|
قصيدة عابرة سبيل لزوجها حين موتها
هذي قصيدة قالتها عابرة سبيل لزوجها قبل وفاتها بساعات، غفر الله لها ولإموات المسلمين، وصيتها بالقصيده طيبه،، ترى الذبايح و أهلها ما تسلينــــــــــــــــي .... أنا أدري إن المرض لا يمكن علاجه أدري تبي راحتي لايا بعد عينـــــــــــــي .... حرام ما قصرت يديك في حاجـــــــه أخذ وصاتي وأمانه لا تبكينـــــــــــــــــــي .... لو كان لك خاطرٍ ما ودي إزعاجـــــه أبيك في يديك تشهدني وتسقينـــــــــي .... أمانتك لا يجي جسمي بثلاجـــــــــــه لف الكفن في يديك وضف رجلينــــي .... ما غيرك أحدٍ كشف حسناه واحراجه أبيك بالخير تذكرني وتطرينــــــــــــــــي ..... يجيرني خالقي من نار وهاجــــــــــه سامح على اللي جرى ما بينك وبيني ..... أيام نمشي عدل وأيام منعاجـــــــه همي عيالي وأنا اللي فيْ ..كافينـــــي ..... علمهم الدين تفسيره ومنهاجـــــــــــه |
مشكوررررررررررر يالخيلي وما قصرّت على هالقصيدة الجزلة للشاعرة الكبيرة عابرة سبيل والله يرحمها ويرحم جميع المسلمين
|
الله يرحمه لاهنت علي الاختيار الرائع
|
لاهنت يالخييلي
والله يرحمها ويحسن إليها و يجمعها بزوجها و أطفالها بالجنة |
عبدالرحمن العفو اخوي ومشكور على مرورك
|
ولاهنت تركي الودعاني ومشكور على مرورك العطرر
تحياااتي |
ولاانت اخوي الصقر ومشكور على مرورك اخوي
|
يعطيك العافيه أخوي الخييلي.... سبقتني في نشر القصيده .... لك كل التحيه والتقدير....
النادره |
الله يعافيك اختي النـادره :) من سبق لبق :)
شاكرلك مرورك العطر اختي النادره تحياتي لك |
لاهنت اخوي الخيلي
وماقصرت على طرح الرائع للقصيده والله يرحم شاعرتنا عابرة سبيل اخوك عبدالله الشكري |
ولا انت اخوي عبدالله الشكري شاكرلك هالمرور العطر يالشيخ
تحياتي.. |
السلام عليكم ورحمة الله وبركاته
الله يرحمها ويسكنه فسيح جناته . وبيض الله وجهك اخوي ( الخييلي ) على هذه القصيده . |
ولاانت اخوي عبدالله الشكري
ومشكور على مرورك الطيب تحياتي لك |
ووجهك ابيض اخوي محمد ال بوزمام ومشكور على مرورك يالشيخ
تحياتي لك |
الله يرحمها ويسكنها فسيح جناته
وعزالله ان وصيتها وصية خير مشكور اخوي الخييلي |
العفو اخوي الودعاني
ومشكور على مرورك العطر اخوي :) |
ايييييييييييه يالخييلي
جددت لي جرح اللهم اغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس |
اللهم امين اخوي عماري وجزاك الله خير
وشاكرلك مرورك العطرر تحياتي لك.. |
استطعت الحصول على جزء من القصيده الموجوده في ألبوم كامل وهاهو المقطع أنشره اليوم لكم لتستمعوا الى قصيدة (أمانه لا تبكيني).... |
:( :( :( مشكوره اختي النادره على هالقصيده :( :(:(
<<--قاعد يصيح مع تركي مشكوره ويعطيك الف الف عافيه اختي النادره تحياتي لك |
الساعة الآن 06:33 PM
 |
Powered by vBulletin® Copyright ©2000 - 2025, Jelsoft Enterprises Ltd.
---