بسم الله الرحمن الرحيم


السلام عليكم ورحمة الله وبركاته


مناسبة القصيدة:


بعد حمد الله أولاً والثناء عليه وعلى أنعامه التي لاتحصى ومن أهمها نعمة الأمطار التي عمت بلادنا بفضل الله -سبحانه-كتبت هذه القصيدة وأنا في الصمان الأسبوع الماضي وكنت متهيض لكتابة القصيدة وأنا معتلي فوق مع وقت الغروب فهاضت قريحتي لكتابتها وعساها تنال إعجابكم وأذواقكم :



ياماحلا في البر لا لاحت بروق@بأمر الولي تسقي فياضن ووديان

الغيم واجد والهوا ساقها سوق@بأمر من المعبود لاطاح ودان

السيل في الصمان لامن جرى فوق@علم الحيا بين وعند البدو بان

في وسط مخضارن ليا شفتنا النوق@وشوف الفياض وعشبها اشكال والوان

لاشفتنا شيحن مع حمض مفلوق@وشوف البختري كنه أزهار بستان

وريح الخزامى والنفل شاقني شوق@والابل هوا بالي دوا كل وجعان

حليبها ماهوب يشرا من السوق@صافي قراح ومروين كل عطشان

اقلط على اهل الطـيب والعلم موثوق@ذباحة للحيل وادلال رسلان

مجلاسهم فيه السوالف ومنطوق@يجمع مشاكيل وفي الحرب ضفران

ياساكن الديرة ترا الحال مخنوق@يجيك بالتفصيل علمن وتبيان

هذا الصحيح وكل مطرود ملحوق@قد قالها الشاعر على مر الازمان


وسوالم

صح الله بدنك يابو فهد ومن قال لاهان ووجهك ابيض ولاهنت على المرور ياالقرم

صح الله بدنك يابو عبد الهادي ومن قال لاهان ووجهك ابيض ولاهنت على المرور ياالقرم

صح الله بدنك يابو زيد ومن قال لاهان ووجهك ابيض ولاهنت على المرور ياالقرم

صح الله بدنك يابو راجس ومن قال لاهان ووجهك ابيض ولاهنت على المرور ياالقرم

صح الله بدنك يابو سالم ومن قال لاهان ووجهك ابيض ولاهنت على المرور ياالقرم

صح الله بدنك ياعاشق هريسان ومن قال لاهان ووجهك ابيض ولاهنت على المرور ياالقرم

صح الله بدنك يابوياخالد ومن قال لاهان ووجهك ابيض ولاهنت على المرور ياالقرم

صح لسانك اخوي محمد
وارجوا ان تقبل وجهة نظري بأريحيه والله ثم والله ثم والله أني ناصح محب
ولكن ماكتبته ليس قصيده انما كلام مقفى وغير موزون بتاتا
ولي شرهه على شاعرين كبيرين مروا على القصيده ولم يعلقوا عليها ولم يبينوا لك الغلط
وهم عبدالله بن فهد ومحمد الخضراني
فمع اختلال اوزن الواضح هناك ابيات لا اعلم كيف كتبتها

ابي اسالك هل الضمآن يروى من العسل وهل يطفي ظماه

اخوي محمد البن اذا صار محروق مايتقهونه ولايسوى للنشاما شرواك
والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))
ارجوا ان تتقبل النقد بصدر رحب وأريحيه ووسعة بال وارجوا من الشعراء عدم المجامله في الشعر فبمجرد مرورهم على قصيده ليست بقصيده ان يبدوا رأيهم
ونصيحه من اخو محب لك اذا اردت ان تعرف القصيده موزونه فغنها اذا مشت معك جميع البيوت على اللحن فهي سليمه

ارجوا ان تتقبل نصيحة اخوك الصغير

صح الله بدنك يابو بدر ومن قال لاهان ووجهك ابيض ولاهنت على المرور ياالقرم

حياك الله ياصبي الصمايل

واشكرك على النصيحة الطيبة كمحب

وتم تعديل الابيات بالشكل المناسب


بخصوص ملاحظاتك فسوف أفندها على النحو التالي:

1-(ولكن ماكتبته ليس قصيده انما كلام مقفى وغير موزون بتاتا)

القصيدة من ناحية الوزن فهي سليمة من الكسور والعيوب ولله الحمد فأنا متأكد من سلامتها وعرضها على اثنان من زملائي شعراء وقالوا لي بأنها سليمة من الكسور بعدما لحنوها بعدة ألحان واختلاف الألحان شي طبيعي وروتيني فهو يختلف من شخص لأخر وبخصوص هذا الموضوع تابعت إحد حلقات جولة شاعر المليون للموسم الرابع في التلفاز فوجدت بأن أحد الأشخاض شارك بقصيدة ليست له بل هي إحدى قصائد الشاعر/حمد السعيد القديمة عام 1989م وقال له الشاعر /حمد السعيد بإن القصيدة فيها خلل واضح وكسور عديدة ولم يعلم بأنها قصيدته إلا بعدما خرج الشاب من اللجنة ولاحظت في إلقاء الشاب للقصيدة بإسلوب مختلف وذكر إحدى الإعلاميين في برنامج شاعر المليون بأن القصيدة سليمة ولكن الإلقاء لم يكن بالشكل المطلوب .

