|
حسن بن بطحيه
بسم الله الرحمن الرحيم ديوان الشاعر حسن بن محمد بن بطحيّه الودعاني |
رد: حسن بن بطحيه
الجنوووون....فنوووون
جناً تلّبس جن والجني على راسه جنون= جنن جنون المستجن لاجن جنونه جن جن جتني الجنون جنود وجنون الجنون تجي فنون =لاجت تجيب المستجير وجابة الجن استجن تجي معي تجي تجي واجيبهم يعني يجون=تجري معي واجري بهم مجرى دمي جرد وهجن جاريتهم جاورتهم جاوزتهم لو يجمحون= حجمتهم تحجيم حجام حجم مايخرجن جمعتهم جمع الجواري والجواري يخدمون= جلبتهم جربتهم تجريب جاير وانجحن جلبت جملات النجايب والنجايب ماتخون= اجيش اجيوش تجوش بجاش مشجيه الشجن جات النتايج والنتايج جات باجمل مايكون= جلست جلسة جالب التاج المجلجل من عدن هاجت هواجس موج شعري بالجزل بعد السكون= هاجت وماجت والجوارح وسط جوفي ارعدن داجت وساجت وارهجت جرد الفيافي بالمزون= والجيم هداج يجم ماجف والجاذب حسن اوجد لها المخرج واجنبها جما عجمة قرون= جملتها جللتها جلباب جوخي مرجهن يجهل بها الجاهل وجهل الجهل بالجهل امهجون= يسجع بهاالساجع وتبهج مهجة الرجل الفطن اجود بالماجود من جود الجويد وتاجدون=جهدي ومجهودي وجّمال الجمل حمله وزن وجدي وجود منجدل في جوانتانمو بالسجون= جروه جر والجريره جرها خارج سجن الوجد وجدي واتوجد وجد من بات مغبون= جزاه جحاد جحد جل الجمايل وانغبن جت من جوير جار والجاري جرا يامنجمون= هجرع بها ياجوج مايجوج في دبك ولحن وجعة وجيع موجعه لوجاعها مليون لون=خراجها وعلاجها يامعالج الوجع الكفن جرح لجا والجرح جر الجرح وجروحي طعون= تلج لج المستلج ان لج وحشرج اوون جمرة جحيم تلتعج من وهجهانجحت ابطون= تجبى جشع جزيه من الجايع وعجفاهم سمن حجيت حجه والحجيج تحج وتجيب الركون= وا حجة حجيتها جاوزت بالحجه ركن جايز يجوز او مايجوز ان جازجيز الجايزون= انجازها واعجازها يجتازها الجهبذ وكن جل جلال اللي لوجهه يرجعون المؤمنون= جرني بوجهك ياوجيه وجاه وجهك يؤتمن |
رد: حسن بن بطحيه
مجاراة بيني وبين خالي سعود ،،،،
خال الشاعر حسن يقول
يقول من هاضه وغاضه هروج ثقال= هروج على كبود الرجاجيل مثقلها خص لمن جات من عاقل رجال=الى من عمدها عمد ماهوب يجهلها لك الله لابغي لشحن شحنة الجوال=من فوق ولامن تحت لين يقبلها ابغى مايعود لمثلها جعله السلال= ياوجه الله ويش جاب الرديه من اولها لا جتني من عاقل ماقدرت احتال=احتار في ذيه وذيك اتحملها بخلي الردى لراعي الردا لردا شيال=لهل الردى من ناس ناس تجاملها بغير الموضوع واترك بعض الاقوال=اخير من طوالها القصار مااجاملها انا وين بالقاء شاعر يكيل بالمكيال=الى كلتنا له صاع صاعين يدبلها الى ابهمتها بحروف لبجد لها حلال=مايهمش معانيها لاعزم يهملها مثل واحد اول وهو باقي مازال=لغيري كريم الكف ولي يالله مابخلها لغيرة من الشعار بدز له مرسال=أرسله المرسول واتعب رحايلها الى من لقيته بأذن ربي يشال الحال=يصيد الدوا داها تبرد علايلها هذاك راح بعيد وابعد عن اتصال=عسى زاجل الحمام يدي رسايلها هذاك ابن عمي قريبي وانا له خال=حسن احسن الشعار فرفع منازلها جدير بشكوى شاكي كاتم ماقال=خفي الخفايا مايبين سرايرها ماهوب بلا قول شاعربدون افعال=جملها الى ثقلة وشايل محاملها أشهد الى من جيت عينه لك رجال=كريم لضيفه يذبح سمان حايلها سلام على ابن حميد مني سلام اجزال=عدد مامشت مني لصوبه رحايلها سلام عليه إعداد ماهطل الهمال=همال من الوسمي تزبر مخايلها جاتك قصيدتنا وصرفنا الجنيه ريال=عسى عملتك دولار ولاتعادلها مانقدر نختمها نبيها تصير اطوال=نبي جعبه الشاعر يجي مابداخلها سعود بن حسن بن بطحّيه رد الشاعر حسن
يقول من قافه لاصاغه حكم وأمثال=متى مابغى غر المعاني يبهلها بدا والبدايه باسم الواحد المتعال=على وجهة المقصود أرجي يسهلها لزوم اجاوب صدى شاعر الأجيال=عقيد الطروق الكايده سعود يفتلها مرحبا مرحبا مافاض شعب وسال=وبله على دار ابو حاتم يسيلها ترحيبة حالية احلى من حليب اهجال=ترحيبه دهن عود المسك كللها برساله غاليه عندي لها منزال=منزالها الروح ورموشي تظللها رساله عزيزه من عزيز وكثير أفضال=خالي عجب عيني والمراجل مكملها كل المكارم عند خالي لها مقيال=على الطيب والناموس والجود دللها وسيع البنايد خالي سعود ذرب خصال=نتبني نتبني طيب راسه بكاملها سلايل جدي حسن عسا قبره الوبال=وتظفي على قبره ظوافي خمايلها ترك لي نسبه وخلد الذكر بالاعمال=صدوق الوعايد دعوتي فيه يقبلها لا حاف قاف يقدحه من صخور جبال=فحل من فحول الشعر ذكره يفحلها شكى وانا من شكوته صابني اهبال=اهبال الحميه والحميا تزلزلها نصتني وانا ياسعود للجايره حمال=جملها نقلها حسب هقواتك ازهلها وانا الشاعر اللي للشعر ناقض وفتال=ولامن سبرت القافيه بان هازلها ليامن تصافق موج ذالشعر في ذا الجال=سبحت البحور الطاميه ماني اجهلها تفحصت موضوعك لقيت ادقاق جلال=تغير جبل ولا الطبايع ماتبدلها حكيم وتدري ان الخبول تجيب اخبال=ماتحتزي للمجالس لاتفشلها بعض المظاهر جميله والعقول سحال=هذي ومن مثلها ياخالي اسفلها لجواد ياتي لها ياسعود جهال=ولا لجاويد ماهذي تمثلها هذي صفه من صفات الناس واشكال=ناس على الحكي تشعل به مشاعلها الحكي راعيه ماقد قدمه مثقال= وان طال به عمر لابد مايحصلها لاجاك راع الحكايا حطه نعال=الجمه بلجام كفك لايحثلها وتالي كلامي بدا في وزنك اخلال=والقافيه ليش يالبيطار تخذلها عجيبه غريبه ساهي الفكر ولا غفال=تمعن بها ياسعود قدام تصلها صرفنا القصيدة بالذهب والسعر بالغال=على اليورو اللي عملتك ماتماثلها قصيدة قصيدة ماعليكم لها مدخال=قصيدة مع الشعار مابان خاملها بقت جعبة الشاعر عليها الرشى وحبال=تبي جاذب الماء لا جذبها يذبلها |
