|
(( .. سجـيــن القـوافــي .. ))
(( .. سجـيــن القـوافــي .. )) فكره وعجبتنى وحبيت تشااركونى فيهااا؟ ليس كأي سجن .. اعتبروه سجنآ ثقافيآ... سجن يجبرك على القراءة والمشاركة ,, ولا تخرج منه الا بعد ... إنهاء ما عليك من عقوبة .. وهذا بدوره يخولك.. بإدخال أي عضو أو أي مشرف او اي إدراي لهذا السجن .. أعتبره سجن جميل .. سوف تقوم بكتابة مايجول بخاطرك .. ثم ضع احد الاعضاء او المشرفين او الادارين .. في السجن ولا يخرج منه حتى يقوم احد الاعضااء بدفع الكفالة التي عليه وهي ( مشاركه أدبيه ) والمشاركة تكون من كتاباته او تكون مختاره .. بمجرد بيتين او اكثر من القصيده.. وهكذا يقوم هو بسجن أحدا اخر .. اتمنى ان تعجبكمـ الفكره وان تكون واضحه نبدأ .. مشاركتي ( مختاره ) .. جيت انشدك عـن حـب اهديتـه لـك جيت انشدك عن نظرة عيون عشقتهـا جيت اسمـع كلمـه عشقتهـا منـك وجيت ادور لحظات من غيرك ماعشتها : سأبدااا بسجن احد اعضااء المنتدى...!! وأول سجين هنــاا هــوو .. (( صغير السن )) نبى من يفك أسره ببيت شعر .. ويسجن عضو اخر...!! |
رد: (( .. سجـيــن القـوافــي .. ))
ايشر والله بالكفاله (( ياصغير السن ))
يامل عينٍ حاربت سوجة الميل = على عشيرٍ بالحشا شب ضوه عليك ياللي طبخته نصفها هيل = اللي سعى بالطيب من غير قوه المال ما طيب عفون الرجاجيل = والقل ما يقصر براع المروه ياعنك ماحس الرفاقه ولا قيل = ذا مغثيٍ ما ينزل حول جوه له عادةٍ ينطح وجيه المقابيل =هاذي فعوله بالمراجل تفوه أجواد نسل أجواد جيلٍ بعد جيل= الطيب فيهم من قديم وتوه للشاعره هيا افراج ياصغير السن سجن يابو عبد الله محمد الولامين :17: :18: لاهنت ياراعي الفكره تحيااااااااااااااتي |
رد: (( .. سجـيــن القـوافــي .. ))
ابشر بسعدك اخوي الغالي محمد الولامين هذه كفالة اخونا الغالي
قصيــدة زايد بن حمد الدوسرى في العجمان يالله طلبتك ياسميع المطاليب ................اسمع دعاى ويسر اللى عسيرى ياراكب من فوق حرش العراقيب ...............ثم نصها العجمان عز القصيرى تلفى على اللى ينطحون المواجيب ...............اللى قصير البيت معهم خشيرى ذباحة للضان من دون تسبيب ................يشرونها لو ان ثمنها كثيرى ويثنون فى الهيجا ربوع معاطيب ..............ستر الهنوف اللى نهدها صغيرى ظفران لا ركبوا على الفطر الشيب ................وبيوتهم تبنا لا جا نذيرى ننشر لهم بيضا بروس المراقيب ................عد النبات وعد ماهو يسيرى متقصر ماقلت فيهم من الطيب ..............افعالهم ورثة كبير لصغيرى عاداتهم لا كلحن الاشانيب ..............يثنون عند الجاذيه والكسيرى لا جا نهار فيه زهم وتناديب ..............ثم قام ستر البيض منهن يطيرى يلقى العشا بافعالهم جايع الذيب ............. ويشبع باثرهم من صغير وكبيرى وش رايك اخوي الغالي ابو بدر المصارير تجي مكانه http://www.alduwasser.com/vb/images/icons/icon10.gif |
رد: (( .. سجـيــن القـوافــي .. ))
يؤ يعني ما اشارك في المنتدى لين احد يكفلني ويطلعني ولا اقدر اطلع نفسي واسجنك ننتظر كفيل :d9: |
رد: (( .. سجـيــن القـوافــي .. ))
اقتباس:
اتمنى انك ماترقد اليوم بالسجن الله يفك اسرك http://www.alduwasser.com/vb/images/icons/17.gif |