بخصوص مرور الشاعرين/عبد الله بن فهد و/محمد بن سالم إلا دلالة على روعة القصيدة وجمال ابياتها فلو كان في القصيدة كسور واختلال لاتم ابلاغي بسرعة إما عن طريق الهاتف أو الرسائل الخاصة وهذا رد أخي عبد الله بن فهد:

ومن قال سالم وصح الله السانك ورسمت لنا الطبيعه والاجواء الربيعيه هذه الايام يابو حمد الله لايهينك وبيض وجهك

وهذا يدل على إعجابه بالقصيدة وإشادته الغير مستغربة من شخصه الكريم


2-ابي اسالك هل الضمآن يروى من العسل وهل يطفي ظماه

الضمآن يروي من الماء ولكن العسل علاج ودواء لعدة أمراض بعد الله سبحانه وماإستخدامه كعلاج شعبي إلا لأهميته القصوى ولكن أنا رسمت البيت بصورة مغايرة وهو التشبيه بالعسل وهو من الصور البلاغية أو التشبيهية


3-اخوي محمد البن اذا صار محروق مايتقهونه ولايسوى للنشاما شرواك
والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))

صحيح لكن إذا تم حمس القهوة على النار فهذا يسمى إحراق

أي أن لاتكون القهوة سوداء اللون بل مجرد إحراقها وحمسها على النار فهذا يعتبر إحراق أي يكون لون القهوة صفراء كالياقوت تطرب العين لرؤيته وتم ذكر الإحراق في عدة قصائد منها:

واحمس ثلاثة يالنديبي على ساق

حرصك تصير بعاجل الحمس مطفوق

اليا صفر لونه ثم بشت بالاعراق

صفرا كما الياقوت يطرب لها الموق

دقة بنجر للاجاويد عشاق

يطرب لها الدقاق إذا دق بخفوق

لقم بدله مولعه طولها ساق

ريحه على جمر الغضا يفضح السوق

أكبر قموعة كالزمرد بالاشفاق

وأصغرهن الطافح على شفه الموق

ليا انزعج من مزلقه تقل شبراق

أودم قلب واغرع منه معلاق

كفه وصفه على خمس ترناق

هيل ومسمار مع الاطياب مسحوق

بها لشمطري والعنبر اليافاق

والزعفران اللي على الطاق مطروق

صبه لذاك وذاك ما ذاق

واكفى كفاك الشر عن كل مخلوق


قصيدة الشيخ ابن هذال:
قم سو فنجال(ن)ترا الراس منداش*لعيون من قرنه على المتن مرجود
.
.
وقصيدة الشيخ ابن مجلاد:
قم سو مايجمد على الصين ياذياب"="بدلال يشدن البطاط المحاديب
واحمس اليامن العرق فوقها ذاب"="واستدن مايجذب عليك الشراريب
نجر يصيح من السكر تقل بحزاب"="يلعي على طول المدى بالمواجيب
وصبه المن قاد السباياللاجناب"="له مفرس يشبع به الطير والذيب
وصبه للي وان جا للزمل ضبضاب"=" يرخص بعمره دون زمل الخراعيب
وصبه للي وان لفا بيته اركاب"="قدام بيته تقل مجزر قصاصيب
وباقي العرب اطبخله التول لوشاب"="لصاصة المجلس حمير المشاعيب
اللي نهار الكون يفزع بمصلاب"="كبارين الانفس ساهجين المواجيب

4-والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))

معتى الشطر إذا كنت ضيفاً على أحد المطاليق فكرامتك موجودة ويتم استقبالك بالقهوة العربية ومن ثم إما العشاء أو الغداء كرامة لك فإذا قلت بأن الشطر بالشكل التالي:

ذياحة للحيل مع ادلال رسلان

فهذا كسر واضح في الشطر فلهذا قمت بكتابة الشطر بهذا الشكل تطويع مني للبيت وعدم اختلال الوزن


أرجوا تقبل ردي بصدر رحب


تحياتي

صح الله بدنك يابو فهاد ومن قال لاهان ووجهك ابيض ولاهنت على المرور ياالقرم

صح الله بدنك يافارس ومن قال لاهان ووجهك ابيض ولاهنت على المرور ياالقرم

صح لسان يابو حمد مليون ولا يكفون ياكحيلان

وانا أشهد أن القصيدة جزله ووافيه ومتميزه مثل راعيها وانت في غنى من آطرائي ومدحي لأنك اللي تقيم زلا تقيم يا بو حمد ,,

تقبل مروري المتواضع ,,

أخوك / درعان بن عبدالله بن عريعر بن درعان