رد: حسن بن بطحيه
مالهــــــــــا داعــــــــي
يوم قلت الجرح الأول برى منك وطاب= جيت يالغالي تجدد علي جرحٍ جديد كل ماصكيت باب الجروح تفك باب=طعنتك في خافي الروح تبطي ماتبيد كل ماصكيت باب يجي منه العتاب= تفتح الشباك للريح مدري وش تريد كل ماجيت أنصحك جاك شك وأرتياب= كنه يسوقك على الشر شيطان مريد وان سئلتك قلت عطني لما تفعل جواب= قلت ليّه مايفل الحديد إلا الحديد وان طلبتك صادق الحب من دون أغتصاب= مدتك مدة بخيل بمداته زهيد ياجبيبي لاتزود على الجرح ألتهاب= طال صبري طال وانا لك أكرر وأعيد صابني مما تسويه هم وأكتئاب= كل ماجيت أقترب بالعطا تبعد بعيد خايف يوم يجي ماتحمّل ذا العذاب= ينتهي مخزون حبك ولا يبقى رصيد خايف وياك لا أصبح مثل طارد سراب=ساعته لو طوّلة قربها قرب الوريد والتجارب ياحبيبي مواهب واكتساب= الذكي ينجح ويرسب بها القلب البليد الله أكبر يوم حطيت لك ضرسٍ وناب= مالها داعـــي تشمت علي زيد وعبيد لايغرك بارق لاح في عرض السحاب= خايف يوم قريب يجي تصبح وحيد والله اني لاكذوب ولا أحب الكذاب= دايم ممشاي سيده ولا امشي رونج سيد |
رد: حسن بن بطحيه
عساها عساها تسلم يميـن هالبـراق
عساها عساها تسلم يمين هالبراق= يمين تسطر من جميل الكلام فنون على صفحة يشرف عليها تشع اشراق= بنا منتدى راقي جعل للحديث شجون جمعها بحسبة كيف من كل لون لاق= أدب كالذهب محفوظ مالشائبه مصيون رياض حوت للشعر مالذ وطاب وفاق= تغرد عصافير المعاني طرب ولحون عمل يسرق الألباب وتوق له الاعلاق= نعم ياكذا ولا بلاش سواه يكون جمع لمسه الفنان مع بصمه الذّواق= صحيح أنت يالبرّاق بالكايده مفتون أكرر لك التقدير والشكر من الأعماق= على لوحه الإبداع والكل لك ممنون |
رد: حسن بن بطحيه
والعيون السود لي معها روايه
لازعلت وقلت وصلت للنهايه= جيت ناوي قطعها دون أفتراضي مع حبيب ماعرف معنى غلايه= بيّح بسدي ومنه الدمع فاضي ولانضرت عيونها جاني عنايه=عوّد الزعلان من دعواه راضي أرتبك وأنحاس مدري وش بلايه= والقضيه جات عندي حكي فاضي وتنازل عن طعون في خفايه= وأعتبر مافات مات وصار ماضي والعيون السود لي معها روايه= في جميع أفصولها سر انتهاضي ولي معا عين المها علم وحكايه= يوم نادتني نواعسها الحاضي شفت في عينه علاجي والوقايه=تحتويني كل ماضاقت لأراضي في بدايه حبك اللي في حشايه=يوم غنا طير حبك في رياضي وأنت كل الحب من ألفه لا يايه= واصدقه وانقاه وابيض مالبياضي كنت احسب الحب تمثيل ودعايه= لين برق الحب في ظلماي ناضي قمت أهوجس به وانا أمشي في خلايه= لافقدته صار بالقلب أنقباضي الله اللي خالقك للخلق آيه= من عجائب خلقه اللي في الفياضي مايشابه صورته غير المرايه= أشهد اني به حضيض من حضاضي كان عيني لا أرمشت تحجب هوايه= جعل جفن العين مايعرف اغماضي انت حلمي لاتحقق لي منايه= جعلني ما أعتاض في غيرك واعاضي ياسفر صبحي وياشمعه مسايه= من غلاكم عن خطاياك امتغاضي ويش اداعي ويش اقاضي ياشقايه= وانت وسط المحكمه خصمٍ وقاضي والحقيقه لو رجعنا للبدايه= أنت ابوها سمّها دون أعتراضي |
رد: حسن بن بطحيه
ياحمد راشد وانا لـي مـدة مارتـاح بالـي
ياحمد راشد وانا لي مدة مارتاح بالي= اتخيل شوفة اللي ياحمد ودي بشوفه ياحمد وانته كريم ومن زحازيح الرجالي= ياجملنا للحمول الكايده يرخي كتوفه يرتكي للحمل لو انه ثقيل مايشالي= من رمى حمله على شرواك ولى عنه خوفه لو هبد فوق الرماده ماعليه ولا يبالي=مايسمى من جنون الجن ماتقدر تحوفه ياحمد عطني لاجابه وانت اخذ مني سؤالي= واضح ماهو خفيً لجل أترجم لك حروفه ودي اكفخ كفخ طيراً شاف له صيد اجزالي= مهتوي الهده على الميعاد طابت له شفوفه جيّتك لا جيت ياوجه السعد جاء لي مجالي= اتنحر بارق مبطي ونا اخايل قنوفه نوه بارد مطرها يحيي عروق اهزالي= والحيا من خلقه الله فيه للبيدا مروفه المطر هو والسحابه سرها سراً خيالي= ذاك من هذي وذيه ماتعيش الا بجوفه ياحمد شئ يقال وشئ اخر مايقالي= لو عطيتك من معاني مقصدي طارف وصوفه والجماله يارفيقي عادتك بأول وتالي= يابن راشد طالة المدة ونا شفت الكلوفه ياسلايل لابة عند الخوي ماهي تمالي= آل مره سعد منهم بالقا صارو سيوفه مايبيح خافي الرجال ياذرب الفعالي= كود هم كل ذعذع هوى الغربي يلوفه طيف زول عايش دايم معي في كل حالي= كل زول غير زوله منه انا نفسي عزوفه لابغيت انسى يذكرني بذكراه الهلالي= وان تغيب ماعلى اولها ولا آتلاها حسوفه |
رد: حسن بن بطحيه
حسب الوعد ياعميلي بانتظر والوعـد للحـر ديـن
حسب الوعد ياعميلي بانتظر والوعد للحر دين = شرواك حلالها شرواك حلالها والطيب عادة هل الطولات يابن الجود ذرب اليمين=مشروبك إزلالها مشروبك إزلالها والمدح مايذكر الا بالرجال الاوفياء والطيبين= يعطونك اجزالها يعطونك اجزالها والظرف يشكا على منهو يقدر شكوة المشتكين=للصعبه ارجالها للصعبه ارجالها والعلم يعرض على اهل العلم واهل العرف والفاهمين=للسوق دلالها للسوق دلالها قلبي يحب الكريم ابن الكرام ويكره الخايبين= الذل يبرالها الذل يبرالها والرجل لابد مايتبع سلوم اجداده الاولين= شياله اثقالها شياله اثقالها أقولها من تجارب ياعميل الخير ذيك السنين= بقفاي واقبالها بقفاي واقبالها ياكثر ربع الرخاء اللي بالشدايد تختفي ماتبين== قصيرة احبالها قصيرة احبالها مما حصل لي معا سود الليالي صار عندي