انا من تويلي عصر الاثنين لاذلحين = وقلبي لواهيب الولع فيه مكتمله
تولع مع اللي واجهوني وهم عجلين = وقفَّوا بعضهم يندهه ويتكلم له
تقافو وهم مستانسين ومنبسطين = وانا اقنب قنيب مصدرآ جاير حمله
عقب ماقعد متعطل ماروى يومين = صدر من جبا عدآ مضاميه في الرمله
ترى الحب مثل الكيف لحضة خواه تبين = ومثل اشقر التنباك راعيه يوخم له
ولكن طراد الهوى ماب فاله زين = لزومآ يذوق اللي من الحزن يقسم له
شجاع الرجال تجي سلاحه دموع العين = خصوصآ لامن كثر ياسه وقل امله
وانا عقب ماذقت العزاري وشفت الشين = تركت الهوى واعرضت من الناس بالجملة
وتميتنا لي مايقارب ثلاث سنين = وانا مثل صراف بسوق بلا عملة
الين اعترض لي خيرة الصفة الناشين = صغيرآ ودبني لين قمت اتخدم له
هنوفآ قليلة شكل في الجيل ذا التالين = دليلة كلام لا خجول ولا زملة