يا شاص جيتك نأوي اليوم أعزيـك

……………………قرب يجيك الموت حـان ارتحالـك

من يوم شفنا لابس ألكـاب راعيـك

…………………..مدري وش اللي غير اليـوم حالـك

أبـو سبيـب كنهـا شكـة الديـك

…………………….يمشـي وكنـه مـوردك للمهالـك

إن كـان ذا حالـك فحنـا نخليـك

…………………….يوم الربـع قالـو ترانـا رجالـك

عقب الكوامر والعبث بالشرابيـك

…………………واليوم فوق الشاص عقب الكدالـك

مـا بـاقي الايقلبـونـك تماتـيـك

…………………..ويبـدلـون ألمرتـبـه بالمـدالـك

مادام حطوا لـك جنـوط وسيراميـك

…………………..اصبر تحمّـل كـل شـي ينالـك

يا للي ركبته وش تبـي بالمهاليـك

…………………غلطان أبوك اللي رضا واشترى لـك

الشاص ماهو لك ولا هـوب باغيـك

……………….الشاص لرجال(ن) تعرف المسالك

لصار جـو البـر يمخـش اياديـك

…………………..خله يجـي قرم (ـن) يسوقـه بدالـك

مدام طوقك مرتفـع عـن علابيـك

…………………….وأبـوك زود بالنعـومـة دلالــك

عز الله إن أبوك عجز(ن) يربيـك

…………………ولامسك نصب المساحـي شمالـك

لمـع وظلـل صافيـات الشبابيـك

………………..لا يفارق الفيري مع الوقـت بالـك

الشاص مالك به أقصار خطاويـك

……………………حـدك تراه الدائـري ذا مجـالـك

ههههههههههههههههههههههههههههههههههه

عز الله انه صادق

ياكثر الخكر والصايعين الي يشترون الشاصات ويفحطون عليها


لاهنت يامحمد على نقل القصيدة

صح لسان شاعرها ولاهنت يامحمد على نقل هذه الرائعه
تقبل ودي وتقدير

والله مدري وش بيسوي لو سااقوا البناات لاهنتي اخيتي والله يعطيس العاافيه

محمد الودعااني