يقين= الناس بافعالها الناس بافعالها واليوم وقتك تغير زاد فيه الماي فوق الطحين= ماقيس مكيالها ماقيس مكيالها لا واعذابي عجزت القا صديق صادق لي أمين= وأكفيه بهوالها واكفيه بهوالها محتار واحترت في دنيا تحير كل عقل ذهين=محتار في حالها محتار في حالها عجزت لافهم تقلاب الزمن لو كان عقلي فطين= تخدعك بمهالها تخدعك بمهالها بعض الخلايق تغر وتخدع الجاهل بها كل حين= تغر بأزوالها تغر بأزوالها بعض العرب تخدعك بثياب مضهرها جميل حسين= والعيب باسمالها والعيب باسمالها وبعض العرب تركب اشداد ماهوب اشداد فيه سين= وتّزور اقوالها وتّزور اقوالها والشعر بحراً يضيع من سبح به كود بخص مكين= دانه ويالالها دانه ويالالها الموهبه هي مطيه شاعرالميدان وهي الظمين= لا جاد موالها لا جاد موالها ماكل من قال له بيتين سمي شاعر الفرقدين= ترشدك عقالها ترشدك عقالها السرج فوق البقر قد قيل مايصلح ولاهوب زين= خلها على اشكالها خلها على اشكالها الاوله واضحه والثانيه معنى ورمز دفين= للخيل خيالها للخيل خيالها يالله توفق بقايا رحله ايام العمر يامعين= وتحقق آمالها وتحقق آمالها اسئلك حقق رجاه وغايته يارب دنيا ودين= يامعطي افضالها يامعطي افضالها الله رجاء كل نفس مؤمنه وانت الملاذ الحصين= لاوزنت اعمالها لاوزنت اعمالها |
رد: حسن بن بطحيه
الا ياهل الهروج اللي بـلا راس ولاكريـاس مجاره بين الشاعر حسن بن بطحيه و الشاعر حسن بن نوار
الا ياهل الهروج اللي بلا راس ولاكرياس= غشاكم من سواد العيب لبس يكسي القامه عليكم لعنة الخالق وخلقه بأختلاف اجناس=عدد من كبر وهلل ولبس لحجه احرامه يقوله واحد جرب وقاس الناس بالمقياس= يقوس بوحدة المقياس واضرب واقسم احجامه ليا جار الزمان وطالة الطرقه تبين الناس=على حسب العزايم كل رجل ينصب اخيامه رجال كالذهب ماتختلف ولا النحاس نحاس= يزكى الرجل بافعاله ولايحسب لهندامه يقولون الرجال أهل المعرفه طيبين الساس= أخير الناسرجلاً عارف مايسهل افحامه وناللي ياحسن شفت النخيل النايفه يباس= تصارع من عطشها وقتها البوار وايامه تعاني ماشكت من حرماجاها على الرواس= ولو ماتت تموت بعزماتثنى لها هامه توقف بالعراء مادونها راعي ولا حراس=ولو كلاً حذفها من ثمرها لذة اطعامه لايابو نواراليوم لاسالم ولا جساس=وراس الكسب من يقراء كتاب الله واحكامه ترى في وقتك الحاضرعذابه كلش منحاس=وراع الطيب فيها يالسبيعي نكس اعلامه تقلاب الزمن والناس ماغير قوي الباس= وراع الجود مايعرف ولا في مقرنه شامه
يامرحبا ترحيبة البدو بالكاس= كاس المروه والكرم والزعامه يلي بيوته كلها در والماس= من روس قوم يحتمون الجهامه اهل إمهار وهجن يشدن الاقواس=لجاء نهار القوم يلبس حزامه بأعمق بحور الشعر سابح وغطاس=واجزل قوافي الشعر ماخذ وسامه عاقل ومدرك وقت دقات الاجراس=يثني ليا لبارود ثور عسامه قولك صحيح وحق العرق دساس=بعض البشر لاتستمع في كلامه أفعل ويكفونك أهل الطيب الانجاس=ولاذا الحصان درعه في الجامه ولاردي العقل والدين والراس=خله وكنه معلناً بأنهزامه وقت تخالط فيه عابس ودباس=ولالحق ابو زيد الهلالي ملامه ولا يغرك كل من قال فراس=اربع الاصابع ماتعلى ابهامه ولي يكيل بخٌمس كله بالأسداس=طبع الرجال اهل الوفاء والشهامه ومثلك يابو محمد كسب كل نوماس=عساك دوم بزود خير وسلامه والحر حرولا يشبه بقرناس=يالدوسري احفظ جوابي ختامه حسن نوار السبيعي |
رد: حسن بن بطحيه
الجـــــــــــــــرح
جرح بقلبي واهجه ماتطفيه= كل البحوراللي على سطح ذا الكون جرح عميق في ضميري مخفيه= أقرب قريب الناس ماعنه يدرون جرح على الضلع القصير مكاويه= امشي وانا في خافي الروح مطعون جرح ليا من دقني حر صاليه= تغيرت الاخلاق عندي ميه لون جرح الكرامه لو تخفى مواريه=والله ماعنه الرجاجيل ينسون جرح عدو القوم ماهوب ناسيه= لودارت القبله على من يصلون جرحٍ علاجه مأجل لين يأتيه= وقت يداوي ساعته كل مغبون جرح علاجه لا عتزا راس مغليه= عزوة ارجال بالمواعيد يوفون جرح طبيب جراحته باخص فيه= لاشخصه طبه بيمناه مضمون جرح يعرف دواه منهو يداويه=اظهر له المبغض ومنهم يحبون جرح عذابي كل ماجيت بشكيه= قامت تراودني هواجيس وظنون جرح يجيب جروح من حيث راعيه=وجرح تجاهل جارحه عزٍ يكون محداً فهمني لجل ابينه وابديه= اخاف من تجديد قصة يقولون |
رد: حسن بن بطحيه
وحيد والوحده تخذل هقواتي
ياكثر آهات الندم في حياتي=وياكثر ماصفقت بالكف ندمان وياكثر ماكنيت فوح زفراتي=من شوف عيني للقهر شوف الاعيان وياكثر ماجاهدت وهج عبراتي=لاتبدي الخافي لقوم وعدوان من شين وقت شفت فيه حسراتي=وقت علينا معلن حربه إعلان من قل ذات البين جفت لهاتي=مرت علي أيام مامرت انسان من سوء حظٍ مايقل عثراتي=ماعاد خلالي من الناس صدقان أطيبهم اصدقهم صديق يحاتي=يبغي فراق فيه راحه للإثنان حظي ردي وجل ربعي اعداتي=وسود العمايل من القريبين برهان ((وحيد))والوحده تخذل هقواتي=والفقر الأشهب مكمل كل نقصان وقت تغير يالله منك الثباتي=فيه العرب ماعاد توفي بالأديان بالهرج جمعاً والنوايا شتاتي=ومن يكتفي عن حاجه الناس ربحان والفايز اللي قبل إهانته ماتي=ولاعاش حياً بين ذلً وحقران وقت غدا فيه الصقر كالحداتي=وبالحصيني كنه الذيب سرحان أبا اتمنى لو تجي بامنياتي=ياليت لي ريش وسبق وجنحان وأقلع كما تقلع طيور الفلاتي=ماترتبط بأرض ومسكن وورعان لاضاقت البيداء عليها سواتي=فالجو لطيور السعد دوم مزبان وفارق إبلاد بها الذل باتي=للي بها مجد ورمز وعنوان لو كان صحراء مابها غير ذاتي=اخير من دارً بها الذل سكان دارً بها عز ورزق غناتي=واللي بها ترزق تراها أم الاوطان أحيا بها واوصي بدفنت رفاتي=بترابها حب وعشق وعرفان قد قالها جيل سبقنا وفاتي=مافيه عود شب من غير دخان يالله ياميسر دروب النجاتي=ياواحد فرد صمد مامعه ثان ياعالم ماقلت أنا في سكاتي=منجي نبي الحق من ظلم هامان يامن له ادعي وابتهل في صلاتي=خوف وطمع في رحمتك وانت رحمان الطف بحالي وإستجب لدعواتي=وادخلني الجنه مع باب ريان وضاعف ثوابي واغفر السيئاتي=لاحطت الاعمال عندك بميزان وإنك تهون موتتي وسكراتي=واجعل خواتيم العمل بر وإحسان عسى الشهاده تكون تال كلماتي=شهادة ليه على صدق الإيمان وصلاة ربي عد ما أثمرنباتي=على نبي الخير من نسل عدنان |
