|
اقرب يالصااامل ..؟
سلام عليكم جميــــع ...
بغينا نلعب يارجال ...... لو ماعندكم مانع .. والصامل يقرررررررررررررررررررررررررررررررررررب ... وذا موالي .... 0 0 0 0
يالدواسر يالكواسر لفينا بالعلوم=والله اني مابغيت المصالح ياقروم مابغيت الاّ المحبه عسى دايم تدوم=ساع شب النار والنار من شبابها
يالالالا والتحيّه بن وهيلي يالالالا=يالالالا صوب شجعانٍ ذيابه يالالالا يالالالا هات علمك ياعميلي يالالالا=يالالالا جاك من جابه وجابه يالالالا |
أرحب يالرفيدي,,,,
الغالي/ الرفيدي مرحبا بك أخو عزيز في منتداك يالغالي وبيض الله وجهك على ذالموال والبيتين الطيبة وفي إنتظار أقرب صامل . ذاليومين كن المحاورات ناشطة في ذالمنتدى ، واصلوا يالربع وحركونا ، وازهلوا الصفوف . الليييييييييييييييييييييييييييييييييييييييييييييل. |
وعليكم السلام ورحمة الله وبركاته
خلوووووووووووووووها
مرحبابك ياقحطاني هلابك ياهلابك=ياعميلٍ بالوفا لازمٍ نحسب حسابك بيّت النيه وقرب ذلولك مع زهابك=ساع شبة نار والنار من شبابها 0=0 0=0 يالالاله عد براق المخيلي يالالاله=يالالاله ضيفنا يامرحبابه يالالاله يالالاله ماطلبتوا مستحيلي يالالاله=يلالاله والمجابه مانهابه يالالاله |
مسعود
الله يدرك ياشاعرناء وصح الله السانك يالقرم والله يحيي القحطاني |
لا هنتوا يا شعار
لكن المقيبلي ولا المسعري تراكم ضيعتونا كذا |
ما شا الله عليك يامسعود جاهز على خط النار ما امداني اجهز نفسي الا وانت داخل واصل بيض الله وجهك ووجه الرفيدي فيكم خير وبركه وتسدون اللزوم ترانا ماسكين الصفوف
|
لاهنت يابن هديهد
مجهود تشكر عليه يامنضم الصفوف بس متى تنزل الميدان شاعر رد |
لاهنت يالواضح وانا لوني داري ان المسعري موجود خليته يرد
|
اقتباس:
حياك الله اخو عزيز وشاعر لك اسمك بين شعراء المنتدى ومن حضر منا كفا الغايبين |
مسعود
البركة فيك يابو سعد جعلك تسلم لاكن وين الشاعر الرفيدي الصفوف جاهزه ينشامى |
وينك ياولد الشايب معاد لك شوفه ترانا تعبنا من الصفوف
|
مسعود المقيبلي
ازهل الصفوف تراه صف يعجبك فيه شعار لكن وين الرفيدي |
السلام عليكم ورحمة الله وبركاته مساكم الله بالخير جميع لاهنتو ياشعار ولاهنتو ياصفوف وارحب يالرفيدي وحياك الله المنتدى منتداك والمحل محلك ولاهنت يامسعود وترانا ماسكين الصف مع الربع وشدو حيلكم ياصفوف وترى هذي رديات النت لازم تطول شوي حسب ظروف الشعار وصفوف النت لازم ياخذون كم يوم وهم على ساق ولاهنتو جميع |
ارحب يالقحطاني انا اليوم بصف
المقيبلي يالمقيبلي عطه الي يسريه |
المعذره يالربع على التأخير ولكن سببها ظروف وقتي لاتسمح بأن اكون متواصل جل الوقت ..
واشكر جميع من تفاعل ورد واشكر الشاعر على رده وبيض الله وجه واسلتم نفداااك ...
