::: مـنتدى قبيلـة الـدواسـر الـرسمي ::: - قصة وقصيدة (نادرة) للأمير شيبان بن قويد

- :: قسم قصــه و قـصيــده :: (http://alduwaser.org/vb/forumdisplay.php?f=19)

- - قصة وقصيدة (نادرة) للأمير شيبان بن قويد (http://alduwaser.org/vb/showthread.php?t=4606)

قصة وقصيدة (نادرة) للأمير شيبان بن قويد

قصة وقصيده ( نادره ) للأمير شيبان بن قويد
كان بين الأمير شيبان بن قويد وأحد جماعته وهو ابو سحمي جفوة وزعل ، وفي أحد لأيام دخل سحمي الإبن السجن في قضية جنائية ، ولكن بسبب هذه الجفوة رفض ابوسحمي ان يذهب إلى شيبان بن قويد من أجل المساعدة في إخراج ابنه . وفضل الذهاب إلى ابو صالح ــــ وهو الصديق الخاص لشيبان بن قويد ـــ وطلب منه تكليم شيبان في قضية ابنه سحمي والمساعدة في إخراجة من السجن . وفعلاً ذهب أبو صالح لشيبان بن قويد وطلب منه ذلك
وتم إخراج سحمي من السجن ، وإنهاء قضيته .. وجالت تلك الموافق في خاطر شيبان بن قويد ورسمها في هذه القصيدة الخاصة .. وهي تنشر للمرة الأولى .

ابو صالح عبرته جاني وهل ابها = ويقول سحمي خيارٍ لاتجي إلابه
جيناله بنمرة سلمان كاتبها = الحاكم اللي يسوق الناس بكتابه
هذا لعنا أم سحمي هي وشايبها = جينا بسحمي وهم يبغون عذابه
تبغيه مزيونة تبشر بغايبها = عقب سنتين وهو مدفون مشهابه
الحبس له شرطة تأكل شواربها = دون المحابيس من شافوه يعدابه
الكل منهم معه كشف ويزهبها = وبريهته فوق رأسه كالح نابه

الطريف في القصة ان ابوسحمي رغم الفرحه والسعادة بخروج ابنه من السجن
إلا انه جاء في خاطره بعض الشيء ، مماجاء في البيت الثالث من القصيدة
(هذا لعنا أم سحمي هي وشايبها) .!!!!
ولكن هذه من مداعبات الأمير شيبان بن قويد الطريفه .

بدولوجيا

يعطيك العافيه على السالفه والقصيده

رحم الله الأمير شيبان بن قويد واسكنه فسيح جناته

لاهنت اخوي بدولوجيا على القصة والقصيدة النادرة التي شرفت بها المنتدى

تقبل تحياتي،،

الله يرحم لأمير شيبان ابن قويد وهاذي عاويده ابشر بعزك لجيته
والله لايهينك على القصه والقصيده الطيبه

رحم الله الأمير شيبان بن قويد واسكنه فسيح جناته
والله لايهينك على القصه والقصيده الطيبه

السلام عليكم ورحمة الله وبركاته

أخي/بدولوجيا,,,,,,,

لاهنت على الموضوع الجيد

ونتقبل منك ومن الاخوان مواضيع جيده

تقبل تحياتي/أبن قويد مسعر,,,,,,,,,,,,,,,,,,,,,,

سعد المقابلة
هايف العماني
سالم الغريري
الكايـــــــــــد
ماجـــــــــــد
ابن قويد مسعر

لكم جزيل الشكر والتقدير .. لاعدمناكم

رحم الله الشاعر شيبان ابن قويد

ولا هنت يابدولوجيا على الطرح الرائع .

اخوك

................. . الفارس . ......................

رحم الله الأمير الفارس الشهم الشاعر

(( شيبــــــــــــــــــــــان بن قويــــــــــــــــــــــــــــــد))

وأسمنه فسيح جناته وعوضنا الله عنه خيرا .. آميييين..

أخي وإبن عمي الغالي

((إبدولوجيا))

وليتك مختار إسم غير هذا كان أسهل هههههههههههه

لا تأخذني أحب أضحك معك ..

طرح رائع وموضوع طيب

دغش البطي
الفارس
بليهي الودعاني

لكم عاطر التحية .. وماطر الوسمية .. لاعدمناكم

الله يرحم الشيخ \ شيبان بن قويد ..... ويسكنه فسيح جناته ...

لاهنت أخوي \ بدو لوجيا

على إيراد هذه القصة المشرفه للدواسر كلهم...

اللي تحث على عدم ترك الرفيق وقت الضيق حتى ولو كان بينك وبينه شي..

تقبل تحياتي....

لاتحرمنا من جديدك .....

الشرافي
شكراً يالغالي على وجودك
ولك عاطر التحايا

دو لوجيا مبدع كالعاده طال عمرك

والله يرحم الشيخ شيبان ويسكنه فسيح جناته

تحياتي