|
آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
هذه القصيدة عندما شاهدت عرضا"
للصقور الخضر في إستعراض جوّي بمشاركة أخوي الرائد الطيار/ محمد بن الجوير أمام خادم الحرمين الشريفين حفظه الله.. فتجلّت مني هذه الأبيات كما تبلورت في مخيلتي من تشبيه" لها بصقور جارحة.. أرجو أن تحوز على إعجابكم و رضاكم.. _____________________________________
يـالله يـا قــيـّـؤم و لـلـسْــؤّء دفـّـــاع=يامرهي" رحمتْك من شانِ مـَخـلـوق ياذا الولي الشافي,,عنا ظيم الأوجاع=يا حيّ يا معافي,,شَـنْا فـَكـة العوق يا مهوّن الخافي,,لنا حزة إفجاع=يا مْعطيّ وضافي,,غنا حال مْضيوق يا مكسي الحافي,,هنا مْطّعم إجيّـَاع=يا حُكمَ الإنصَافي,,سنا منظلم بوق تستر على اللي مايداوم على القاع=ماشا الله الرحمن في كل منطوق في شوفته آطيش وبالداخل أرتاع=صلاة ربي تحرسه طوقن بطوق سبحانِ مْن سّخْرّ حديدن و طَلاَّع=و الجو ميدان الفضا حطه طروق فـالعلم قَـاس البِعْدِّ حَدّ الإِرْتِفْاع=و تفاحة (نيوتن) /قوانين/ و /وثوق/ آثاري يا (نيوتن) غدا عمرك وضاع=ياشوف عيني بالسما [محمد] يسوق سلام يا كنز" دفنته بالأضلاع=سلام ياشيكي والإحساس صندوق يا راكبن قمّة تـهـاويل صِنّـَاع=كِـنَّ السما سكات و دروبها فوق سواقها لا خمها ناوي إقلاع=تهيجعت رَعدِن عُقب سلّت بْروق لاتلّها يمَّ السما عقب الإسراع=عَـدادها يفتَرّ والصوت مسبوق طيارها في ضمة (الهِلْمِّ)-1- شَـلّاع=مِخلابها يِنكف سامح ومفهوق لا سْفـَحَ الجنحان بتقول طماع=لا فرّها فالجو بتقول مطفوق إموردات (الهؤكّْ)-2- جـَا روسها صداع=من هول فعلن صار لأفعالها يفوق آكّـالّْة الخنزير كــيّـالة الصاع=شرابة الخمرهْ و رباية الدوق من حرِّ ماشافت على الطنخةِ شْجاع=طيار و سعودي على عزه إيتوق إصقور خضرن للمواجيب طوّاع=حمايّة البيتين ضد العدا عوق اصقور خضرن والمهمات مطلاع=إمخضبات الريش والعنق منتوق لـْمدرجه وكرن وللجو مرباع=مقناصها تكتيك والقيد مطلوق عند الهدَّدّْ تكفخ لها إفجوجن وساع=قطّاعة" للخَدّ و الغيم مشقوق مركوزة القامة وبعيونها شعاع=مدقوقة الهامة من الخد لإشدوق منقارها منسلِّ والوّنْق ِ لمّاع=ممشوقةَ المُؤخَرْ ولاهوب مَفتوق صقورن فصايلها نديرات الانواع=من نقوّة سِلالة ومن أطيب عروق إمدربه كبتن خبير" بالابداع=إمعلمْه فنان بالشكل والذوق الأسـمِ [ هـُـوْك ] وبالتشاكيل تلتاع=فلو للسماء حبّ" .. فـللجَوِّ معشوق وطيارها مطنوخ في كل الاوضاع=لاخَـمّـهـا يْـمَّ الفـضا تـَلّـه الشْـوُق يا(هوك) / ننمبّـَر فُـوورِّ /للصِيْتِ مْـذيـاع=صَـقّـارِتس آَشْدّْ إنّـهْ على الصيت مرموق للطيب مجدافِن ,, وللطنخه إشراع=للفعل شيالن .. و للعز طـَارُووق أخوي شاريني يوم إنَّ السَعْدّ بـَاع=وانا على ربحه أبـَآ اكسِّرَ السُوق فيـّا حَيِّ يـا قْيـّـؤومْ يا ملّبـِيَ الدْاع=تـَحْـمـيه يـا رحمـ'ـن مْن كـلِّ منطوق ________________ -1-الهِـلْـم:المقوّد. -2-الهؤك:اسم طائرة الاستعراض. -3-ننمبر فؤور:رقم اربعة رقم طائرة محمد. * الؤنق:الجناح |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
شهادتي فيك يامبارك بن الجوير مجروحة
