprises Ltd.
---