|
وصف الابل
بسم الله الرحمن الرحيم هذي اول قصيده لي و كما واعدتكم في كرسي الاعراف ان اطرحها::::
الفضل لله تو مازان االابداع=بدع القوافي من غمايق بحرها ببدع بيوت تعجب اهل التسماع=مثايل يطرب له من حضرها يازين شوف الطرش لاسج مرباع=في ديرة مازارها كن مطرها في خايع مافيه للضان مرياع= مافيه ياكون أم سالم واثرها يازين به شوف المجاهيم رتاع=كبار الفقار اللي جلال وبرها جرد الرقاب اللي لها نحورآ وساع =متشابهه من طيب فحل عمرها الابل لها توصيف زين ولها انواع=حتى الولي في مصحفه قد ذكرها وأنا هوا قلبي مجاهيم اسناع=الناس دايم تختلف في نظرها يازين خطوا مجهمآ مالها أنواع=سودا تساندها تفاهق ظهرها لها مهادل والخشم طوله ذراع=كنها تعاين في النجوم وقمرها وأذن كما الشنصوب وخدودها وساع=كبار مواطيهاا طوال شقرها وكن رقبتها لامشت سمكة شراع =وبالسلف تسع اشبار للي شبرها ومن سجد يدها لامشت ثور القاع=يحتار راع الابل ليا شاف ثرها يازينها لا صيفت عقب مرباع= بدا اليدين الي وسيع نحرها مع الوصوف الكامله زين الاطباع=لا سمعت الصياح محدآ قهرها هذي ترا ماهيب فالسوق تنباع=تلقى معا الي حاكمينن ديرها وتلقى معا ربع يعرفون الاسناع=دواسرآ فانحى الجزيره خبرها يامن بهم قلب من الخوف يرتاع =صوارمآ يدرى المعادي خطرها بالثقل مثل طويق والحد قطاع = ودباشهم تهمل وترعى ديرها كم واحد جاهم من البعد طماع = يبغي مجاهيم ينوشه خبرها جاهم معه مالقوم مليون فزاع = ثم حولو به لابتي من ظهرها عقب الطمع قام ايتعضض بالصباع=متحسف ويلعن مشير آ ذكرها عدوهم في ساعة الضيق مطواع= يخضع لاونه مثل قاسي حجرها وصلاة ربي عد ماهب ذعذاع=على رسولآ طاعت الله نشرها |
رد: وصف الابل
وتلقى معا ربع يعرفون الاسناع=دواسرآ فانحى الجزيره خبرها
|
رد: وصف الابل
لاهنت وصح لسانك علي القصيدهـ الطيبه |
رد: وصف الابل
صح السانك وعتلى شانك
قصيده في قمه الروعه ولاهنت على طرحها تحياااااااااااااتي |
رد: وصف الابل
صح لسانك بالعون انك ابدعت يالجزل وقصيده بحرش العراقيب لها خاصيه عند اخوك سطام
|
رد: وصف الابل
صح لسانك على هذه القصيده الجزلة
وقد ذكرتني هذة القصيدة برائعه من نوادر الشاعر طويرش بن بداح رحمه الله في ناقتة العاجزه والتي منها قوله :
شجاع جتك العاجزه تذرع القاع = نسنوسها المارق يساوي ظهرها وهي اطول من ذلك واروع وسوف اقوم بطرحها لاحقا ان شاء اللهجاتك مع البيدا تمزع تمزاع = تصف الخفاف اللي كبار شقرها باعين للي غيرها تجمعه باع = عسم اليدين اللي وسيع نحرها تبغي على الصمان من العرق تنداع = صوب الهشوم اللي تقدم مطرها الامن لفا الطارش يعدد بها انواع = على الحبال قنوف ربي ومرها تلقى بها الضمران والرمث شراع = ودعوبها كن الزوالي زهرها تلبست عقب العرا لبس لدراع = يما حلا في قفرها جد ثرها مع لابه اثقال يوم التزعزاع = المرجله يرقون كايد وعرها |
رد: وصف الابل
الله الله الله
لله درك شاعرنا الراقي جهز على هذه القصيدة الجزله صح لسانك وعلا شانك شاعر راقي فكر واحساس تستحق الاشاده والتقدير تقبل حضوري واعجابي مع خالص التحية والتقدير |
رد: وصف الابل
يامن بهم قلب من الخـوف يرتـاع=صوارمآ يدرى المعـادي خطرهـا بالثقل مثل طويـق والحـد قطـاع=ودباشهـم تهمـل وترعـى ديرهـا ابو شجاع صح لسانك مليار ابيات جزلة ومعاني شامخة وسلمت يمناك على ماقدمت من ابداع في انتظار المزيد من ابداعاتك |
رد: وصف الابل
صح لسانك يا ابو شجاع
قصيده جميله جدا و ليست غريبه منك الجزاله يا جزل تحياااااااااااااتي |
رد: وصف الابل
اقتباس:
صح بدنك يابو فهاد وجعلك فالوجود |
رد: وصف الابل
اقتباس:
|
رد: وصف الابل
اقتباس:
هلا بهل الثمان صح بدنك يبو فهد ولاهنت على المرور |
رد: وصف الابل
اقتباس:
ابن ادريس لاهنت وصح السان الشاعر بن طويرش وقصيدته تشبه قصيدتي بس للمعلوميه اني ولله مابعد سمعتب ذا الشاعر الله يرحمه ولاسمعت بقصايده وهذا شاعر جزل مافيه شك بس قصدي اثبات اني لم اقتبس منه |
