عشــقت القــمر حـيث القمر ينبعث به نـور = واخــص اللــيالي البيض تـزهاه ويزهنه
واحــب الــهوى لاهـب مـن خايع ٍ ممــــطور = وريح النــفل حــيث النفل طــيب الخنه
واحب الجمــاله والــجماله عـــمل مبـــــرور = واحب الغــناه وعــز نفسي مــن المنه
واحب الصـــراحه والصــراحه بـها مـــــسرور = حيث ان الصراحه تقطع الشك والظنه
واحـب الكــريم اللــي يفــرج عن المعسور = اليا من عطى حتى هله ما دروا عنه
واحب الــرجال العــارفه واكــره المــــــــغرور = من اغتر في بعض المــواقف يغـــــرنه
سقى الله ليــالٍ ماضــيه قبل هدم السور = نحفر العدود ونشرب الماء من الشنه
نشــوف الــبنات الـيا وردن كــنهن الحـــور = أمــهار ٍ مــشاويل ٍ بالاعـــياد معـــتنه
على المــاء تشــوف بــيوتهم كنهن القور = كــثير القــبايل تقــطن العـد بالكــــنه
على البـــال ذكراها يالـيت اللــيالي تدور = ياليت اللــــيالي ما خـــذنه يـــجيبنه
تذكــــرت شـــيبان ٍ لنا يـــوم حنا بـــــزور = يحثــوننا للـــطيب والفرض والــــسنه
وعاشوا حيــاة ٍ قاســـيه في بـــحر وبرور = عسى الله يعــوضهم بما فات بالجنه
ودور ٍ مــضى من بينهـم ويــن هاك الدور = زمانٍ مضـــى له ذكـــرياتٍ يحـــــــلنه
يوم ان الـذهب ما يلـبسونه بدون خصور = وجمال النسا ماهو من السوق يشرنه
فقدنا حياة البــــدو مع شـــوفة المظهور = ولا عاد به بدو ٍ ... ولا الطرش له حنه

المشاركة الأصلية كتبت بواسطة ابو شبيب ال بريك (المشاركة 660463) يـوم ان الذهـب مــا يلبسـونـه بــدون خـصـور......وجــمــال الـنـســا مــاهــو مـــــن الــســـوق يـشــرنــه صح لسان قالها قصيده شامخه وبيض الله وجهك اخوي ابو شافي ع النقل المتميز ولك جزيل احترامي

المشاركة الأصلية كتبت بواسطة فهد المقابله (المشاركة 660471) صح لسان الشاعر ولاهنت على النقل تحياتي وتقديري

المشاركة الأصلية كتبت بواسطة في صمتي لك كلام (المشاركة 660556) واحب الجماله والجماله عمـل مبـرور واحب الغناه وعز نفسـي مـن المنـه واحب الصراحه والصراحه بها مسرور حيث ان الصراحه تقطع الشك والظنـه (فقدنا حياة البدو مـع شوفـة المظهـور ولا عاد به بدو ٍ ... ولا الطرش له حنه) قصيده جميلة جدا فيها من الشموخ تسلم يمينك وذوقك يا ابو شافي ^_^ تقبل مروري

المشاركة الأصلية كتبت بواسطة دغش محمد الصخابرة (المشاركة 661574) ابو شافي صح السااااااانك صح لسااااااااااان الشاعر ولاهنت على النقل الرااااااااااائع تحياتي وتقديري

المشاركة الأصلية كتبت بواسطة محمد مطلق آل بريك (المشاركة 661715) المبدع أبو شافي صح لسااانك واعتلى شانك ولاهنت على النقل تحياتي وتقديري

المشاركة الأصلية كتبت بواسطة بنت الذيب (المشاركة 661990) صح لسان شاعرها وصح ذوقك واختيارك لهالابيات الرائعه لاهنت

المشاركة الأصلية كتبت بواسطة ناصر بن فهد (المشاركة 662025) و ربّي لَكَ سلآسَةٌ في انتقآءِ الكلمآت في ترجمَة المشـآعِر بِ هدوءٍ و حكآيَة الروح هنـآ لهآ طعْمٌ جميِل لهـآ ملمَسُ، لهـآ رآئِحَة، كلّهـآ من زهرٍ و عبيِر، . متميّزٌ وَ كثيراً ي ابو شافي سلِمت

المشاركة الأصلية كتبت بواسطة راشد محمد المقابله (المشاركة 662068) أبيات جميله جدا وفيها من الحكمه الشيء الكثير صح اللسان شاعرها ولاهنت يا أبوشافي على نقلها

المشاركة الأصلية كتبت بواسطة نايف آل بريك (المشاركة 662075) قصيدة مميزة تسلم يمينك يابو شافي على هذا الأنتقاء وصح للسان الشاعر سليمان الهويدي