|
أبيات مختاره في الفنجال !!!
السلام عليكم ورحمة الله وبركاته اسعد الله اوقاتكم بكل خير هذه نوادر مختاره قيلت في الفنجال ( اتمنى ان يحوز اختياري استحسانكم )
قم سو فنجال بعـض مـاه مبيـوت = غـر السحـاب منزَلـه مـن هللها طبخة كريم طيـب الهيـل منعـوت = واحمس على جمر قد اقفـا شعلهـا دقه بنجر وثولث النجـر بالصـوت = يجـذب رجـال مـا نـدور بدلهـا (هـــادي الـشـعــرا )
يامسـوي الفنجـال كثـر ابهـاره = عده لابن عران واثنه لابـو ذيـب وضويحي الجـروي متيـه ابكـاره = وجديع يا ستـر البنـي الرعابيـب (هادي بن شعـوا الخنافـر))
فنجال بـن خنتـه تقعـد الـراس = والزعفـران مقطـع فيـه تقطيـع انا يعـدا لـي ولـو فيـه جـلاس = هراجـة المجلـس قعـود مهانيـع اللي لهم همز ولمـز ووسـواس!! = في ساقة الاجواد همـز وتراتيـع!! (عضيـب بــن حـشـر )
قم سو فنجال على خمسة اجنـاس = احذر تجـي حرقـه وبالـك نياهـا خلك لها عن كل عـذروب حسـاس = قيس لها الطبخه علـى قـد ماهـا حتى يجي فنجالها يجلي الاعمـاس = عقب الصلف والسهر مكبر غلاهـا (مشـاري بـن ربيـعـان )
ياما حلا الفنجـال فـي كـل حـزه = في مجلس ما سفـرو لـه بقـازي واللـي يسويهـا صـبـي مـنـزه = شطر بها ماهـو سـواة الخنـازي (عيد بن خلـف العاصمـي)
ياصابيـن البـن صبـوا لنـاصـر = صبـو لـه الفنجـال قبـل يـذاق يركب علـى صفـرا نظيـر نايفـه = ويحلـب لـه عنـد العتيـم فـواق (حـويـدي العـاصـمـي )
قم سو فنجال ترا الـراس منـداش = لعيون من قرنه على المتن مرجـود في دلـة مربوبـة كنهـا الشـاش = وبهارها كف مـن الهيـل والعـود الهيـل كثـر ولاتوانـا ولـجـاش = والزعفران اقنع على شذرة العـود (مشـعـان بــن هــذال)
قم سو مايجمد على الصين ياذيـاب = بدلال وصـف للقطـاط المحاديـب ونجر يصيـح وللمساييـر جـذاب = دنه على طـول الدهـر للمواجيـب اليا ذلـق فنجالهـا كنـه خضـاب = ورسى صبغ بكفوف بيض الرعابيب (هايـس بــن مـجـلاد )
ياما حلا الفنجال مع سيحـة البـال = في مجلـس مافيـه نفـس ثقيلـه هذا ولـد عـم وهـذا ولـد خـال = وهـذا رفيـق مـا لقينـا مثيلـه (راكــان بــن حثلـيـن)
والله لـولا مـزة العـظـم مــره = وفنجال بـن عشـرَ عفـر بهـاره لا اخذت من زين الغلاويـن جـره = اتبعتهـا الفنجـال يطفـي حـراره من واهـج بالصـدر ياكـود حـره = لا فار يضـرب بالنواظـر شـراره (مـحـمـد الـعـونــي)
صبـه ومـده ياكريـم السبـالـي = يبعد اهمومي يوم اشمه بالانفـاس فنجال يغـدي مـا تصـور ببالـي = وروابع تضرب بها اخماس واسداس (مـحـمـد الـسـديـري)
ياسايـق الفنجـال عـده لمـدوخ = واثنه لابن صـلال هـو والجـلاوي وانا زبون الحرد ابـو ضيـف الله = لا كلّـح الشـارب عـن الشفـاوي (شليـويـح الـعـطـاوي)
قم قـرب اللـي عنقهـا كنـه وزا = انا لها من ضيقـة البـال منحـاز فنجالهـا بيـن الشفـايـا يـمـزا = اشقر ومشروبه على الخمر يمتـاز ( محمد الاحمـد السديـري)
مع دلة صفراعلـى النـار مركـاه = وابصر بصتها على شـف روحـي فنجالها يشـدي خضـاب الخونـداه = الجادل اللي عنـد اهلهـا طموحـي (ذعار بن مشاري بن ربيعان)
