|
الله من عبرة حزن دونها أقفال *** ووّنة ألم بين الضلوع امحبوسه
عيدكم مبارك وكل عام وأنتم بخير :) أبت الا أن تعايد سمو ذائقتكم قبل العيد :icon11:
قالوا تهوجس قلت ماني خلي بال=ولا فيه عاقل سالمٍ من هجوسه قالوا ترى الهوجاس يلحق على الحال=قلت الله أقوى عاينوا في يبوسه لا ارتاح حالي حال من بين الاحوال=تجيه صلفات الروابع تحوسه أعوام وهمي داخل القلب نزاّل=مفلّي بخبوته ويشرب رسوسه مطاول المنزال ماهوب رحال=ويرسل على خافي الضماير عسوسه ولولا اني أصبر وأدفع الياس بأمال=نذر ان يجف العمر وتذبل غروسه الله من عبرة حزن دونها أقفال=ووّنة ألم بين الضلوع امحبوسه !! أخاف لايشمت علي كل ختّال=وأروح لقمه سايغه في ضروسه ! لكن أسجّ الرجل بقفاي وقبال=في نجد .. بحزومه ونايد طعوسه وأهيم وأعدي على راس ماطال=وأبعد مشاويحي وأخفّي رموسه مالي ومال المال واسواق الاموال=مثلي غناته يوم تضفي لبوسه وأصد عن شوف المقاريد الانذال=أهل الوجيه الكالحه والعبوسه نقالة الهرجه خبيثين الاعمال=ألي يخلقون بحلا الهرج سوسه !! لحاّنة للكذب في كل مواّل=وموكدينه فاليمين الغموسه عيدٍ لعيني فراقها ذيك الازوال=كني سجينٍ مطلقٍ من حبوسه أدله ليا هفيّت عن بث الارسال=وعشيّت في خدٍ جديدٍ عروسه وقام يتلاعج بارقٍ يشعل اشعال=والله مـ .. اغبط الراجحي في فلوسه أنسى همومي كلها دق وجلال=ولاعاد تطري صوب قلبي حسوسه الا أنت يلي ماأستمع فيك عذاّل=يامن عليك ازروع روحي امحموسه انساك ؟ كيف انساك ؟! ذا ثامن امحال=مادامت بصدري تردّد نفوسه لك في خفايا الروح منزل ومدهال=ومحبتك بـ .. أقصى الخفوق امغروسه ولو الغلا يورث على دب الأجيال=لـ .. اوصي بغلاك مع جرح قلبي وموسه !! |
رد: الله من عبرة حزن دونها أقفال *** ووّنة ألم بين الضلوع امحبوسه
ارررررررررررررررررررررررررررررررررررررحب (( كلاش )) يشرفني ان اكون أول من يرد على هذه الابيات الجزلة وصح السانك قليلة في حقها ولكن عتبي على نفسي لعدم قدرتي على وصف ما احب قوله ، و قبل لا اختم قولي نبارك لك بالعيد ومن العايدين محبك / ابو زيد |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
أبن عمي الكريم أبو زيد الغييثي:) مرورك بحد ذاته خير تعبير , له مني كل تقدير:) وبدون مجامله يبو زيد أشهد الله على حبي لك و أعجابي بحمّياك مع ربعك وما أقول الا صح بدنك وكل عام وأنت ومن يعز عليك بخير وصحه وسلامه |
رد: الله من عبرة حزن دونها أقفال *** ووّنة ألم بين الضلوع امحبوسه
مالـي ومـال المـال واسـواق الامــوال=مثلـي غناتـه يــوم تضـفـي لبـوسـه كلاش صح الله لسانك على المعزوفة الرايعةوأصـد عـن شـوف المقاريـد الانــذال=أهــل الوجـيـه الكالـحـه والعبـوسـه نقـالـة الهـرجـه خبيثـيـن الاعـمـال=ألـي يخلقـون بحـلا الهـرج سوسـه !! لحاّنـة للـكـذب فــي كــل مــواّل=وموكـديـنـه فاليـمـيـن الغـمـوسـه عيـدٍ لعيـنـي فراقـهـا ذيــك الازوال=كنـي سجيـنٍ مطـلـقٍ مــن حبـوسـه |
رد: الله من عبرة حزن دونها أقفال *** ووّنة ألم بين الضلوع امحبوسه
كلاش ...
