ألا وآهنيك داله البال يامنصور=ولاتنقل بخاطرك همٍ كبر ذره
عسى الله يزيدك في حياتك هنا وسْرور=تعيش الحياة أشواق والروح مسّتره
ولايجيك ماجاني من العام وسبع شهور=أجاوب حمام الورق بالنوح وأجّره
وأساهر نجوم الليل حتى يبين النور=وليا عادني ليل العنا عادت الكّره
على ألي بقلبي بانيٍ له فلل وقصور=ملكني بصك الحب تسعة عشر مره
ليا مر طيفه قمت أغني بدون شعور=أسوق الخطاوي وأتبع الجره الجره
غدا من يديني والبلا حظي المعثور=ألا لعن أبوحظٍ تكاثر علي شره !
تولاه غيري وأنهشم خاطري المكسور=وجزيّت حبل الوصل ماودي أضره !
وأنا أدري جريح الحب ماينفعه دكتور=جداه الونين وزفرة القلب محتره
وبرجي آلهي يعوضني من بنات الحور=مع الآل والأصحاب ومحمد الدره