ما فات مات وبعض الاشياء ما تموت = في الذاكره والدسك يطويها طوي
يا صحابنا يا هل المناصب والبشوت = خفو علينا والقوي فوقه قوي
الله وكبر يا شباك العنكبوت = قامت على عزوم النشاما تلتوي
الحظ يكبر مع كبيرين البخوت = والمنزوي حظه سواته منزوي
ودك تعيش ولا معك يا غير قوت = يومك لاكن كرامتك ما تنشوي
وترى الخوي لو طق رنج وطق حوت = حتى ولو خاوا ملك يبقى خوي
احيان ياطيب المشاهد والسكوت= نظره تكفي عن كلام يحتوي
وحيان لابلاه ياشين الصموت= اظربها حتى لونه من ذوي
حتى يجيلك مع هل الطالات صوت= الكلب ينبح نبح والذيب يعوي
لمجاد تيغى عزم وصرار وثبوت= الين تلوي معصم ايامك لوي
الفلسفه تلعب بكرت من الكروت= يحرق كروت المحترف والمهتوي
ارجع على نفسي واعاتبها والوت= وشيطان فكري في الفضا يدوي دوي
واقول يمطوع دعائك في القنوت= لا تجهر بصوتك ونا ماني سوي
نفسيتي قشرا ولا حب الشموت = واكبر عيوبي في المواقيف جروي
ودون الجماعه حد سيف وناب حوت= من ناشهم على حجاجه ينكوي
لاكن ياسلمان عطني جري فروت= يريح اعصابي وينعشني اوي
وحجز سويت ملكي في الماريوت= بجلس معا نفسي وسوي وستوي
وروح وقل لفلان هرجه مايفوت= ونا بدوي وعيش مع كل بدوي
انا عقاب الي ممات بحب نوت= حتى لوني سم كبد وفوضوي
الضلع ماحسب حساب الجيلبوت = الضلع يثبت والشياطين تهوي
لا تحسبن الادمي مثل الريموت = لاصرت تكره شي غيرك يهتوي
واخير من كثر السواليف السكوت= وفر على نفسك وخلك منطوي

قامت على عـزوم النشامـا تلتـوي
الحظ يكبـر مـع كبيريـن البخـوت
المنـزوي حظـه سواتـه منـزوي
ودك تعيش ولا معك يا غيـر قـوت
ومك لاكـن كرامتـك مـا تنشـوي