رد: حسن بن بطحيه
الا ياشبيه الريم يابو عيـون وسـاع
الا ياشبيه الريم يابو عيون وساع=جميل المحيا ناعم العود رياني حسين السجايا والحلا في جمال طباع=طبايع دلالا ماتطبع بها ثاني طبع حبكم في قلبي اللي بكم طماع=طبع وانطبع طيفك واسمك بوجداني إلى هب من دار(ن)سكنتو بها ذعذاع=تغزله ياغض النهد فيك بالحاني اناجي خيالك ساهر(ن)والعباد أهجاج=اترجم مشاعر عاشق فيك هيماني وحقيقة حياتي دونكم ماتساوي صاع=تراك الحياه ولاتقدر بالآثماني ملكت الخفوق وصرت ياغايتي مطواع=أطيعك وانا راضي بأمرك وطرباني ولوني عنيد صرت لجل الغلا خضاع=وسبحان منهو يصخر أنسان لأنساني يامحور أبياتي وياملهمي الابداع=تموت القصيدة يوم أصور لك أشجاني شوفك سعد روحي وقربك لها مرباع=وقلبي على شوفتك ياشوق ولهاني لورحت عنك ابعيد وأبعدت الارماع=معك الامانه لاتهوجس بنسياني تحمل من اجل الحب يامهجتي الاوضاع=وانا بتحمل لأجل الغلا جور الازماني مادام الوفا موجود وشلك بهرج شاع=أطرد شكوك الناس ياخدر الاعياني على شانكم اتعب وقاسي الشقا بأنواع=وجحد عذاب الوقت لو جورة اضناني وانا أبغا الجزاء ياصاحبي حبة بأمتاع=وضمة حنان منك تمسح بها احزاني مابه سواكم ساكن في حنا الاضلاع=أحبك ومووت بمبسم فيك فتاني |
رد: حسن بن بطحيه
هوى سعر سهمــــــــه
أنا بطلب الله جعل يقبل دعاء المديون=يشرع بوجهي كل خيره وبيبانه عسى يستجيب لدعوة الصادق المأمون=من العابد الساجد لوجه الله سبحانه تدانت احواله كل عام وهي في دون=وبدت السقوط أوراق عمره من اغصانه هوى سعر سهمه وانكسرمن سبب قارون=خسر راس ماله وابتدا حال نقصانه بدا بالتراجع للورى عكس من يمشون=وقع الحظيظ وغيره يطول بنيانه بدايه نهاية قصه الصابر المطعون=عليها الظلام أسدل ستاره وجنحانه وقايع دراما احداثها صادق المضمون=تشد الحضور اللي شجب طول حرمانه توجع له أقلوب وبكت منه بكاه أعيون=بعد ماظهر بختامها ينسج أكفانه ولا ياشديدات الليالي علي بالهون=كفاني أحوال من سبايبك كحيانه ونا مبطي معك بصراع يهز الكون=ضعيف يجاهد بطش الاقدار بإيمانه شبابي غدا مني هباء بدون أثمون=نحت بي المصايب عن صبا العمر وقرانه تجاوزت لذات الطفوله ومن يلهون=مراحل طفوله عمري البؤس عنوانه رضيت وقبلت الواقع اللي به يصرون=على منهج الغاب القوي يأكل أسمانه رضيت بقليل أحقوقي المهدره مغبون=حظوظي بسوق القسم معتاد خسرانه أحاول ارقع في خمالي رقاع أشنون=أدور لعز النفس في وعر قيعانه لحيث الرجال اشوف مقدارها مقرون= بثنتين فاقدها حياته بلا خانه تمسكه في دينه بيوم اللقا له عون=وعزت كرامه نفس يعلا بها شانه حياة الفتى في الذل عنها الممات يهون=دقيقة شرف ولا عصوراً بهن هانه وهذي مجرد نظره تصيبها وتخون=ولولا اختلاف السلع بارت بدكانه يقول المثل خذ حكمت الراي من مجنون=معه وانت غايبتك والافكار حيرانه نهاية كلامي شاب قافي يامن توحون=عسى فيه خير وسامعه تطرب أذانه وخير الختام أزكى صلاة عليه أتكون=رسول أمين شرف بحمل قرآنه |
رد: حسن بن بطحيه
وليد دونك حدنـي نـازح البيـن
وليد دونك حدني نازح البين=ممشى ثلاث ايام من فوق فكسار وبالجو محسوبه ثلاثه وثنتين=ساعات ماعنها مع كل طيار خارج نطاق التغطيه وين انا وين=على الخريطه ماتحدد بالأقمار بأرض خلا ماذكر فيها مقيمين=أرض تتيه أبها البصاير والأبصار صابر على الفرقى وأنا بين نارين=نار الزمان وحاجةً مالها أعذار مابين نار وغار مابه خيارين=أن جيت بجلس نار وأن قمتنا غار أعلل النفس الحزينه أبشيئين=عند الكريم اللي طلبته بالاسحار اليا دعاء الامام ثم قالو آمين=لحيت في طلبته مع كل الاذكار شوفة وليــد سالم بين غالين=وباب الغنا ينباج لي سر وجهار آمين ياقابل صلاة المصلين=دعواي لاتجعل لها دونك ستار |
رد: حسن بن بطحيه
الا ويل عيني من طويل السهـر ويـلاه
الا ويل عيني من طويل السهر ويلاه=ثلاثين ليل ساهر مارقد فيها ولا واعذاب القلب من حر مايكناه=يهيض ونيني عبرةٍ كنت مخفيها تقطع من الفرقا معاليقه من أقصاه=وعين الشقا تبكي على شوف غاليها وياشين ذاك اليوم عندي بعد شيناه=عيون الحبيّب يوم هلت عباريها نهاراً حزين من بدايته لين أتلاه=نهاراً به العشاق تحسّب ثوانيها صباح الأحد صبح عليّ لا سقى ذكراه=تفارقت من فرقاه عزاه مابيها وقلت الوداع وقدم العذب لي يمناه=يقول أسئلك فرقاك ياويش تاليها تلويت فيه وقلت انا بعدكم مابغاه=ولكن ظروف الوقت هذي بلاويها وقلت الوداع صعيب يا أهل الهوى مقواه=ولجل الحبيبه دمعت العين مرخيها وقفيت عنه وكل منا عذابه جاه=بكتني وانا من جاير فراقها أبكيها لأحد يوم خمسه شهر سته ضحى منساه=هو آخر عهد عيني بشوفة مناويها حبيبي بدونك شعرنا فاقد معناه=غلاكم سبب معنى القصيد وقوافيها حبيبي قسم بالله ماغيركم نهواه=ولا غيرك اللي لأجله الروح نصخيها غرامي مرامي ياملاذي ومعك دواه=دواي أبتسامة ثغرها وضحك شافيها تضاحك زماني لاضحك لي بعذب شفاه=ولا ضاق أضمه في حناني وشاكيها وانا بطلب الله جعله يعجل بجمعاه=حبيبً من أجله عذب الاشعار أغنيها |
