عسى الله لايجزاك بالخير يالنسيان=قطعت بوصالك لين زودت في هموم
تعاونت وايا فهيد ضدي وانا شفقان =على طاري ايام مضت والعلوم علوم
تذكرت منزال لنا من ورى الشقران =والا يابن محسن كن ما حال دونه يوم
مداهيل ربع تكرم الجار والضيفان=هل بيوت تبنا على النايف المزموم
بني عمي اللي ذكرهم فالمواقف بان=حدن راح واحدا فوقها يرجي المقسوم
تذكرتنا يافهيد جدي ولد وطبان=عسى الله يحرم وجهه النار والسموم
وتذكرتنا مساوي ليا عدو الخطلان=عسا ربنا يرحمه في الموقف المرسوم
وتذكرت رجل الدين والطيب بن حشان=عسا الله يظله تحت ظله نهار يقوم
وذكرتني يافهيد بمحمد كحيلان=ولد مدهش اليامن ذكرته عداه اللوم
وذكرتني شافي ويوم عليه كان=فلا عاد يوم راح به شافي المرحوم
عسا ربنا يجزاهم العفو والغفران=نهار به المخلوق عاري بدون هدوم

على الهون يشافي رفيقك ترى تعبان = ينام البليد وصاحبك مايذوق النوم
تعوذ من الشيطان وبلعن الشيطان= ولاتزود إهمومي دخيلك عساك تدوم
هموم بصدري غالب فوقها الكتمان = وعسى الله يعين الصدر من همه المكتوم
تخاويتنا والحزن صرنا ربع وخوان= ولعاد به فرحه بعد موتة الشغموم
عضيدي ليا عدو هل الطيب والشجعان=بعيد النضر وإن كان غيره قريب الحوم
وألا يزمان الشين والضلم والبهتان= مواقع إفعولك حط في الطيبين إثلوم
خذيت الرجال اللي لهم في المواقف شان=هل الطيب وهل الدين وتناصر المضلوم
وترى الوقت يشافي مايصفي ولوه زان = وترى ماضي الايام يبقى سوات إحلوم
تدور إلسنين وربنا يمهل الانسان= يحسب السنين وبنتضر يومه المحتوم
ولايعرف بيومه سوى خالق الاكوان= إله رحيم خالق رازق قيوم

صوت وصدى وابداع منقطع النظير

عسا ربنا يجزاهم العفـو والغفـران
نهار به المخلوق عاري بدون هـدوم

وألا يزمان الشين والضلـم والبهتـان
مواقع إفعولك حط في الطيبيـن إثلـوم

انشهد ان البيت هذا يوجع

شافي // فهيد

صحت السنتكم ولاهنتو

عـسـى الله لايـجـزاك بالخـيـر يالنـسـيـان=============قطعـت بوصالـك ليـن زودت فـي همـوم

المشاركة الأصلية كتبت بواسطة خالد المشاويه (المشاركة 628375) الله الله الله عليكم مبدعين ورب البيت من اجمل ماقرأت ياشغاميم صح الله لسانك يابوشالح ولسان الاخ فهيد وهاذي حال الدنيا الله المستعان الطيّب مايدوم مايدوم إلا الرخوم جعل ربعه يفقدونه وكلنا مع ذالدرب عسى الله يسهله علينا ويجمعنا واياكم ومن نحب في جنات النعيم اللهم امين

المشاركة الأصلية كتبت بواسطة محمد بن سالم الخضراني (المشاركة 628395) صوت وصدى وابداع منقطع النظير عسا ربنا يجزاهم العفـو والغفـران نهار به المخلوق عاري بدون هـدوم آمين الله يرحمهم ويغفر لهم ويسكنهم جنات النعيم وألا يزمان الشين والضلـم والبهتـان مواقع إفعولك حط في الطيبيـن إثلـوم انشهد ان البيت هذا يوجع شافي // فهيد صحت السنتكم ولاهنتو

المشاركة الأصلية كتبت بواسطة ابوشافي الدوسري (المشاركة 628430) صح لسانك يابو راشد وصح لسان ابومحسن ابداعات تعودنا عليها من شاعر بحجم شافي ولايهون ابومحسن تحياتي

