الغيره اللي ثورة بعض الأعصاب
سرّت محبيني وغاظت عدايه
ظريبة الناجح تجي نقد واعجاب
وكل ٍ على فهمه وظنه ورايه
ومن الحسد بعض الرياجيل منصاب
وأنا على مثله بعيد مدايه
لو بانلي من هجمته فيه مظراب
ما نيب متعلم عليه الرمايه
شيمة عريب ٍ من عريبين الانساب
وطول الموارد ما يقصر رشايه
الحظ طيب والسعد ما بعد غاب
ومن طوشت الأعصاب عندي وقايه
الهرج لا عدا عن حدود الآداب
قصرت تطويله بقوله كفايه
وأخذتلي عن وجعة الكبد مجناب
واحث مع درب العوارف خطايه
وابعد على ما قيل عن شجرة الداب
الداب مهما كان فيه التوايه
لا صار ماله موقع بين الأعراب
مانيب للمجهول صانع دعايه
بيني وبينه مقفل كل الأبواب
ويكفيه مني ما يقول بقفايه
ما نيب للعانس عشيق وخطاب
يتعب هواها ما يوافق هوايه
بعض العرب زوله من بعيد جذاب
وتظن فيه الطيب في كل شايه
وليا قربته عفت الادنا والاجناب
ودورت من مبداه حد النهايه
تخلّت الأفعال وتموت الألقاب
هذا الكلام اللي عليه الحمايه
ولولا العقل والحلم يا كثر الأسباب
والله يوفقنا طريق الهدايه


الشاعر/محسن بن فالح الشكرة

لاهنت يابوحمد وصح لسان
الشاعر محسن بن فالح
على هذه الفاتنه
صح لسانه
ملايين

ولاأنت يابوسالم ولاهنت على المرور

ولاأنت يابو زيد ولاهنت على المرور

ولاأنتي ياالزين ولاهنتي على المرور

ولاأنت ياعاشق هريسان ولاهنت على المرور

ولاأنت ياالدورية ولاهنت على المرور

ولاأنت يابومحمد ولاهنت على المرور

ولاأنتي يابرنسيسة ولاهنتي على المرور

ولاأنت يابو فهاد ولاهنت على المرور