رد: حسن بن بطحيه
ياعلي ياطيب طيبك فـارق فـي كـل جيلـك
ياعلي ياطيب طيبك فارق في كل جيلك=وانت جنتل مان عصرك وانت ابو كل المراجل وانت يابن سعود ضني بالوفا محد مثيلك=بالمكارم والسجايا ماحداً معكم تعادل بالتواضع والأدب ماسار بالدنيا عديلك= وانت وحدك من تجود وتعرف أفنون التعامل يوم جيت أمدح جنابك حرت مدري وين اجيلك=الله الكامل وبعده جاز بك معنا التكامل مامشت للغانمه خيل الأصايل قبل خيلك=للحريجي عزوةٍ تسبق براعيها الجحافل ياصديقي ياصدوق الوعد من يسري بليلك= يارد أعدود مغبه ماتضيعه المهامل في ليال الخوف يابن سعود يأمن بك دخيلك=خاب من يطلب دخيل حمااك وانت حماك شامل أشهد ان حضه ضحك له ناجده من جاء عميلك=المكاسب والمرابح والسعد معك أبتواصل أذكرك مانيب ناسي خوتك وأذكر جميلك=والشهاده لله المعبود مافيها مجامل يأبن عمي وانت رجل كامل عقلك دليلك=والشهاده من صميم الدين مافيها تساهل سمعتك لك راس مال ومكسب العليا حصيلك=سمعةٍ ذعذع نباها في كبيرات المحافل قالها اللي بالغلا من زود قدرك يحتزيلك=سطر المعنى بصدق شعور وأحساس الأنامل |
رد: حسن بن بطحيه
ويل من مثلي
ويل من مثلي تذكر بالهوى خل صفاله=يسهر يلاحي الحمامه يزعج بنوحه سواته يسكب الدمع يتعبّــر لاطرا وقت مضاله=مع حبيب هو مرامه ومقصده وغاية مناته صابر ويجحد ويستر وكن ماشي جراله=خايف راعي النمامه والحسد وأهل الشماته ياهل المعروف مخطر مني الحال بزواله=من شبكني في غرامه حال من دونه عداته لو بغيت أنساه ما قدر قلبي مايبغي بداله=زول محبوبه امامه عايش بذكرى حياته حتى لو قالوا تخيــّر وكل ماتطلب تناله=عن هوى ظبي العدامه والله ما أعطيه إلتفاته راعي المجدول الأشقر ياعرب نادر جماله=كمله رب الانامه بالحلا وأبدع صفاته جادل للقلب يسحر يوم يبدي لي دلاله=ولاهرج لي بأبتسامه تل قلبي من عراته عاذلي في حب الاسمر عزلكم مالي وماله=قلبي مايبغى الملامه سدي بيحتوا خفاته دام خلي ماتنكر والله ماني عنه داله=كل يوفر كلامه لاتزيدوا في عناته باتحرى واتصبر وانتظر رجوة وصاله=لجل مردوع الوشامه ياعسى روحي فداته |
رد: حسن بن بطحيه
الصدر ضاق ودكت أهمومه افـواج
الصدر ضاق ودكت أهمومه افواج=وكثرت على قلب المعنى طواريه قامت تلاطم بالحشا مثل الأمواج=هواجس يامعيض تخلف هقاويه هواجس حطت لها القلب مسهاج=هواجس من حلو نومه تقزيه ياتل قلبي تل ماطور ميراج=لاتلها الكبتن واحاول يعليه على المدرج صوتها هز الابراج=منها المطار تزلزلت به مبانيه هاجوس يتله ورى حد الافلاج=قصاد مطلع شمس قطر حراويه وهاجوس يتله جنوب ولا عاج=لبلاد قوم خذتنا سجة فيه ذيك الديار اللي لبسنا بها التاج=طبنا بها والوقت طابت لياليه صافي سما جوي ولاجاء به إعجاج=أحصد سنابل خير زرعي وأنقيه اسوق رجلي حسب شفي والامزاج=ومنين مايممتها الرزق الآقيه رايي براسي عايش حـــر دواج=كالطير يحسب كل أرض أراضيه كلش أرهيّ يابو مسفر وهداج=ناخذ ونعطي ونتجمل بباقيه للرجل في دربه ثمانين منهاج=بس يتسبب في لزومه ويقضيه وقت مضى يامعيض ماذكر محتاج=زكاة بيت المال محدن بيبغيه واليوم يافرز الوغى شفت الاحراج=وقت الشقا يامعيض كثرة بلاويه قمت أتشفق جغمتي لوبها إرجاج=ماعاد برّقنا بكدره وصافيه نزرع وينتج زرعنا مخيس وخماج=لاينوكل وأن بعت محدن بشاريه نركض ونتعب مير مانجني أنتاج=يالله دخيلك مالفلس في تواليه قامت تضيع ابنا وسيعات الازراج=والوقت يامشكاي بانت خماليه أمشي على الاقدام عبري وهجاج=ماشفع لي يالقرم طيبي وماضيه من عقب ماني في الدجى كني إسراج=اليوم أدور من يقدي واخاويه في الكبد من حر الايام وهاج=وشلون بأرضا المر من عقب حاليه الماي حولي في سواقيه دراج=والكبد عطشا والضواري حواليه متى على الله ليل الاحزان ينباج=وصبح السعد تظهر بوادر مواريه يالله ياوامر بالاسراء والإعراج=فوق البراق وصوب الاقصى موديه نبيّه اللي بالسماء السابعه ناج=سبحانه الخالق نبيّه يناجيه عجلنا ياوالي العرش بأفراج=فرج قريب شاملات مناويه اقبل دعاه ورحمتك طب وعلاج=ماخاب من في حندس اليل يدعيه وصلاة ربي عدّ ماحج حجاج=على نبي نقتدي في مماشيه |
رد: حسن بن بطحيه
(( طير السعد )) + (( ياشاكي جور الليالي سلامات )) مساجله بين الشاعر حس و الشاعر راجح السبيعي الشاعر حسن يقول
عندي على الشطه وسام وشهادات=مع الشرف لاول بتقدير ممتاز كنت ولازلت اصارع الوقت بسكات=عمر الزمن مايوم في صفي انحاز وين انت ياللي تنفقد بالملمات=ياللي بساعات الشدايد لك إنجاز هذاك راجح لويدينه خليات=خوي خويه ماخبر قيل نعتاز من رنية السبعان لا أطراف سيهات=مامثل أبو شافي على الكايده حاز نادر حرار رابي في الطويلات=طير السعد من هدته يشبع الغاز في هدته مايكسب الا السمينات=من فيض مده تكرم أنفوس أعزاز ذي عادته ذيب الخلا دوم بالذات=سهله عليه وهي على غيره إعجاز بدعي لعود جابه بكل الاوقات=يرفل بثوب العافيه دون معكاز الشايب اللي شفت بك منه شارات=الله يديمه دوم لك ذخر وعن رد راجح
