سلام يامدهال قوم ٍ ناصبينه مايطيح = العز والتشريف والتاريخ هذا معقله
تعال ياشافي وسولف ونت رجال ٍ صريح = الداب ابو نابين ت تتركه ولا تقتله

المشاركة الأصلية كتبت بواسطة مبارك بن الجوير (المشاركة 656908) الله الله يابومرضي صح الله لسااااااااااانك ومدخل لبداية نارية وموجهها لقرمن قد الميقاف بانتظار ابو راشد عسى عمره طوييييييل... متابع

المشاركة الأصلية كتبت بواسطة محمد بن سالم الخضراني (المشاركة 656923) الله الله يابومرضي صح لسانك والله يعين شافي على ابو نابين

المشاركة الأصلية كتبت بواسطة النداوي1 (المشاركة 656967) الله الله صح لسانك يأبن مرضي وننتظر الشاعر شافي تحياتي وتقديري

المشاركة الأصلية كتبت بواسطة شافي بن راشد النتيفات (المشاركة 656993) ارحبو كلكم وصح لسانك يابن مرضي والمعذرة ماشفت ابياتك الا متاخر وابشر بالعوض القابلة ان شاء الله في نفس هذا الموضوع

يامرحبا في دارك اللي كل ما فيها فصيح = صرح ن بني لاهل الوفا والطيب واهل المرجله
مافيه في هذا الزمن ياخوك رجل مستريح = لكن جود نفسك من اهل الغثا والبلبلة

دام البقى والكون له دوره ياعله مايبيح = والخاسر اللي مبتلش وسط الحياة المقبله
احدٍ على الطاله كفو وحدٍ على الطالات ميح = واللي محني يدّه الثنتين ماساق اجمله

من جود السيسان يبشر بالثبات ولا يزيح = ماهمه اللي ينفخ ذروبه وثوبه مسبله
عاين قدم ياصاحبي خل الذي كفه شحيح = مافاد نفسه طول عمره ما تعدا مدهله

مادون قيض الارض غير النار والجمر الفحيح = واللي وطي لفح السموم انقول له يامخبله
كم ميتٍ دون المراجل وحسبوها كم جريح = وكم واحدٍ من طيب راسه ماتلوا معدله

انا على درب القدا وانته على درب المديح = واللي سواتك عارفن مخراجه ومستقبله
حطيت جندي في محل الضابط وعود طريح = واهل الوظايف كل رجل تعرفه ماتجهله