رد: (( .. سجـيــن القـوافــي .. ))
سطرت أحروف المحبه غـلا وأشـواق
للغالي اللي وسط القلـب ماأخـذ محلـه ناديتك حبيبي لا تتـرك القلـب يشتـاق هات الفـرح والبعـد مـا أقـواه خلـه يانبض شعري يااسم داخل القلب خقـاق أنت الحبيب اللـي قلبـي مايـوم ملـه لوأكتب أحساسي تضيـق بـه الأوراق أنت الشعر وريح العطـر والغـلا كله ابشر بسعدك ولا تهتم |
رد: (( .. سجـيــن القـوافــي .. ))
يامال العافيه ياختي الكايده لاهنتي بس ما قلتي من السجين طيب انا بحـــــــــــــــــــط بالنيابه عن الاخت الكايده لستمرار الموضوع ابو عسكر الغييثي :17: من اللي بيكفله يالله |
رد: (( .. سجـيــن القـوافــي .. ))
للااااااااه ياهل الخير كفاله وراي بيت وبزران هههههههههه
مراح اخليك يابو بدر ههههههههههههه |
رد: (( .. سجـيــن القـوافــي .. ))
اقتباس:
بتمسي ذاليل يابو عسكر هنيا لا بيت ولا بزران دق عليهم وعلمهم مابه كفيل يفكك ههههههههههههههه:30: |
رد: (( .. سجـيــن القـوافــي .. ))
ابشر يابو عسكر بالكفالة
من وحشنـا هـم يخلـون الحيـاه لاجلنـا ماهـو يخلـونـا ســدا حضي اقشر ويش ياقـوم السـواه وضغطنا اتش اتش وشلـون يهـدا الله اكبـر ياخفوقـي ويـش بـلااه ولعـت فيـه اللهايــب وارتــدا كل ماغـاب الحبيـب اسـال وراه؟ وينشرح صـدري ليـا منـه بـدى ليت قلبي خف مـن بعـده عنـاااه قبل يضحك في مـن يبغـا الـردى لا يررررررررد ولايكلم من هوووواه والهواوي طوووول يومـه منشـدا ان رقد جـور الهـوا يلعـن ثـوااه وان صحا ماله عن الذكـرى جـدى علموهااااااا بان موتي في السـراه كـان يعجبهـا فـرح كـل العـدى لاحـيـاه ولا ســواه ولاغـنـاه كـان خلـت بيننـا حـد ومــدى ليت موق العيـن ينثـر كـل مـااه لاجل قلبـي مايصيـر الهـا فـدى توبـةٍ جوالهـا مارسـل عــلاااه وتوبتـن مـادق لـو عنـاغـدى مـات قلبـي علموهامـن جـفـاه وروحنـا ماعـاد تطـرب للـحـدا انطلق للحرية يابو عسكر وبسجن الاخ الغالي ابو بدر الله يعينك |
رد: (( .. سجـيــن القـوافــي .. ))
بيض الله وجهك ياخالد
الحين يابو بدر ورني شطارتك هههههههههههههههههه |
رد: (( .. سجـيــن القـوافــي .. ))
كفاله يالربع :16: |
رد: (( .. سجـيــن القـوافــي .. ))
لا باقي يابو بدر توك ماراحت 24 ساعه
ههههههههههههههه |
رد: (( .. سجـيــن القـوافــي .. ))
تضحكي علي يابو عسكر بيجي ان شاء الله سنافي وبيكفلني :16: |
رد: (( .. سجـيــن القـوافــي .. ))
جتك فزااعه هههه
استلم ياالغالي بعد سبع سنين وشوية شهور حسيت بشي داخلي يرتجي فزعة قصيده تذكرتك يوم طلتك ياالخوي بــــــسرور تعلمني عن غروب الشمس ونجوم بعيده وتقول إصبر عن هم الزمن والــــجور ترا الدنيا مشاكل بـــــس حلولــــها عديده وتعال يابو عسكر الله لايهينك اربض مكانه اخخخ |
رد: (( .. سجـيــن القـوافــي .. ))
ههههههههههههههههههههههههههههه
يااااااااحظك يابو بدر بس بيجيك يوم انت والعنود مراح اخليكم شكلي بصير خريج اسجون هههههههههههههههههههههههههه |
رد: (( .. سجـيــن القـوافــي .. ))
بعدي والله ياختي العنود فزاعه لاهنتي الله يعطيك العافيه خلك تستاهل يابن غياث :17: |
رد: (( .. سجـيــن القـوافــي .. ))
هاااااااه يابو بدر نفزع للرجال ولا نخليه زود يومين