الله علـى مـزة سبيـل العراقـي = اصغر بجيك بلوذة التتـن مفـروك وفنجـال بـن ماهـواه الحـراقـي = وصينية يركض بها العبـد مبـروك صبه لمـن يثنـي علـوم التلاقـي = لاصار عند قطيهن ضـرب بيلـوك (الـنــوري الـشـعـلان) وتقبلوا تحياتي وتقديري مسفر المصارير. |
السلام عليكم ورحمة الله وبركاته
لاهنت يالحبيبي على المختارات الرائعه وعلى القوه |
مع دلة صفراعلى النار مركاه ............... وابصر بصتها على شف روحي
فنجالها يشدي خضاب الخونداه .............. الجادل اللي عند اهلها طموحي صح لسانك وتسلم يمناك على هذه الابيات اخوي ( مسفر المصارير ) الله يعطيك العافيه . . . تقبل تحيات اخوك محمد بن عبدالعزيز |
اقتباس:
لا هنت يا عبدالله الصخيبري على المرور مرورك شرف يا الغالي أخوك : مسفر المصارير |
اقتباس:
الأخ : محمد حياك الله صح بدنك يا الغالي مرورك أسعدني أخوك : مسفر المصارير |
مسفر المصارير
لا هنت على الأبيات الطيبة يابو منيف متعودين على كل علم طيب منك إلى الأمام وعساك على القوة لك خالص التحايا |
ابو نايف مشكور على الأبيات الجزلة وإلى الأمام أنشاء الله يالغالي أخيــــــــــــك الوفــــــي أبـــــــو السلاطيـــــــــــــــن |
تسلم يمينك أخوي مسفر
وبيض الله وجهك على المجهود الطيب |
اقتباس:
أسفرت وأنورت بوجودك يا راشد النتيفات أبو قينلن لا هنت على المرور غالي با الحيل أخوك: مسفر المصارير |
اقتباس:
أبو السلاطين مرحباً مليون وجودك وتعليقك شرف يا الغالي عسى عمرك طويل أخوك : مسفر المصارير |
اقتباس:
الأخ : يحيى الودعاني الله يجزاك خير ولا هنت على المرور وجهك أبيض أخوك : مسفر المصارير |
السلام عليكم ورحمة الله وبركاته الأخ العزيز الغالي مسفر المصارير سلمت يمناك على مانقلت لنا وصح لسانك وألسنت الشعراء عاطر التحايا القلبية لك دغش البطي |
أبو بطي أرحب يا الغالي مرورك وتعليق زادني شرفاً عسى عمرك طويل وصح بدنك يابو بطي أخوك : مسفر المصارير |
مسفر المصارير
سلمت يمينك.. اخوك.. |
|
مشكور وما قصرت والله لا يهينك على المجهود اللي بذلته
أخوك/ خرجـــــــــ فتى العمور ــــــــــــــاوي |
--------------------------------------------------------------------------------
الأخ : خرجاوي الله لا يهينك على المرور تقبل تحياتي وتقديري أخوك : مسفر المصارير |
لافض فوك يابونايف
المشرف النشيط صاحب المواضيع الرنانه ابو نايف " مسفر المصارير " اررررررررررررحب تراحيب البدو للمطر دايم ماتجيب الى الجزل جعل عمرك طويل على طاعته واهنيك على هذا الاختيار المميز وهذي عوايدك ياذيبااااااااااااااااااان وصح الله السانك وعتلا شانك على هذا النقل الرائع. ابو نايف اوفر التقديري والاحترام لمقامك العالي اخوك / فهد الغريري |
صح الله لسان من اختار هذه الابيات وليست غريبه على ابو منيره لاهنت يالقرم اخوك / القرم |
|
صح بدنك يا القرم عسى عمرك طويل يا الغالي الله لا يهينك على المرور تقبل كل الود والتقدير أخوك : مسفر المصارير |
الساعة الآن 11:56 PM
 |
Powered by vBulletin® Copyright ©2000 - 2025, Jelsoft Enterprises Ltd.
---