|
من عين لي ابوزايد التغلبي
الليل يالربع ودي نلعب شويه=والتغلبي يوم ربي جاب طاريه وعلومه اللي معه ذاالليل وش هيه=والنار ماتحرق الارجل واطيها يالتغلبي عطني علومك باختصار=في واجبي لازم تجيب لي الخبر خابرك فاهم والعلوم افطنلها=ومسيلمة كذاب ومحمد نبي |
السلام عليكم ورحمة الله وبركاته
بيض الله وجهك يا المسعري والبدايه تشجع انا نتابع معكم |
[align=center]يا مرحبا ويا مسهلا يا شاعرنا الكبير وابيك تعذرني مادريت عن طلبك إلا قبل شوي
وابشر بسعدك نرضيك ونرضي الجمهور الغالي لكن ودي يستمر لعبنا في حدود الساعة فقط لاني مرافق مع جدي في المستشفى وراجع له بعد شوي وأتمنى من الجميع يدعون له بالعافية //////////// انتظرني طال عمرك: راجع بعد دقايق[/align] |
المسعري
وابو زايد التغلبي سروووووووو الليل والله يشفي جدك انا مع صفك يالمسعري |
المسعري ، أبو زايد التغلبي
شعراء كبار وبداية قوية يالمسعري ، وتراني في صف ابو زايد حتى تتعادل الكفة وقهيدان في صفك ، وحمسونا ياشعارنا. اللييييييييييييييييييييييييييييييييييييييل تكفى يابو زايد... |
خلووووووووووووووووووووووووووووووووها
[align=center]مرحبا بكل الاخوان الحقباني وقهيدان وكل الحضور ولاتخلينا ياالحقباني وباقي الربع مادام قهيدان في صف المسعري////واستلم يا المسعري لاهنت:
يا مرحبا شاعرن يدعمه جمهوره = وسط الملاعب خبير وماخذن دوره لن قاله الله يزين اللعب بحضوره = والنار ما تحرق الا رجل واطيها
يا المسعري والليل يمحاه النهار = وتالي حياة ابن آدم(ن) وسط القبر حدد هدفك وسل سيفك سلها = واللي عقد روس الحبال يحلها |
دام القمر وياي .....
مرحبا ومسهلا يا المشرف المحبوب ابوعبدالمحسن المسعري شد حيلك وصوت للربع وابشر بسعدك
تكفى يا بوعبدالمحسن تراي مااعرف أنسق وأزبط الخط مثل المسعري حاول تزبرقه لين يطلع أحسن منه , ولاهنت |
وابك البقا ياعميلاً صارله مده=غايب عن الساحه وجمهوره يوده مدري تكبرعلينا ويش ذا الصده=والنار ماتحرق الامن يصاليها يالتغلبي والسيف قصاف العمار=يالله عسا مايلحق ابن ادم كدر البنت في ذا الوقت باعت خلها=واللي عقد روس الحبال يحلها |
اقتباس:
ارحب ياقهيدان انت ماسك الصف معي ابشر والله بسعدك |
الله الله
عليك به سرى الليل يابو زايد |
صح لسانك يالمسعري ، واللعب حامي حامي
وابشر بسعدك يابو زايد شد حزامك ، تنسيق وتشجيع وحماس ، الله الله في اللعب الليييييييييييييييييييييل |
إييييييييييييييييييييييييييييييييييييييييييييييييي ييييييييييه
[align=center][font=Arial Black]شكرا ً يا بوعبدالمحسن المسعري على التنسيق الله لايهينك ويطول سنينك واستلم :
الليل ساري ولكن لعبنا توه = يا شاعرن مبدع(ن) بيطار ومفوه ولّع مشاهيبها جعلك على القوة = والنار ما تحرق إلا رجل واطيها
سوق الذهب طبوه تجار الخضار = ومما تشوف العين ما عندي صبر المشكلة يا صاحبي وش حلها؟ = واللي عقد روس الحبال يحلها |
يا جماعة وين رحتو؟؟؟
وين رحتوا يا جماعة لا شاعر ولا صفوف ولا جمهور ؟!!!