|
رد: (( .. سجـيــن القـوافــي .. ))
أبشر بالكفالة يابو عسكر وأعذرني على التأخير
كـفـايـه يـابـو نـوره لاتـغـني لي الأمـاكــن تراك في غناتك ذي بالحيل تعذبني .. تذكرني بصاحب ٍ غلاه داخل القلب ساكن .. أفتقدته كثير كثير وليته داري ٍٍ عني.. "الأماكن كلها مشتاقلك" تثـيـربي سواكن .. وتقطع رماريم القلب وأصيح منها وأوني .. على صاحب ٍ عزيز وغالي فداي وفداكن .. توه بعمره سنه من صغر سني .. خذاه الموت في مرض وأفتقدته ولكن .. راح وتركني وانا لشوفته والله أحني .. ليته يجي ويشوف عيون ٍ عليه تباكن .. ليته يرجع لي ثواني ويدري بأني .. أفتقدته حيل وأتعذب إلامن سمعت الأماكن .. ليته والله ياليت وليت يفيد التمني .. من عقبه لون هالكون صار داكن .. ياعسا يرحمه ربي وياعساه بالفردوس متهني .. اختي العنود لاهنتي محله الله يعينك |
رد: (( .. سجـيــن القـوافــي .. ))
عاااااااااش اخوي خالد
الحين اربظي يالعنود هههههههههههههه |
رد: (( .. سجـيــن القـوافــي .. ))
ابشري والله بالسعد يالعنود
لاتحسب اني داله عنك ساليك = لا والذي تنصى المخاليق بيته لاشك حال الياس دون الرجا فيك = ولالي على المقسوم لو مارضيته ان كان تغليني مثل ماني اغليك = مجبور تاطا بالهوى ماوطيته ماشفت دمعة عيني اللي تراعيك = هلّت على المكتوب ساعة قريته وان كان تنساني فلانيب ناسيك = الله لايقطع رجا بك رجيته وان كان جا مستقبلك مثل ماضيك=اقول ياخلاف سعي سعيته تعال ياخالد الله لا يهينك افراج يالعنووود |
رد: (( .. سجـيــن القـوافــي .. ))
اقتباس:
|
رد: (( .. سجـيــن القـوافــي .. ))
^
^ ههههههههههههههه تستاااااهل ياخالد وجعلك فالوجود يابوبدر |
رد: (( .. سجـيــن القـوافــي .. ))
ابشر بالسعد ياخالد والله ماخليك فالسجن
وان مر طيفه سيد الأحباب=وانا بنومي قمت اهلي به افز به وافز له باعجاب=ضيف تهلي به معازيبه اسجن ابو بدر |
رد: (( .. سجـيــن القـوافــي .. ))
كقيل يالربع خلوني اسجن لي اثنين ابو عسكر اولهم:16: |
رد: (( .. سجـيــن القـوافــي .. ))
ابشر يابو بدر بالعون
سلام ياعون الخوي ساعه الضيق""""""""سعد الرفيق اللي زمانه عثربه ابو بدر اسجن اللي تبي |
رد: (( .. سجـيــن القـوافــي .. ))
بعدي والله يالعنود اسجن ابو عسكر اكيد تعال دونك يابو عسكر سجن وممنوع من الزياره بعد :17: |
رد: (( .. سجـيــن القـوافــي .. ))
أبشر بسعدك اخوي الغالي ابو عسكر الكفالة حضورية وغرامية
ماجيت بشري (مصلحه) لجل تنباع أخلاقي اللي دونهـا جعلنـي ميـت (الشعر) حسن أخلاق تطربّه اسماع (تحليل) موقف صادق(ن) فيه مريت ( وسميته ) تضرب على كل مرباع (فيهاه) تسمع به ليا رحت وان جيت أفراج للاخ الغالي ابو عسكر يالله يالعنود لاهنتي مكانهhttp://www.alduwasser.com/vb/images/icons/17.gif |
رد: (( .. سجـيــن القـوافــي .. ))
افرررررررررررررررررررررررراج يالعنود
مـا كـل حـب يـدهـل القـلـب سـكـان=بعـض الغـلا ليمـن خـذ أيـام راحـي يـروح مــا كـنـه تـصـور ولا كــان=ويمحـاه مـن لوعـات الأيـام مـاحـي والله لــو الـحـب يـشـرى بالأثـمـان=لأشريه من خبـل واحطـه بصاحـي خل التغلـي عنـك يـا مطـرق البـان=هـواك طـارت بـه هبـوب الرياحـي والله لــو تلـبـس عـقــود ومـرجــان=وتغضـي بعيـن كـن فيهـا الرماحـي انـي عليـك ابعـد مـن النجـم لا بـان=أو برق صيف في دجى الليل لاحي وانكفت أنا يا صاح عن كل ما كان=واليأس في بعـض النواحـي فلاحـي جربت أنـا والتجربـة خيـر برهـان=وان عدت فيما عفت ذبحي مباحـي تعال ياخالد دونك الله لا يهينك سجن |
