على مجد القصيد اللي مواريثه من الجدان=تنادي يالبيوت الي مقامتس دايمن عالي
لتس امجاد تشرفني ولتس بني على سيسان=ونا لي موقف لامن حظرته عز منزالي
أوقف وأتكلم لي مواقيف وفصيح لسان=أمثل لا بتي وأقلط وأعنزها على الجالي
نيابة عن معزبنا راعي الوقفه جمل زومان=حليف الجود عشاق المراجل ذرب الأفعالي
هلا يامرحبا ترحيبة يرجح بها الميزان=بني عم ولكم حق كبير وقدركم عالي
هلا ياهل الوجية البيض لا شح الزمان وشان=مواقفكم تشرفنا مع دورات الأجيالي
سلايل مروية يوم اللقاء خضر النمش والزان =هل الردات مهملت القصير ومزبن الجالي
دواسر والدواسر يومها خيل وحد سنان=لهم فعل يزول أطويق بالتاريخ منزالي
أهل أنخيل خشير في ثمرها الضيف والجيران =من عصور الجهل كل يبيها مير ما أحتالي
وأهل سود مثل وصف الهضاب وجيههن أزيان =قرايع بالوقايع لا تعزوى كل خيالي
وأهل وضح كما طخ البرد في مقدم الودان =على صوت الموده لا شهر بالصوت تنجالي
وأهل جيش على بعد المغازي وردن اعمان=وعلى المطلاب قد لحقهن على الوجاج الآجهالي
وأهل خيل مضارة على ميرادها الأكوان =تغذي للمعارك من لبن سمحات الأقبالي
تشعشع بالسبيب إن سمعت أهل الخيل يالظفران=ترد المعتدي يوم الطراد وتحتمي التالي
عليها كل حر لا شهر مضراب كفه بان =يبشر بالعشاء يوم الهداد وصيده أجزالي
وأهل وسم العصاء بين العرب واهمالة الجيران =بها نفرق على أهل نجد سلم ماله امثالي
أقوله وأتكلم وأحتمي الماقف عن الفرجان =بني عمي معيلة الطراد بسوق الآجالي
آفاخر بالفعول ولا على باقي العرب نقصان =على عد الروى كل بتوت أحباله أطوالي
ختام القول صلى الله على سيد ولد عدنان=نبي الله محمد عد ما ينهل همالي