صح لسانك ملايين قصيدة اكثر من رائعة ومحمد اخوك كفو ومن ربع كفو ويستاهل العلم الغانم |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
صح الله لسانك طال عمرك ونعم في اخوك الله يستر عليه ويحفظه وهذا الشي الي يرفع الراس جعلنا مانعدمك انت وخوك
|
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
|
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
صح لسانك واعتلى شانك يامبارك كماهي العادة منك قصايد جزاله
تقبل مروري اخوك الوليد ابن قويد |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
مبارك بن الجوير
صح لسانك على كل بيت واشهد انك شاعر تقبل مروري |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
اقتباس:
ههه الله لا يجرح شهايدنا ياشافي؛)+:) صح الله إبدنك وانا اخوك والروعة بحضورك وكفؤكم أطيّب من الطيب يامال الغنيمة.. وان جت على الشهايد يا شافي مرورك بحد ذاته وانااخوك=آعـدّه شهادة والله. اسعدني مرورك الغالي ياشافي,, لاعدمتك:) |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
|
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
صح اللسانك قصيده جزله
|
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
|
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
صح لسان يابن الجوير
قصيده رائعه وجزله وهذي عادتك يابا العوايد الاختيار والطرح الجزل |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
اقتباس:
اخوي ابوفهد,, صح الله إبدنك وماعليك زود يا القرم.. بيّض الله وجهك على المرور وعمرك مايقصر وتقبل الله دعانا ودعاك ولايحرمنا الأجر.. سعدت بمرورك لاهنت:) ,, لاخلا ,, ولاعدم .. |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
اقتباس:
فديتك والله وتبي الصدق عااااااد المشاركة اللي ما اشوف مرورك فيها والمح توقيعك بصفحتها أحس إنها مابعد ظهرت من ذمتي وانا اخووووك ولايهوون ورب البيت باقي الأخواااان وكلن مروره محسوب ويشرفني لكن لمرورك بصمة خاصة يا ابومطر... بيض الله وجهك والابداع من منطوقك يالقرم يسعدني مع وافر الشرف مرورك واعجابك.. وآدام الله عزك وانا اخوووك:icon7: |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
اقتباس:
********************** ياعصابة"للراس وقت اللوازيم لاشان حظي واستباح بلزومي ********************** الولييييييد صح الله إبدنك والجزالة تنشاف بعيونك ويقرأاه منطوقك يا القرم وصح الله إبدنك ولاهان حضورك وانا اخوك :) |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
مبارك صح الله لسانك واعتلى شانك
بيض الله وجهك على هالابيات تقبل مروري الـــــــــذرب |
رد: آكّالِّْةَ الخنزير كـيّالة الصَاع=شرابة الخَمرهْ.. رْبَايّةَ الدْوق
اقتباس:
وصح الله ابدنك إليييين ترضى وشهادة من شاعر شرواك فخر+وسام+بيرق وعلى فكرة يابن ناهش ابطينا ماقرينالك شي وانا اخوووك اروؤيء القلوب اللي بعد ماترؤنّ..:18: اسعدني مرورك لاهنت.. :) |
الساعة الآن 01:17 PM
 |
Powered by vBulletin® Copyright ©2000 - 2025, Jelsoft Enterprises Ltd.
---