ياشاكي جور الليالي سلامات=أصبر ومن يصبر على حاجته فاز مافيه في الدنيا نعيم ومسرات=ماجاز فيها اليوم فالصبح ماجاز دنياك هذي كنها احلوم يقضات=ولا بقايا صورة وسط برواز والحر مثلك يفتهم بالاشارات=شرواك ياحلال صعبات الالغاز يانسل عود ينذكر بالمهمات=اللي يهوز اعداه ماهوب ينهاز دليل راي في نهار المتاهات=ثقيل وزن أفعول ماهوب ينراز علمك وأمنك وحفظت الامانات=تركة حرار مادخل بينها الباز وناخويك باليال العصيبات=تاصلك فزعاتي لو أنك بالاهواز ركايبي في لازمك مستعدات=على انتظار منك تعطيني العاز لجل غلاكم ياحسن بأي الاوقات=ركايبي في لازمك ترهز أرهاز وختامها مني سلام وتحيات=تحية تمشي على زل شيـــراز |
رد: حسن بن بطحيه
السليل مركز العز
ياوجودي كل ماهب ذعذاع البراد= راح وقت العصر الاول وجاء عقبه عصير طالت الفيه ومالت وطاب لي القعاد= اتفكر في ليال يحير بها البصير بالعصير اللي يثير الشجن وسط الفؤاد= مع غروب الشمس كل المشاعر تستثير حزة فيها انفصال البياض من السواد= توجب التفكير في دبرة الرب القدير حزة فيها الطواري تجي كثر الجراد= كبرها ياعبرها مير صايبها عسير تشحن اللي قد له شهور ماشاف البلاد= ديرة من حبها عجها عندي غثير ديرة من ربها ماتحمل الابتعاد=يهتويها جعلها القوم لو من دون خير السليل مركز العز للمجد امتداد= مستقر للوداعين مدية القصير مكرمين الضيف قبل الرخا والاقتصاد= قبل ماكلاً يجي بالكرمسيد وأمير يوم وقت الجوع والفقر وأيام الكساد=ماطفت ضيانهم جعل مافيهم فقير وحتموها لاد جمعان بسيوف احداد= كم حريب بين ارغاه من عقب الهدير لابة تاخذ ولاهيب توخذ بالطراد= ماذكر شدو ليا جا من الخصم النذير منهم اللي ثبت السلم فعله وستقاد= مثل بطحية سعدهم ليا قدم سفير ذي مواريد ابلهم ذي مواريهااجداد=ذي مداهيل المناعير والمجد الشهير هم هل الصولات وهل المغازي والشداد= قالها المرحوم شلعان من يكنى جرير شاعراً خلد كنوز مثل كنز المعاد=أبلغ التوصيف بكتاب ابن ظافرمثير غير هذا زادها بالغلا حب اوداد= من غلا عود سكنها حشا ماله نظير شايبي ياجعل يومي قبل يومه وكاد=شايبي بالحب لا والتي ماله خشير شايبي ياوي شايب ولا مثله انداد=بالغلا ماشاركه لا كبير ولا صغير ليت عمره ليت ياليت من عمري يزاد=ليت عمري لجل ابويه خلقه الله سبير كان سقت ايام عمري مع عيالي ظماد=سقتها بحساب عمره عسى عمره وفير جعل عمر ماكسب ضحكه الشايب نفاد= عاد مابه خيروإن صار من هذي قصير لارضى برضاه نكسب رضى رب العباد= محكم التنزيل وصى وبآياته يشير في رضاه الخير واصلاح وهدايه رشاد= واجب بره ولازم ولامنه تعذير طاعته من طاعه الله وتبغى الاجتهاد= واشهد ان العز في خدمه العود الكبير باطلب الله والله اللي عليه الاعتماد=ياعساي ارد حقه الشي اليسير منه أخذت العلم والعلم مبداة المهاد=في ثلاث ذكرها في الحديث المستنير السباحه والرمايه مع ركب الاجياد=والفروسيه لها شان ورجال تغير الفروسيه لها فارس عنده مباد= يحتويها لاتعصب وهو فيها خبير مثل ابوهادي ليا قام في رايه سداد=ينقل القالات لو كبرها من كبر نير عند ابوهادي لها زاد وزنادوعتاد= ماسواه يسوقها لين يتعبهاالمسير الروابع والروايا مع قدح الزناد= هو فحلها لابدا العلم والوضع الخطير الشجاعه دلته والنعارة له اقناد= والنفوس اعزاز واطهر من الشاش الحرير المراجل حاشها كلها جمع وافراد= يوم غيرة طافي الضو ودلاله هجير يوم غيره خاضع للمره دون ارتداد= تامره وتسنده مثل ماتامر غرير المراجل لادخل سوقها زاد المزاد= مايحسب للخساير عسى خيره كثير المراجل قالها قول وفعاله وتاد= للمكارم عد والناس وراد وصدير يعرفه من جا من الوقت يشكي لاظطهاد= رايته بالعز تدعي المفتح والضرير يقضي اللازم وكم طالب منه استفاد= هو ذرى المحتاج وابن السبيل المستجير دايم يمناه عليا ومداته اعداد = شربه من كف يمناه تكفي عن غدير ريف ربعه بالمواجيب مافيهم حياد = لو حصل من بعض الادنين ماحس الضمير لو تحسه قال عندي مثل برد الزباد=يحتمل عثرات ربعه ولا يظهر ضجير يطمر الزله ولا يلحق المخطى نقاد= يحتملها كن مابينهم شئ يصير سيفنا البتار مذخور في بيت الغماد= دام راسه حي منا الضواري تستذير طيرنا اللي خلف احرار تعجب بالهداد= تكوي المبغض وتركي على مكواه كير كل زارع يجني اللي زرع وقت الحصاد = ياكذا ولا كذا عقبها ناكر نكير يشهد الله ويشهد الله وكلاً فيه شاد= مايغط البينه كود رجال حقير اعقبي يابنت خلي الشباب أهل الفساد= ان ظهر ماجاك وإن طاح يسمع له شخير اطمحي للي على العز يرقابك سناد= شايب يابنت الاجواد فوزي به عشير جعل ابوة بجنه الخلد واصحاب الجهاد= جعل رب العرش يوم المحاسب له ظهير قالها من شوفتك يا محمد له مراد= قبل ماتركز عليه النصايب بالغوير والصلاة اختامها ريح ومسك وريح كاد=ياصلاة الله على من بعثه الله بشير |
رد: حسن بن بطحيه
ماهي غريبه
ماهي غريبه يفعل الطيب فواز=والطيب لابن الطيب عاده ومنهاج فواز جواده ورثة اجدوداً اعزاز=حراً سنا فعله على اقرانه سراج وفواز ابن عود للامجاد مركاز=خذها بفعله ماخذاها بالامزاج ابوه من صغره مقريه الالغاز=اربوة شيوخ العرب مثل هداج حتى نجح في منزل العز واجتاز=كل أمتحانات المواقف والاحراج حفظ وصاة ابوه نفداه ماشاز=يوم العيال اليوم هابين وسماج وكل العلوم اللي تنومس لها حاز= دنيا ودين ديدنه ماعنه عاج وليا همز لي بأكثر الربع هماز=فاخرت باللي صفحته تلعج العاج وتلجم لسان اهل المعاير والانباز=منزه مالعيب في روس الابراج ومكانته بقلوب ربعه ببرواز=راع الحجاج اللي لهم يبهج ابهاج تمرض قلوب تزرع ضغون واحزاز=وقلوب ماتغليه عل مالها علاج هذا الشبل من ذا الأسد وصف ممتاز=مطابق ماعاد للشرح يحتاج قلته بعد ماسمعت عند آل باراااز=في مجلس الرجبان طراه فراااج وفواز ذكره صار لابياتي العاز=طاش الحماس وقلت مابالحشا لاج |