رد: وصف الابل
اقتباس:
لاهنت ياذيب |
رد: وصف الابل
اقتباس:
|
رد: وصف الابل
اقتباس:
وصح بدنك وشرفتني بمرورك لاعدمتك |
رد: وصف الابل
جهز المسعري صح لسانك
قصيده بالفعل جزله جزله وانت كفو |
رد: وصف الابل
شاعرنا الرائع / جهز المسعري
شكرأ لك ع ايراد النص الجميل ويالفعل نص رائع من شاعر جزل ومبدع اتمنى ان لاتحرمنا من جديدك يبو شجاع كل الود والحب وتقبل مروري |
رد: وصف الابل
اقتباس:
المشاركة الأصلية كتبت بواسطة ابن ادريس صح لسانك على هذه القصيده الجزلة وقد ذكرتني هذة القصيدة برائعه من نوادر الشاعر طويرش بن بداح رحمه الله في ناقتة العاجزه والتي منها قوله : شجاع جتك العاجزه تذرع القـاع نسنوسها المارق يسـاوي ظهرهـا جاتك مع البيـدا تمـزع تمـزاع تصف الخفاف اللي كبار شقرهـا باعين للي غيرهـا تجمعـه بـاع عسم اليدين اللـي وسيـع نحرهـا الـــى ان قـــال تبغي على الصمان من العرق تنداع صوب الهشوم اللي تقدم مطرهـا الامن لفا الطارش يعدد بها انـواع على الحبال قنوف ربـي ومرهـا تلقى بها الضمران والرمث شراع ودعوبها كـن الزوالـي زهرهـا وذهب الى ان قال فيها تلبست عقب العرا لبـس لـدراع يما حلا فـي قفرهـا جـد ثرهـا مع لابـه اثقـال يـوم التزعـزاع المرجلـه يرقـون كايـد وعرهـا وهي اطول من ذلك واروع وسوف اقوم بطرحها لاحقا ان شاء الله ابن ادريس لاهنت وصح السان الشاعر بن طويرش وقصيدته تشبه قصيدتي بس للمعلوميه اني ولله مابعد سمعتب ذا الشاعر الله يرحمه ولاسمعت بقصايده وهذا شاعر جزل مافيه شك بس قصدي اثبات اني لم اقتبس منه اخوي جهز انا متأكد انك ما قد سمعت به والدليل انك تغلط في أسمه وأسمه الصحيح طويرش بن بداح ولاهو عيب فيك انك ماسمعت به لأنه مهوب من جيلك اما قصيدته (وهي مذكوره في ديوان من اشعار الدواسر تاليف الفصام )فهي اكبر منك سناً فهي مولوده قبل اكثر من خمسه وعشرين سنه وقد سار بها الركبان وتغنو بها وجاراها عدد من كبار الشعراء سواءً من الدواسر اومن خارج القبيله ولا يدخلني شك انك مقتبس منها شي يابوشجاع هذا توضيح فقط .وفي كل حال انت مبدع وانا معجب باسلوبك. |
رد: وصف الابل
وتلقى معا ربع يعرفـون الاسنـاع=دواسرآ فانحـى الجزيـره خبرهـا
يامن بهم قلب من الخـوف يرتـاع=صوارمآ يدرى المعـادي خطرهـا بالثقل مثل طويـق والحـد قطـاع=ودباشهـم تهمـل وترعـى ديرهـا الشاعر المبدع جهز المسعري صح الله لسانك وبيض الله وجهك ولايستغرب الابداع على مثلك |
رد: وصف الابل
[quote=ســـطام الروقي;379349]صح لسانك بالعون انك ابدعت يالجزل وقصيده بحرش العراقيب لها خاصيه عند اخوك سطام]
اررررررررررررحب يبن روق والمعذره منك والمنسي غيرك ولاهنت ع كل حال شرفتني بمرورك طال عمرك |
رد: وصف الابل
اقتباس:
|
رد: وصف الابل
اقتباس:
اررررررررررحب تراحيب المطر يبو سعود وشهاده اعتز فيها لنها من عزيز وكفو ومرورك شرف كبير ونجاح لهذا النص تحياتي لك |
رد: وصف الابل
اقتباس:
|
رد: وصف الابل
من ناحيه كبر السن يبن ادريس مايقدم الرجال ولا يوخره ولايقدم الرجال الا فعله طال عمرك ع قول الهاجري ملا يحوش المرجله في شبابه= اليا انتحت صعب وعسرن لحوقها
ونا ماقلت في الشاعر الا ونعم ونت بعد ونعمين ونا حطيت لي توقيع وتمنا ان اكون قده |
رد: وصف الابل
الاخ جهز المسعري مع التحية والتقدير اخشى انك فهمتني خطا اخي العزيز جهز انا لم اقل ان كبر السن اوصغره يعذرب في الرجال ولم اقارن بذلك انا قلت القصيدة قديمة بمعنى اخر اما استشهادك ببيت الهاجري فما المقصود منه بالضبط يا جهز ارجوا عدم خلط الاورق ومالحقني الشك في شي بالنسبة لتوقيعك وانا كذلك توقيعي من ابياتي علىالعموم اقول ماعليك زود شاكر لك تقبلك وردودك اخوك محمد بن ادريس
|
الساعة الآن 10:03 AM
 |
Powered by vBulletin® Copyright ©2000 - 2025, Jelsoft Enterprises Ltd.
---