يا لربع خلوكم حركين شوي الله يعطيكم العافية .. |
خلووووووووها
جتني رساله زمان اول وشاقتني=من حاكم السوق قدرني وشرفني مير انت يالزايدي شاعر وتفهمني =والنار ماتحرق الا رجل واطيها الخيل فيها كدش من بين المهار=ماميز عبياتها راعي بقر وكم خيلةً خيالها ممهل لها=واللي عقد روس الحبال يحلها |
اقتباس:
إييييييييييه يابو زايد صح لسانك ، أكو الرجاجيل يامال الشحم ولا شبت النيران زود حطبها ماني باللي أوصيك ، واعتبر مشاركاتك ذالليل كلها منسقة إن شاء الله. تكفى يابو زااااااااااااايد ، الليييييييييييييييييييييييييييييييييييييل |
خلووووووووووووووووووووووووووووها
بعض المجانين جات تسوق سيارة = ما همها لو تمشى داخل الحارة ياليت بعض العرب يدري بمقداره = والنار ما تحرق الا رجل واطيها ما خبر نار(ن) ما يجي فيها شرار = اخذوا العبر من غيركم اخذوا العبر أما تجيب الحل ولا خلها = واللي عقد روس الحبال يحلها |
يوم المرور ارتخى جوك المجانيني=كلا يدور على ليلاه ياعيني والمشكله مايعرف الجيم والسيني=والنار ما تحرق الا رجل واطيها يصير بياع الغنم تاجر عقار=لامن لقاله فرصتاًنصف الشهر والحل عندك يومكم قداً لها=واللي عقد روس الحبال يحلها |
مشكووووووووووووووووووووووور يا بو عبدالمحسن تعبناك
شكرا لكل المتواجدين ولو إننا عاتبين على قلة الحماس لكن لاهنتوا جميعاً:
استلم يا طويل العمر: يا لمسعري عزوتك لاكبر القالة ......................... بين المناعير حلاله وفتاله لكن تالي الزمن يالال يا لاله ............................ والنار ما تحرق الا رجل واطيها يا عمدة أهل الحي صّدر لك قرار ///////// الساق لا من كسر يا صعب الجبر الناس لا ضاعت لزوم تدلها ///////////// واللي عقد روس الحبال يحلها |
ابو زايد :
بعض المجانين جات تسوق سيارة..ما همها لو تمشى داخـل الحـارة ياليت بعض العرب يدري بمقـداره...والنار ما تحرق الا رجل واطيهـا المسعري: يوم المرور ارتخى جوك المجانيني..كلا يـدور علـى ليـلاه ياعينـي والمشكله مايعرف الجيم والسيني...والنار ما تحرق الا رجل واطيهـا الله الله فتل ونقض حتى في الموال ، ماشاء الله شاعرين كبيرين ومبدعين المسعري: يصير بياع الغنـم تاجـر عقـار..لامن لقاله فرصتاًنصـف الشهـر والحل عنـدك يومكـم قـداً لهـا...واللي عقد روس الحبـال ههههههههههههههههه حلوة ياالمسعري عز الله كلش يعقل ذالأيام ، ذالليل ليل الفتل والنقض والمعاني الطيبة .... شدوووووووووووووو حيلكم تراني معكم يالثنين اشجعكم ظني ماعاد به صفوف إلا كان احد جاي |
الشعار : أبو زايد التغلبي و المسعري
واصلووووووا عافاكم الله وحنا ماسكين الصف وأنا في صف أبو زايد التغلبي من غير قصور فيك يا المسعري وتقبلوا تحياتي : مسفر المصارير |
أرررررررررررررررررررررررررررررررررحب يا مسفر الحبيبي
مرحبا ملايييييييييييييييييييييييييييييين يا مسفر المصارير شد حيلك وابشر بسعدك
لن قاله الله ما تسري ذالليل إلا مبسووووووووووووط وانا شايع .... اللييييييييييييييييييييييييييييييييييييييييييييييي ييييييييييييييييييييييييييييييييييييييييييييييييل |
هذي تراها بلاكم ياهل الديره=مشروعكم لانهدم ماينبني غيره ياشاعر المعرفه ياطيب السيره=والنار ما تحرق الا رجل واطيها العمده اللي قلت سلم له شعار=للعسكر اللي تستلم ضابط خفر هذي صعوبات ولزوم نذلها=واللي عقد روس الحبال يحلها |
بيض الله وجهك يا بوعبدالمحسن المسعري
انا اشهد إنك يا مشرفنا الوقور بو عبدالمحسن المسعري مفخرة ومكسب للمنتدى واهله /// صدقني انك عن صفين كاملين واشعلت الحماس فينا من جديد فمشكووووووووووووووور طال عمرك |
الاخ الشاعر ابو زايد التغلبي صراحتا لقد تشرفت باللعب مع شاعر بمكانتك وشاعريتك وانا اعتبر هذه المحاوره من اعز المحاورات على نفسي لمحبتي واعتزازي بشاعر المنتدى ابو زايد التغلبي وانا الحين استاذن شاعرنا تنكست النجوم وورانا بكره دوام اسأل الله العلي العظيم ان يمن على جد شاعرنا التغلبي بالشفا العاجل |
إييييييييييييييييييييييييييييييييييييييييييييييييي يييييييييه
الله يعطيك ألف عافية يا خوي المسعري ويعطي الغالين اللي سروا الليل معنا ألف عافية ولكن أنا اتفقت معك على اللعب ساعة والحين ما شاء الله حوالي ساعتين ونصف: اسمح لي بعد هالبيتين باطلع من النت واروح لشايبي : استلم لاهنت: جانا ضيوف(ن) تمشا وسط ديرتنا ............ ويهم كل الطراقي عرف سيرتنا والسمعة الخالدة من دونها متنا .............. والنار ما تحرق إلا رجل واطيها يا ربعنا الغالين حار الدمع حار ////// في عين بنت(ن) خدها كله غبر لاتتركون البنت تشكي غلها ///// واللي عقد روس الحبال يحلها |
ياسلام ياشعار الله يعطيكم العافيه
المسعري=ابوزايد التغلبي الله لايهينكم ولاتقطعون من ذاللعب الجزل تحياتي للجميع-- |
الله لايهين الشعار
والصفوف |
شعار المنتدى
المسعري ابو زايد التغلبي الله يبيض وجيهكم وماقصرتوا وجعل عماركم تطول على طاعة الله الاخ الغالي ابو زايد اسأل الله العظيم رب العرش الكريم ان يشفى جدك من كل سوء ومكروه وان يرزقه الصحه والعافيه ويطول في عمره ان شاء الله وهو في اتم الصحه |
الساعة الآن 08:44 AM
 |
Powered by vBulletin® Copyright ©2000 - 2026, Jelsoft Enterprises Ltd.
---