الشعرلاجا مجاله بانت اشعاري= مانيب من يكتب الاشعار باليها
الشعر تاجي وداري والوفا اشعاري=ولمجاد عندي مانيب اللي يناديها
مؤمن ولي دعوتي في وقت لسحاري =ونفسي لدرب الهدى مولاي هاديها
ياملهمة روح شعري ياجمل اقداري =يااروع رسومات بيكاسو نبغ فيها
ياكبرياء ابوفراس واحسن اسراري=اللي الى من ضواه الليل يبكيها
ياعين عنتر ياحبي نفحة الباري =يبيع نفسه الى من سمع طاريها
يانخوة المعتصم بالحرب والثاري=لعيونها قامت الدنيا تواسيها
تسعة اعشار الجمال اللي بالسفاري=يوسف بدنياي وانت اليوم ثانيها
عليك مسحة محبة موسى اجباري=تخضع لك الخلق اولها وتاليها
تلعب بقلبي على كيفك وتختاري=ريموت تفتح جهازك ثم تطفيها
لابحرت في وسط عينك طول ابحاري=فكرة موسوس بقهري باحث فيها
غرام فاسق بليلة فسق سماري=معشوقته لانظرها راح في ايديها
جمال يعرب ولونك لون كفاري=شقر الذوايب بعيدات مجانيها
قرنية العين دونك ضاع لبصاري=قلبا حياته لجسم الناس يحيها
قلبي تحضنه ولوطولت باسفاري=لوكان انا ابعيد عندك في مرابيها
حتى ملوك البشر بحسابها الجاري =لوودها اتجيب مثلك ماتلاقيها
عزيز قوم بربعي صرتنا جاري =ومن اول ن هيبتي ماحدن يدانيها
حبك هناي وعناي ومصدر اخطاري=من سبتك كلبو النسوان مابيها
عقده معقد بكيفي جاتك اخباري= اكبر عيادات نفسي ماتداويها
تصدقي يابعد عمري ماني داري =ان قلت احبك اواني قلت مابغيها
تدرين ليش السبب ليه صرت محتاري=مجنون ادعي لنفسي الله يشافيها
يانجم ياللي سرى في نجمنا ساري=انشر غرامي وخل الخلق ترويها
البارحه هل دمعي من تعباري=جرح خدودي على ذكرى بواقيها
واللي سمعني رحمني يطلب اعذاري=ويقول هذا مشقى من بلاويها
وهي قصيدة عشق من زايد افكاري=لاحب لاعشق سمي ماتسميها
العز ثوبي وتاجي والقدر جاري =يومن بعض العرب لمجاد شاريها

المشاركة الأصلية كتبت بواسطة محمد بن سالم بن فهيد (المشاركة 458286) ارحب تراحيب المطر يانادر صح السانك مليون ومليون ومليون ولا يكفون شاعر فحل متمكن بحر متدفك مشالله تبارك لله . قصيده وافيه جزله كامله . لك الود والتقدير والاحترام اخوك/محمد بن سالم

المشاركة الأصلية كتبت بواسطة طلال بندر الهاجرى (المشاركة 458311) صح السانك يا نادرالناهشي و الاهنت علي القصيده الجزله من شاعر جزل و متمكن تقبل مروووووووري و تحيااااااااتي لك مع جزييييييل الشكر و الا حترااااااااااام

المشاركة الأصلية كتبت بواسطة بدر بن صقر العجالين (المشاركة 458327) إبـــــداااااع بلا حدود شاعر متمكن صور وتشبيهات ولا أروع يا نادر:) شاعر متمكن وتستاهل الإشاده يا أخوي الكبير جعل عمرك طويل وجعلك للمعزه:) بيض الله وجهك وتسلم يمينك على ذا الجزله ترانا في انتظار كل جديد يانادر عجل علينا:) تقبل تحياتيـ،،

المشاركة الأصلية كتبت بواسطة نايف ابن شميعان (المشاركة 458383) صح لسانك يانادر والله يبيض وجهك ولاعدمناك تحياااااااااااااتي لك نايف ابن شميعان

المشاركة الأصلية كتبت بواسطة سعود حسن آل بطحيه (المشاركة 458759) صح لسانك ولاهنت وفي أنتظار جديدكـ تحياتي . . . . . . سعود حسن الدوسري