رد: (( .. سجـيــن القـوافــي .. ))
بأنتظار الكفيل http://www.3nzh.com/vb/images/icons/icon8.gif يجيبك الزمان يابوبدر
|
رد: (( .. سجـيــن القـوافــي .. ))
افراااااااااااااااااج ياخالد
قال أنا عند ظنك قلـت لا بلـه=أختلف فيك ظني نوبه ونوبـه قال واللي سواتك يدمح الزلـه=قلت والغلطه اللي منك محسوبه من بغاني على الشده رفيق له=لا يقصر بماجوبـي وماجوبـه حبيبي ابو بدر تفظل للسجن ممنوع عنك الاكل والشرب والزياره |
رد: (( .. سجـيــن القـوافــي .. ))
كفيل يالربع تحالفكم اقوى من تحالفنا مايمديني اسجن واحد الا والثاني مطلعه وين اهل الفزعه :16: |
رد: (( .. سجـيــن القـوافــي .. ))
انا لها يابو بدر
اللي يبي يخفي مواري المحبه عينه تبي تفضحه من كثر الاشواق ولوه كذب ولا حلف لك بربه كبده ترى فيها لواهيب واحراق كم مرة نادت على اللي تحبه تقول له تعال ما اقدر على فراق كـــــــــفـــــــــالـــــــــــه ولـــك من تشـــــاء في اختيار القادم |
رد: (( .. سجـيــن القـوافــي .. ))
بعدي والله يالغلا بعدي اسجن الثنــــــــــــــــــــــــــــــــــــين عشان محد يكفلهم ابو عسكر وخالد سجن تكفون خلوهم في السجن شهر بدون زياره وبدون طعام وشرب بعد:17: مخليني في السجن يوم كامل الظلمه |
رد: (( .. سجـيــن القـوافــي .. ))
اقتباس:
اخوي ابو بدر معاك محامي المسجون خالد ونرى انه ينفك اسره لان قوانين اللعبة تقول ادخال اي عضو فقط يعني عضو واحد فقط وبما انك ادخلت اول واحد ابو عسكر فيصبح ابو عسكر هو السجين كفالة اخوي الغالي ابو عسكر أنا في داخلي حاجه ولا أدري وش هي بالضبط !! ولانـي قـادر أكتمهـا ولانـي قـادر أبديـهـا متاهه داخل أعماقـي بحـر حيـره بليـا شـط خذاني موجهـا العاتـي خذانـي عـن موانيهـا أبهرب من غموضي ميـر ماباليـد حـل وربـط ضياعي كلـن يشوفـه حقيقـه مقـدر أخفيهـا أنا مدري مكاني فوق وإلا تحـت و إلا وسـط ؟! أسـوق الرجـل وأتبعهـا وأقـول الله يوديهـا وسجن للاخ الغالي ابو بدرhttp://www.alduwasser.com/vb/images/icons/30.gif |
رد: (( .. سجـيــن القـوافــي .. ))
كفيل :( الله يجيبك ياخلدون:icon8: |
رد: (( .. سجـيــن القـوافــي .. ))
أتعبتو ابو بدر كل شوي مدخلييينه السجن ،، خــــذها مني
جـــا دورك يا خالد الجعفري تدخل السجن |
رد: (( .. سجـيــن القـوافــي .. ))
بعدي والله يا خيالية بعدي على الكفاله والفزعه يامال العافيه وانت ياخالد ذقها كفيلك مهوب في الديره:17: ولا به احد بيكفلك خميس وجمعه |
رد: (( .. سجـيــن القـوافــي .. ))
الايام جايه ومادام اني في موقوع الدواسر أكيد أحد يبي يجي لحيةً غانمه ويكفلني
ونشوف يابوبدر لاتستعجل يبي يجيك الدور بأنتظار الكفالة http://www.alduwasser.com/vb/images/icons/icon8.gif |
رد: (( .. سجـيــن القـوافــي .. ))
|
الساعة الآن 08:09 PM
 |
Powered by vBulletin® Copyright ©2000 - 2025, Jelsoft Enterprises Ltd.
---