رد: حسن بن بطحيه
احلى الكلام
أحاول أصنع ضحكتي بين الاصحاب=حتى ماعكر جلسة الشعب بهموم مابي يقولوا معقد النفس مرتاب=ماقد خذا عن جلسة الفن معلوم وساير الشله على كل ماجاب=لاشفت أنا جو الربع مابه غيوم مابي يجيني من حدا الربع عذراب=ويزيد مابي زايد الهرج واللوم لاصار مايدرون ماداعي عتاب=من شئ قلبي له سنين مكتوم وأجهد وجهاد وخفي بضحكت الناب=عبرات قلب من محانيه مصروم وأمزح وجرحي ينزف الدم ماطاب=أجامل السالين والعقل منجوم هذي الحقيقه قلتها مابه أكذاب=الله جعل بالناس معطى ومحروم لاتسئلؤني ماقدر اقول لأسباب=درب الشقى والحزن لي صار مقسوم ماواجه الانسان مكتوب بكتاب=عند الذي تسجد له الناس وتصوم أحد بحضه لو وطى بالصخر ذاب=وأحد سواته عاجز حضه يقوم طرقت في دنيا الشقى كل الابواب=وباب المحبه طرقه يطوّع قروم |
رد: حسن بن بطحيه
عذبات الليالي
ليت عذبات اليالي يابومهدي تعود=مابقا ياستاذ منها ياكود الذكريات دايم حلو اليالي تناقص ماتزود=ودي الحقها ولكنّها تجري فوات اغربت شمس الفرح غابت ايام السعود=والسماء الصافيه بالعجاج مكدمات عودت بيض الليالي علينا ايام سود=والله اعلم يامعلم عن اللي مقبلات والله ان قد لي سنه مع سنه هم ونكود=في حياة من عناها تساوت بالممات ضامي جيعان عاري على المر محدود=عن هوى نفسي وشفي يديني قاصرات شخّص الطب المرض واثبته فيني وكود=فايروسات السي والبي فيني ماكنات اشرب الحلتيت والصبر مرّ في الكبود=مرها عن مر شئ طعمته حاليات لو زرعت الورد مايزهر ويثمر ورود=يثمر الحنضل ولوهو على شط الفرات لابغيت أقوم الحظ وأركز له عمود=من ردى حظ النحس طحت في قاعت حصات الامور معقده من نزول اليا صعود=والروابع هدها الفقر جراح اللهات خايب حضي ولالي صديق بالوجود=لازهمته يرتكي للحمول الكايدات والله اني وافي للوفي ماني جحود=بس ماحصلت من طابقت فيه الصفات اتلزا مابه اللي يقول ارقى سنود=مالقيته ياسعد درت في ست الجهات ضعفت عزومي ولاعاد به عندي صمود=والزمان الشين يمحى الجبال الشامخات يامعلمي المبجل ترى بالشرح فود=اشرح اسباب التغير لنا علم وثبات خابرك بالعلم باخص على مر العقود=خبر اللي حاير مادرى ويش السوات ياوسيع العرف والعلم طلابك شهود=مثل فلاح زرع وسط بستانه نوات وانت علمك ورد المضميه جم العدود=يقطع الشك ويدل العقول الحايرات الخصال الوافيه فيك ياواف العهود=طيب السيرات مثلك جمع عذب السمات مرّهي بالجود من صوبكم يأبن الفهود=عادتك ياطيب الساس كسب الطايلات والحبابي عند نوبات الايام معدود=لابةً تاريخهم فوق سرج المسرجات ياحكيم الشعر لك في المعاني صرح طود=شاعر تفتل وتنقض عسير المبهمات قمت انقي وأتخير من المعنى الشرود=جعلها بعيونكم يالحكيم مجملات والسلام أعداد ماهل ولا أرعد رعود=وعد ماتذري ذواري هبوب الذاريات في ختام ارسالة حملها عنبر وعود=تقصدك ياشاعر مقصد للغاليات |
رد: حسن بن بطحيه
الله أكبر تغيـر نـور عينـي علـيّ
الله أكبر تغير نور عيني عليّ= كل ماشاف رقمي مايجاوب عليه عقب ماهوب مشغلني ومشغل هليّ= صار حتى مجرد صوتنا مايبيه عقب ماهي تجي للسوق لجلي وليّ= وعنوته كل عصر بس لجل ألتقيه وعقب ماهو بشوفه قبل مايبخليّ=مايصدق على الله يوم أكلم وجيه يوم لبسه حروف أسمي به مفصليّ= وكل لبسه على شاني وهو مرتضيه وعقب قوله غلاي بقلبها ممتليّ= أصبح اليوم هرج فات قلبه نسيه وعقب ماهو ليا من غبت جاء يسئليّ=صار حتى سلام الله مايبتديه وعقب قوله تعال وكل مخرج مليّ=ماسوانا حبيب غايب نحتريه وعقب ماهيب تضهر زينهم لي جليّ= صار لشافني تخفي عباته يديه قال وضعي تغيّر غيروتبدليّ= شوفنا وين وأنته وين خلك نبيه قال ذاك الزمان اللي مضى الأوليّ= جاهل غلطته عدت مع امه وأبيه غيرته الفلوس ومركز معتليّ=باع نفسه وحصل طامع يشتريه النفوس الرديه للردى تشمليّ=والنفوس العزيزه عزها تحتميه مانكب عفش آدم في زمان خليّ= غير حواء وحواء اليوم تعبد جنيه الله الله يمهل بس مايهمليّ=مايخيب دعاء إلي يطلب ويرتجيه |
رد: حسن بن بطحيه
يا موزع النعم
النعم ياموزع النعم ماهي بالكلام= النعم له راعي وصاحب يستاهله النعم ماهو كلام يوزع والسلام= كلمه مستهلكه طالعه يانازله والنعم ياموزعه ماتقدم للخمام= البخيل الخايب اللي علومه خامله والنعم لاقلتها للردي ظلم وحرام= الثعل راعي نوايا الردى لاتجامله النعم معناه غالي وله شرط ونظام= مايحوزه طافي الظو ولا ينساقله النعم تعطى لراع الكرم ابن الكرام= مجلسه عامر ومعروف كل داهله الدلال الدور والعود يقدم للحشام= والعشا دايم يصوت لمن هو يأكله والنعم للي ليا صار في الصف انقسام= مايطاوع في ربوعه عذول عاذله امحبوب من جماعته يحظى بحترام= نفعته لصغيرهم قبل الاكبر شامله والنعم للي ليا تاهت الاريا وقام= حلها حلال عقد الحلول الشاكله رايه يقدي كما الجدي في عتم الظلام= يرشد الساري ويبلغ مناه وياصله والنعم للي على عز نفسه مايسام= عايش عف عزيز حياته كامله عن صغيرات الدنايا رفع نفسه وشام= كل عاقه جنبه وتركه ومجادله والنعم للي ليا ثارت الهيجا وحام= في السما طير الفنا ساق روحه عاجله في القدا عند القاء كنه السيف الحسام= صيرميا يرعب القوم وقع مقاتله والنعم للي عهوده يوفيها قوام= لاوعد يوفي كلامه بدون اماطله الوعد للحر كالدين يلزمه التزام= والوفا يحسب حساب الخصال الفاظله وسبعه انعام لمن هو جمع ذي بالتمام= كايد نادر تحصل مثيل أيعادله النعم يفخر وياخذ من اعلومه وسام= لايق بالنعم والنعم فعلا جازله سمعته ذعذع نباها كما ريح الخزام= سيرها في الارض سير الهبوب الباتله كالحيا لاحل قامت تباشربه الانام= والحياء يحيي جذور النبات الهازله عادته بالطيب كالغيث هتان دوام= مادرت يسراه ويش بيمينه باذله ذا لامنك قلت له نعم مالحقك ملام= المراجل باخره والنعم هو ساحله البلا لا قلتها وانت لك قصد ومرام= مثل من خلا صلاته وجاب النافله ياصلاة الله على محمد المرسل أمام= عد زخات المطر يوم سكب وابله |
