انا في رجى ربـي وجـي الحبيب ارجيـه=ولا ادري متـى جيّــه بعد بيتهيالــي
شفيقٍ على جيّه حريصٍ على طاريــه=حنينٍ على جيّة فريقه ولا جالـــي
اذا احدٍ بداله لازمٍ صوبهم نقضيـــه=وانا لابدالي لازمٍ كون يقضالــــي
سقى دارهم نوٍ كسا الغرب من منشيه=وحدر على دارٍ لاظلم الرمش مدهالـــي
عسى المنزل اللي داجبه واجتمعنا فيه=تجي دايته من رايح المزن همالــــي
حقوقٍ خياله مردفٍ دايجٍ داجيــــــه=ركادٍ ربابه غاديٍ له تعزالــــــي
يحوّل على داره وينحي على واديـــه=وسيله يسيل من الوعر صوب الاسهالي
وتبيّن بها مغب سيله ومثانيــــه=ويجيه الحيا والخد غدران وهجالـي
ويرجع وطن خلي وزان الزمان انجيــــه=وربي يحط بساعة الضيق حلاالـي
مجيٍ لـ نقي العرض فرضٍ علي أبدّيـه=فــ لاكن قومي ضنّة الناس الانذالـي
اداري مجيّـــه الا جيتنا باجيـــه=أبي أصون عرضه من خبيثين الاعمالي
ملاقيف ناسٍ تاخذ الهرج وتوديــه=ويسعون بالفرقا عسى مالهم تالـي
وهو يحسبني يوم طال المدى ناسيــه=وانا اخاف لو أني حزينٍ واهو سالــي
تجمل وعلم ناعم العود ياناصيــه=وليفٍ دنا من حر فرقاه غربالــي
معك بالامانه تخفي العلم لين تجيـــه=وتخبره عن حالٍ دنت منه الآجالــي
عن حالي اللي مثل غرسٍ وقف جاريه=شواه السموم ولاهب القيظ والصالــي
عقب ماظهر ورده وشاف الثمر جانيــه=تنزّح ثراه وجاه حر اشهب الالــي
وقلّه عيوني تسهر الليل ماتمسيــــه=عطيبة ضمير اصبح وليلي على حالـي
وطريا الوداع ونازح البعد مادانيــه=ولاعاد أبي يوم المفارق يطرالــي
نهارٍ مضى الله لايعيده ولايسقيـــه=خذا ماخذا النجار في العود من حالـي
نهارٍ بها القلب المولع فقد غاليــه=وعينٍ بها العين الشقيّه بكت غالــي
بكت عيني اللي دمعها كان ماتصخيه=وقامت تزيد وتسبق الكدر بزلالــي
ونيني ونين مصدرٍ والهوى قافيـــه=مــع ونتي لــــه تولاّه جهّالــــي
تعرض خشوم النفد ودريوله كاويـــه=يصايد مذب العرق وحاديه هيّالـي
يصيح النذير وسايق المور مايوحيــه=ولاساق في مشراه من جيبه أريالــي
وياوجد حالي وجد عودٍ قضى حاليـــه=عويدٍ قضى عمره بلا مال وعيالــي
لاخيرٍ فــاده ولا فايـدٍ يعــطـيــه=ولا واجـدٍ ماسـد حالــه من المـالــي
على اللي عداني من مجيّه وأهو عاديه=زمانٍ يشيب العقل ميله الا مالــي
تكدر وجار وزاد كدره على صافيـه=وانا أرجي عسا تالي زماني يصفّالــي
عسى اللي كتبلي زود مرّه على حاليه=يزيد الرخا ويبدل المر بالحالـي
طريق الموده مثل من حالمٍ يمشيــه=ومن جربه عزي لحاله وعزالــي
سلك منهج الحرمان والحزن والتسبيه=وعنى ضميره بالامني والامالــي
حلفت ان صفالي صافي الخد لا صافيه=ولا أخون به لين ابيض الخام يشرالي

حلفت ان صفالي صافي الخد لا صافيه = ولا أخون به لين ابيض الخام يشرالي

وياوجد حالي وجد عودٍ قضى حاليـــه=عويدٍ قضى عمره بلا مال وعيالــي
لاخيرٍ فــاده ولا فايـدٍ يعــطـيــه=ولا واجـدٍ ماسـد حالــه من المـالــي
على اللي عداني من مجيّه وأهو عاديه=زمانٍ يشيب العقل ميله الا مالــي
تكدر وجار وزاد كدره على صافيـه=وانا أرجي عسا تالي زماني يصفّالــي
عسى اللي كتبلي زود مرّه على حاليه=يزيد الرخا ويبدل المر بالحالـي
طريق الموده مثل من حالمٍ يمشيــه=ومن جربه عزي لحاله وعزالــي
سلك منهج الحرمان والحزن والتسبيه=وعنى ضميره بالامني والامالــي
حلفت ان صفالي صافي الخد لا صافيه=ولا أخون به لين ابيض الخام يشرالي