مو صح لسان وبس ... الا اسعد الله ايامك وأسعدنا فيك . وزي ماعودتنا دائما نكون في انتظار الابداع الشعري اللي عندك . |
رد: الله من عبرة حزن دونها أقفال *** ووّنة ألم بين الضلوع امحبوسه
|
رد: الله من عبرة حزن دونها أقفال *** ووّنة ألم بين الضلوع امحبوسه
الله ياكلاش قد صعدت بنا الجبال وانزلتنا الهويدا ورفعتنا من جديد وعانقنا السحاب وحلقت بنا في الافاق واطلقت الاهااات بكلمات تدفقت بشاعريه بصدق الاحساس لله درك سلمت يمناك وسلم لنا فكرك الراقي ... دمت مبدعاً |
رد: الله من عبرة حزن دونها أقفال *** ووّنة ألم بين الضلوع امحبوسه
من طول الغيبات جاب الغنايم
الشاعر الكبير والمحبوب كلاش صح الله لسانك ياكلاش على القصيدة الجزله والرائعه والتي استمتعنا بها صراحه والتي اروت ظمأنا من الشعر الجميل . ونتمنى الا تبخل علينا بقصايد الجميله تقبل تحياتي،، |
رد: الله من عبرة حزن دونها أقفال *** ووّنة ألم بين الضلوع امحبوسه
صح لسانك كلاش وبيض الله وجهك ولاهنت يا الغالي على القصيده الرائعه... |
رد: الله من عبرة حزن دونها أقفال *** ووّنة ألم بين الضلوع امحبوسه
الله مـن عبـرة حـزن دونـهـا أقـفـال
ووّنـة ألـم بيـن الضلـوع امحبوسـه !! حسيبك الله من شاعر .. اشجيت الفوائد لحاّنـة للـكـذب فــي كــل مــواّل وموكـديـنـه فاليـمـيـن الغـمـوسـه >> عليهم لعائن الله تترى >هذا ابلغ وصف لهم وقـام يتلاعـج بـارقٍ يشعـل اشـعـال والله مـ.. اغبـط الراجحـي فـي فلوسـه>> حبكة الشعر وعزة النفس والحكمه تندرج تحت هذا البيت >> شاعرنا صور لنا موضع راحة البال والسعادة لا ارتاح حالي حـال مـن بيـن الاحـوال تجـيـه صلـفـات الـروابـع تحـوسـه >> انت امتداد للامير محمد السديري مفرداتك ثرية دوسريه نجديه تشبعت بالاصاله أخـاف لايشمـت علـي كــل خـتّـال وأروح لقمـه سايغـه فـي ضـروسـه !>> زايدي ابي وبن رجال يقول الشاعر العربي > وتجلدي للشامتين اريهم = اني لريب الدهر لااتضعضع والذي فقد ابنائة اربعه في وقت واحد ..!! كلاش شاعر ومافيك حيله وشعرك عذب وشجحي وله جرس خاص تقبل اطيب تحيات ابن عمك / عبدالله بن عريمة |
رد: الله من عبرة حزن دونها أقفال *** ووّنة ألم بين الضلوع امحبوسه
الله الله الله عليك ياكلاش ... قصيده أكثر وأكثر من رائعه تبين خلفها شاعر متمكن وشاعر جزل بعيد عن البهرجه الكاذبه ..دمت ودام إبداعك للذائقه وأهلها صح لسانك ... صح لسانك |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
صح ألسانك مليون كلاش أنت مبدع و الجزاله ما هي غريبه على شرواك و في أنتظار كل ما تنثره من أبداع و درر تحياتي |
رد: الله من عبرة حزن دونها أقفال *** ووّنة ألم بين الضلوع امحبوسه
الله الله عليك !! جزاااالة في الألفاظ وقوة في المعاني وحبك وسبك !! قصيدة من الوزن الثقيييل والثقيل جدا !! حاولت أن أختار أحد الأبيات لأضعه هنا .. فاحترت ماذا أختار ؟! فالقصيدة بكاملها رااائعة !! شعرت وكأني أقرأ أبيات شاعر من الزمن الماضي !! الشاعر الكبير كلاش : صح الله لسانك دائما .. ولا هنت على هالعيدية الرائعة وكل عام وأنت بخير ،،، والله يبعدنا وياك عن :
نقـالـة الهـرجـه خبيثـيـن الاعـمـال=ألـي يخلقـون بحـلا الهـرج سوسـه !! لحاّنـة للـكـذب فــي كــل مــواّل=وموكـديـنـه فاليـمـيـن الغـمـوسـه لك مني أرق التحايا ،،، |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
أخوي سالم صحت ابدانك ولاهنت على المرور المُقدّر |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
أختي الكريمه صمت الأحزان الله يسلمك ويسعدك دنيا وآخره شكراً على مرورك العاطر |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