يقطع الرجل الذي يخلف الفعله بقول=والله اني مانسيت الجمايل يازحول الجمايل قد حكت والفعول اذرب الفعول=ساع شب النار والنار من شبابها
يالالالا ترحيب وافي جزيلي يالالالا=يالالالا منك ماهي بالغرابه يالالالا يالالالا كل غيلٍ بعد سيلي يالالالا=يالالالا والردي محدن درا به يالالالا |
خلووووووووووووووووووووها
يالرفيدي غبت لك مده وجيت متحمس=والبطى باللعب ياصاحبي لازم يعمس كود للي مثل ماقيل بالطاره يخمس=ساع شبة نار والنار من شبابها 0=0 0=0 يالالاله حيث انا فكري دليلي يالالاله=يالالاله الأوادم ماتشابه يالالاله يلالاله يوم عديت الطويلي يالالاله=يالالاله انتبه من لنقلابه يالالاله |
الواضح لاهنت
مدامك معي ماعلي |
الحر
حياك الله واسعدنا حظورك وننتظر مشاركاتك |
ابوزيد الغييثي
لاهنت على كل حال وأسعدنا حظورك ومرورك |
اكرر الشكر لكل من مر وتفاعل وبيضان وجيه كلكم ..
اسلتم نفداااك ..
لايغرّك لو بني عمك أملوا ذا الصفوف=والله اني شاعرٍ مايضيّع بالحروف شاعرٍ حب المثايل لسلمه مايعوف=ساع شب النار والنار من شبابها
يالالالا مانهابك يالهبيلي يالالالا=يالالالا لابتي من عز لابه يالالالا يالالالا ذيل يشهد للثعيلي يالالالا=يالالالا صفكم كله خرابه يالالالا وتبقى عزيز وغالي وانا اخووك والزعــل مرفوووووع ............ واشعلوووووووووووا الساحه يارجاااااااااااااااااااااااال ...... |
خلوووووووووووووووووووووووها
لابتي هم محزمي يوم تحتك الحديده=فزعة رجالاً وخيلٍ مهي خيل الرفيده لاتلوى يالرفيدي ونا ممشاي سيده=ساع شبة نار والنار من شبابها 0=0 0=0 يالالاله مانخاف من الذليلي يالالاله=يالالاله جمعنا ماهو نهابه يالالاله يالالاله الثعل لحية قبيلي يالالاله= يالالاله في مخاصمك العيابه يالالاله |
ههههههههههههههههههههههههههه الله واكبر عليك ...
معليه معليه .... لاهنت
ياخوي حنا رفيده ياجعلك للكســر= من قحاطينٍ ذيابه لقاهم مايسر في الملاقا نعرف نقصّر اللي ماقصر=ساع شب النار والنار من شبابها
يالالاله فالخواطر لاتشيلي يالالاله=يالالاله دمنّا مرٍ شرابه يالالاله يالالاله لحيتي تكرم وخيلي يالالاله=يالالاله انتبه للذيب ونابه يالالاله والليله الليله يارجاجيل .................. |
خلووووووووووووووها
والله انا مانذم الرجال اهل الفعايل=مير حملك ياحمر العين تال اليل مايل لاتعرضنا وحنا مروية السلايل=ساع شبة نار والنار من شبابها 0=0 0=0 يالالاله لاكثير ولاقليلي يالالاله=يالالاله صاحبي رزقه هبابه يالالاله يالالاله احذر الحمله تميلي يالالاله=يالالاله ثم نقلبها حرابه يالالاله |
خلوووووووووووووها ....
المعزّه فالخواطر وذا قولٍ يقالــي=بالرخا نلعب ونلعب وكله بالهزالي مير وقت الضايقه مايفيد الاّ الرجالي = ساع شب النار والنار من شبابها
يالالاله حملنا واثق حبيلي يالالاله=يالالاله حمل واثق بالصلابه يالالاله يالالاله لابجيك ولا تجيلي يالالاله=يالالاله بيننا خير وصحابه يالالاله |
خلووووووووووووووووووها
يالرفيدي كل علمٍ تقوله خابرينه=نعرف الي تقصده والنشاما عارفينه مير لاتقلب علينا علومك بالرطينه=ساع شبة نار والنار من شبابها 0=0 0=0 يالالاله مالقينا به حصيلي يالالاله=يالالاله كود بفنون الكتابه يالالاله يالالاله نصبر وصبراً جميلي يالالاله=يالالاله طبعنا عز وذرابه يالالاله لاهنت يالرفيدي الساعه30|2وبكره دوامات لابغيت اللعب اطلع بدري الف شكر للجميع |
تسلم تسلم أخوي / مسعود المقيبلي
ولا هنت على المحاوره الطيبه وياليتها كانت أول الليل مثل ماقلت كان شفت الصفوف اللي تنومس لكن الجايات أكثر إن شاء الله |
الساعة الآن 06:10 AM
 |
Powered by vBulletin® Copyright ©2000 - 2025, Jelsoft Enterprises Ltd.
---