المشاركة الأصلية كتبت بواسطة مبارك بن الجوير (المشاركة 628551) مداهيل ربع تكرم الجـار والضيفـان هل بيوت تبنا على النايف المزمـوم بني عمي اللي ذكرهم فالمواقف بـان حدن راح واحدا فوقها يرجي المقسوم كفؤ وسبعة انعام والله تذكرتنا يافهيد جـدي ولـد وطبـان عسى الله يحرم وجهه النار والسموم وتذكرتنا مساوي ليا عـدو الخطـلان عسا ربنا يرحمه في الموقف المرسوم عسى الله يرحمهم برحمته ويغمد ارواحهم الجنة يارب __________________________ وألا يزمان الشين والضلـم والبهتـان مواقع إفعولك حط في الطيبيـن إثلـوم خذيت الرجال اللي لهم في المواقف شان هل الطيب وهل الدين وتناصر المضلوم وترى الوقت يشافي مايصفي ولوه زان وترى ماضي الايام يبقى سوات إحلـوم تدور إلسنين وربنـا يمهـل الانسـان يحسب السنين وبنتضر يومه المحتـوم عزالله انه صادق والله يحسنا خاتمنا ومن يقرا... شافي لله درك انت وابومحسن والله يغفرلكم ويرحم موتاكم ويحسن خواتمنا وياكم قصيدة اشبه بتقليب المواجع وللحزن عبرة وللكدر فالشعر رسمة ابداع وموعظة.. عسى الله يوفقكم وانا اخووك ولايفرق بينكم يارب وكفيتوا ووفيتوا بالشعر صح الله لسانك ولسان ابن محسن.. شعار بمقام الجبال وتقابلوا على بحر وقاف وكان للابداع ميقاف... يسلم راسك يابوشالح على هالاضاءة ويسعد ايامكم ولايوريكم مكروة في غالي وتقبل مروري المتواضع يابوشالح نفداك..

المشاركة الأصلية كتبت بواسطة خميس الغييثي (المشاركة 628573) صح لسانك يابوشالح وصح لسان ابومحسن ولاهو غريب عليكم يا اثنين هالابداع المتناهي

المشاركة الأصلية كتبت بواسطة حفيد الأمراء (المشاركة 628578) عـسـى الله لايـجـزاك بالخـيـر يالنـسـيـان=============قطعـت بوصالـك ليـن زودت فـي همـوم ابوشالح صح لسانك ولسان الشاعرفهيد من اروع الردود التي سمعتها والله يرحم الشيبان جميعاً

المشاركة الأصلية كتبت بواسطة ناصر بن فهد (المشاركة 628580) شافي النتيفات & فهيد النتفيات صح لسانكم ومبدعين كـ العاده . . وياسلام عليكم ,, لله دركم

المشاركة الأصلية كتبت بواسطة بدر سلطان التمامي (المشاركة 628695) صح السانك ولسانه ابيات جزله ماشاء الله تبارك الله

المشاركة الأصلية كتبت بواسطة حفيد المسنحاني (المشاركة 628892) صح الله لسانك وعتلا شانك

المشاركة الأصلية كتبت بواسطة دغش محمد الصخابرة (المشاركة 628918) صح لسانك يابوشالح وصح لسان ابومحسن والله يعطيكم الف عافيه على الابداع

المشاركة الأصلية كتبت بواسطة فارس الدبالين (المشاركة 629183) شافي النتيفات & فهيد النتفيات صح الله لسااانكم جميع شعّار وجزلين ووالله ونعم وسبعة انعاام بكم ياربعنا وبني عمنآ والله يرحم امواتنا وامواتكم ..(كل من عليها فان) ورجالٍ فنو وذكرهم حي مع اهل الطيب مثلكم وشرواكم .. ماماتو ولايزال ذكرهم وعلومهم الطيبه مثال للمراجل تقبلو التقدير والاحترام .

المشاركة الأصلية كتبت بواسطة عبدالرحمن آل بريك (المشاركة 629188) أبو شالح : صراحةً يعجر اللسان عن الكلام أمام هذه النصوص الرائعه التي تحرك المشاعر وتهيض الاحاسيس . فصح لسانك ولسان أبو محسن . والله يرحم موتانا وموتى المسلمين ويجعل الجنه مثوىً لهم .

المشاركة الأصلية كتبت بواسطة اخو بدوا (المشاركة 629999) صوت رايع وصدا على مستواه صحت السنتكم ياشافي وخويك لاتبخل علينا بالجديد شرواها

المشاركة الأصلية كتبت بواسطة الريـم1 (المشاركة 630681) ابداااااع صح السانكم وعتلا شانكم ابيات جزله من شعار جزلين تسلم الايادي الله يعطيكم العافيه تحياااااااتي

المشاركة الأصلية كتبت بواسطة النداوي1 (المشاركة 630726) والله يأبو شالح أنكم أشحنتوني وهذا درب كلنا ماشين عليه الله يحسن الخواتيم على كل .... صح الله ألسنتكم جزلين ومبدعين

المشاركة الأصلية كتبت بواسطة أبو تراحيب (المشاركة 631683) شعراء مبدعين دائماً ولكن لنا عتب على الشاعر فهيد النتيفات فهو مقل تواجده اعلامياً مع انه يملك قصيد و صوت جميل وبلا مبالغه قد يتفوق على اكثر المنشدين المتواجدين الان في الساحه الشعبيه ونتمنى ان يكثف وجودة اعلامياً