المطنوخه صحت ابدانك ووجهك ابيض ولاشنتي على مرورك الندي |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
الشاعره نجديه تعليقك فاق القصيدة جمالاً:) سلمتي ولاعاد تعودينها تعلقين هالتعليق ألي من وهجه يخفي وهج القصيده:icon11: |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
صح بدنك يبومبارك , مرورك غير , ياحضرة المدير , وكل عام وأنت بخير:) |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
وجهك أبيض ياعبدالرحمن ولاشنت على مرورك الأروع |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
استاذي وشاعر ي المفضّل عبدالله آل عريمه الوداعين تعليقك على القصيده فاقها جمالاً , وتشرفت باشادة شاعر بحجمك وثق أنني لا أعتبر نفسي شاعر ولن أعتبر نفسي شاعر ولن اتجرأ على كتابته بأسمي الصريح اطلاقاً لا لشي وانما لسبب واحد فقط الا وهو أن الشعر وسيله للفضفضه وليس غاية بحد ذاته كما هو لدي البعض وأغلب خواطري مسائيه كيبورديه على الفراغ أو ردود على اصدقاء شرواك بحدود شخصيه ضيقه جداً , وأعتقد أن لكل واحد منا أهداف بحياته يرغب بتحقيقها لايُشكّل الشعر شيئاً بجانبها .. وترى القصيد على ماقالت القحطانيه ( أُحكن بحكا ) :) تقبّل من ودي أصدقه:) |
رد: الله من عبرة حزن دونها أقفال *** ووّنة ألم بين الضلوع امحبوسه
مالـي ومـال المـال واسـواق الامــوال=مثلـي غناتـه يــوم تضـفـي لبـوسـه وأصـد عـن شـوف المقاريـد الانــذال=أهــل الوجـيـه الكالـحـه والعبـوسـه نقـالـة الهـرجـه خبيثـيـن الاعـمـال=ألـي يخلقـون بحـلا الهـرج سوسـه !! لحاّنـة للـكـذب فــي كــل مــواّل=وموكـديـنـه فاليـمـيـن الغـمـوسـه عيـدٍ لعيـنـي فراقـهـا ذيــك الازوال=كنـي سجيـنٍ مطـلـقٍ مــن حبـوسـه
الا أنـت يلـي ماأستمـع فـيـك عــذاّل=يامـن عليـك ازروع روحـي امحموسـه انساك ؟ كيف انسـاك ؟! ذا ثامـن امحـال=مـادامـت بـصـدري تــردّد نفـوسـه لك فـي خفايـا الـروح منـزل ومدهـال=ومحبتك بـ.. أقصـى الخفـوق امغروسـه ولـو الغـلا يـورث علـى دب الأجيـال=لـ.. اوصي بغلاك مع جرح قلبي وموسه !! الله الله اي والله ياكلاش هيضتنا :29: صح الله لسانك صح الله لسانك ملاييييييييييين ابداع ابداع يالقرم .. بيض الله وجهك على النص المبدع وتتميز شاعريتك بكثرة التشبيهات الخياليه والصور الكليه والجزئيه وهذا هو الشعر ولا بلاش !! صح الله لسانك وسجل اعجابي فيك وانا معجب فيك مبطي... وعندي طلب ودنا انك تحط اسمك الصريح لكي تنحفظ لك قصايدك وتتوثق لك ونتعرف عليك انتبه من الحراميه والله سرقوا لي 4 قصايد لو لا وجيه الخير وتوثيقها في المنتديات كان الباشا قاعد ذلحين يقصد على علباي هههه ، والله تراك ظالم نفسك نبي اسمك الصريح فكنا من اللقب يارجال:29: واتمنى لك التوفيق والمزيد من الابداع .. وتقبل تحياتي،، |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
صحيح وهذا اللي نعرفه ووصفه ثاني وقال>> أ حكن مصفصف .. هذا اللي حببني فيك ياكلااش حي اللي يعرف العلم .. ربعي وجماعتي مايعتبرون الشعر في القائمة الاولى واعتقد ان هذا سائد عند الدواسر جميعا .. فيه اولويات واهمها المرجله والدين هذي الاولى عندهم ومعروفه لدى الدواسر جميعاا .. وياتي الشعر بعد هذي الاولويات ثانوي ويازينه لاوافق فعل .. وهو مثل ماقلت وسيلة للتعبير والفضفضه والتسليه ولا ننكر انه ادب كما قالوا >> الشعر ديوان العرب = ابدا وعنوان الادب .. وفيه من الحكم المفيدة وهذاا اسما الشعر الذي ياتي بالحكمه .. اماا ان يكون الهدف الاسمى فهذي لم يعتقدها الا الجهلة الذين نراهم وكانهم حازوا المجد بحذافيره ..!! في القنواة ..ونرى خبااال العرب على اصوله .. ونتيقن بتميزنا وتفوقنا في المعرفه والعقل وفي المجد واين يكون .. ووصف احد شعار الدواسر الطوله وقال >> من بغاا الطاالات يصبر على قرايبه ..!! ولولا اننا نريد ان نتواصل مع ابناء عموتنا شرواك ونكتب شيء لقبيلتنا ونتعرف عليهم عبر هذا الشعر ماكتبنااه .. وهو ليس غااايتناا اطلاقا ونا مثلك ياكلاش لاادعي انني شاعر اطلاقا ولو ان الاختيارلي ماكتبت لقب شاعر وهذاا ماقصدته عندما قلت >> شاعر ولكن مافتخر فخر البطل بن الوليد ) ابي اوجه رساله للي ازعجونا في القنواة ؟؟ ردك هذا ياكلاش جميل كما انت .. والظاهر انه عندي فاق القصيدة :icon10: تقبل اطيب تحيااتي |
رد: الله من عبرة حزن دونها أقفال *** ووّنة ألم بين الضلوع امحبوسه
ما شاء الله تبارك الله يا كلاش يا ابن عمي
والله القصيده رااااااااااائعه جداً سلمت يديك وفكرك وآهاتك كلاش انا جتني الرساله بس ما قدرت ارد عليك لازم المشاركات فوق 50 على العموم هذا ايميلي al_badrany-590-@hotmail.com تقبل مروري ولاهنت |
رد: الله من عبرة حزن دونها أقفال *** ووّنة ألم بين الضلوع امحبوسه
صح لسانك اخوي كلاش على القصيدة الرائعة في انتظار جديدك اطيب تحية |
رد: الله من عبرة حزن دونها أقفال *** ووّنة ألم بين الضلوع امحبوسه
|
رد: الله من عبرة حزن دونها أقفال *** ووّنة ألم بين الضلوع امحبوسه
صح لساانك ملياااار وسلمت يمناك على ماقدمت |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
تسلم يبوفهاد صح بدنك هذا من طيب مجانيك طال عمرك وحنا وش ألي يخلي الواحد منا يترّدد عن الكتابه الا خوف لاينقدونها المتذوقين شرواك والا غيركم من ألي يحسبون الشعر شعير مايكلفون علينا ماتفرق معهم ويقبلون بحيا الله خرابيط .. :) |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
صح بدنك يبونايف وشهادتك تكمل نصاب الشهاده لاعدمت تواجدك |
رد: الله من عبرة حزن دونها أقفال *** ووّنة ألم بين الضلوع امحبوسه
اقتباس:
يامرحبا ومسهلا يبن شمسان البدراني كل عام وانت بخير لو كانت متأخره وثناءك على القصيده من كرمك وطيب ذاتك وتشريف لشاعرها الله يطول عمرك:) |
رد: الله من عبرة حزن دونها أقفال *** ووّنة ألم بين الضلوع امحبوسه
أخواني الكرام
الشاعر بدر العجالين أبو زايد البدراني نديم القلم الشاعره شوق2 محمد الولامين أشكركم على المرور ولايجبرنا على الكتابه الا متابعة أمثالكم أكرر شكري وتقديري |
رد: الله من عبرة حزن دونها أقفال *** ووّنة ألم بين الضلوع امحبوسه
[FONT="Arial Black"]صح لسانك يا كلاااااااااااش
ابدعت بطرحك الجميل و ننتظر المزيد من ابداعاتك الراقيه تجيااااااااااااااااتي[/FONT] |
رد: الله من عبرة حزن دونها أقفال *** ووّنة ألم بين الضلوع امحبوسه
لاهنت على الطرح المميز ياكلاش
وصح لسانك قصيدة جزله من شاعر جزل |
رد: الله من عبرة حزن دونها أقفال *** ووّنة ألم بين الضلوع امحبوسه
اخواني الشعراء
هل تعرفون ماهو الشعر الذي يصل القلب والعقل بلا استئذان ؟! هو ماكان على شاكلة هذه القصيدة الفارقة ولا شك أن لها في المنتدى أخوات من مثلها ومن شعرائنا الآخرين ولكن هذا ما أحببت الإشارة إليه في هذه العجالة صح لسانك ياكلاش ولاتشح بجديدك على أبناء عمومتك |
رد: الله من عبرة حزن دونها أقفال *** ووّنة ألم بين الضلوع امحبوسه
الله مـن عبـرة حـزن دونـهـا أقـفـال
ووّنـة ألـم بيـن الضلـوع امحبوسـه !! أخـاف لايشمـت علـي كــل خـتّـال وأروح لقمـه سايغـه فـي ضـروسـه ! قصيدة أكثر من رائعه تح يتي |
رد: الله من عبرة حزن دونها أقفال *** ووّنة ألم بين الضلوع امحبوسه
لاهـــــــنت على الابيات الجزله
ودام بوحك ووجــــــــودك واين اخواتها اخوي جلاااد ؟؟ لاهــنت |
الساعة الآن 08:03 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