رد: حسن بن بطحيه
كمــــــــب 35
يالسماري كمب 35 معروف= مصنع أزحول الرجاجيل وتسد اللزوم من مديره إلى اصغر موضفه ماله وصوف= بالعمل لاول ويمشي على طيب السلوم الكلاين عقب فرقاه يصفق بالكفوف=قال ماحصلت عقبه سوى كمب الهموم يكرمون الخمسه اللي حدتهم لك ضروف= صوب كمبك كل حراً من الذم محشوم يوم غلق كنتراكت العمل قال الحسوف= ياحسايف راح كمب المراجل والقروم تشكره لو كسار ثم شل قالت مايطوف=اكسلنت واندر استند وفكورس يدوم |
رد: حسن بن بطحيه
عليك الملامه يازمن صرت لـك مجبـور هذه مجاراه بين الشاعر حسن بن بطحيّه وبين الشاعر الكبير راجح السبيعي
عليك الملامه يازمن صرت لك مجبور=وانا اللي ورثت الطيب من سالف اجدادي ورثت المراجل من زمان وقديم واعصور=يوم فيه سيف ورمح وحراب وجهادي ألا يازمن من ناسك بليده فكر وشعور=غدا عندهم قل الوفاء حاجتن عادي وانا ابغي زمان راح ليت الزمان يدور=ليت الزمان الاولي يرجع الغادي ويا أبو محمد كم تمنيت اشوف النور=ويامابكت عيني على شوف بلادي أبي اشوف الديره واهلها وانا مسرور=واحسب العرب مثلي على شوفي تنادي ولكن يوم جيت وشفت مريت مر اعبور=وتمنيت ليت القوم مافكو اقيادي وقلت العفو والله لوني كثير اقصور=لاقول اني استاهل وانا الاول البادي عيال النعامه مثلها والصقور صقور=تجيب الحرار احرار ياراعي الوادي وانا ياحسن ماغيرك أبدي له المستور=سوى اللي رفع سبع سميكات وشدادي زمان مضى كلن رفيق وطويل اشبور=لكن يوم جاء وقت اللوازم فلا فادي ولاعاد باقي الا انت ياذخري المذخور=ليا قلت لي حاجه تقول انت سدادي ويالله عسى عمرك يجي طول عمر الطور=آمين استجب يالواحد الوالي الهادي تقبل تحياتي وانا اقول لك مشكور=صديق (ن) صدوق(ن)غايتك غايه مرادي راجح
هلا مرحبا بكتاب من بالصخا مذكور=هلا ياسلايل لابتن تصخر العادي هلا بالجواب اللي حوى من العزيز سطور=هلا من غلا في ذمتي داخل فوادي وساعه قريت الخط فزيت به مبهور=ورحبت به ترحيب حاتم والمهادي هلا مرحبا به عد ماغرد العصفور=وعددمامشى فوق البسيطه من أعبادي وعدد كل قاف بالجرايد ظهر منشور=وعدد ماتغنى بالشعر كل قصادي تراحيب راعي الذود بالبارق الممطور=عقب السنين الممحله سمع رٍعادي هلا ياجواب الراجح الوافي المنعور=جوابك كساني بالفخر يابن الأجوادي جواب حمل لي من القصايد ثمر وزهور=قصيد تعطر بأجمل العود والكادي وتمعنت في ماسطر إيراعك الممهور=لقيت الدرر مع طرق الأبيات متقادي ومثل ماعهدتك ماتغيرت رغم الجور=حليم حكيم دايم أرموعك أبعادي صحيح أنك شاعر والقصايد بها دكتور=جميل المعاني لك على الكيف تنقادي وترددت يالمنعور في ردي الميسور=وانا كيف اجاوب شاعر عندي أستادي وتجبرت بالله ميسر كل شئ معسور=كتبنا جواب الرد عقب التردادي عسانا نصيب الذاهبه وكل شئ مقدور=على حسب ظن اللي زهمني بالوحادي خواطر تخطر بخاطري شارده وحضور=تلبي نداء من صرخته باسمي أوكادي عساها تجمل من كتبها بصدق سبور=معا من حشا ماشفت له بالملا اندادي ولايابن شافي دوك مابالضلوع جهور=روايا تراودني تجي جمع وفرادي على طول سبع عجاف زدها دبل بالفور=وانا عايش فاقد دليلي والارشادي وانامشي مشيت حاير الفكر كالمسحور=أجر الخطى مابين حادر وسنادي ومالي هدف واضح بها الوقت مالي دور=وعلى هامش الدنيا تقبلت مقعادي قبلت ورضيته يابن شافي وانا مظرور=ادارج زماني كود احيله وينصادي ادارجه بأسلوب لأهل ذا الزمن دستور=غدا المكر والحيلات سلم لهم سادي اسلوم بالاول عندك وعندي انها عور=على مافطرنا الله نعرف التحشادي تبدل تبدل كل خبرك وجات امور=وجانا زمان يذهل اللي بالامهادي زمان يروع مايفرق صقر ونسور=وفيه استوى شيبوب هو وابن شدادي وفيه أصفر العرقوب من الكير راكب الكور=وتعلى الاصايل عقب ماكان حدادي وتخالط به الحابل مع النابل المطيور=ولا تعرف الصادر ومن كان ورادي وماتعرف الصادق ومن فيه راع الزور=رفيق الضحى تالي نهاره لك معادي صدوق النوايا طاح كرته بنار تفور=ونظيف الضمير بحيّهم ماله اقعادي وانا منه الا واشيب عيني نويت اثور=واثور عسم ماراح لي رغم الارصادي مادامك معي ياسيفي الباتع المنصور=باشق الصفوف بسيفي اللي من غمادي وانا كيف اهاب ومسندي راجح المشهور=سليلة سلاطين الفخر سقم الاضدادي عطيب الضرايب ماكره عاليات القور=حرار تعلت بالنوايف بالامجادي ومن لاذ في السبعان مايضطهد مقهور=ويضوي بهم ويصبح الصبح بأسعادي ويسرح ويمرح في حماهم دخيل الدور=رجال فعايلهم على روس الاشهادي كفى ماحصل مع مقدمك أنتهى المحظور=وتوارى شقى سود الليالي والأنكادي لزوم نعيد الحق لنصابه المبتور=ونعيد النظر بالأمرمـ الألف للضادي ونهاية جوابي جاك مكتوبي المنظور=يحمل السلام الحار والشوق وقادي حسن |
رد: حسن بن بطحيه
بنت انا وياك حكـم الوقـت حاكمنـا أتباعـه
بنت انا وياك حكم الوقت حاكمنا أتباعه=والظروف القاهره يابنت تحكم باجتماعي ولا انا ماعاد لي وياك يابنت أجتماعه=واعتبر ماراح من عمري مع مثلك ضياعي عشرتك يابنت عقب اليوم مافيها طماعه=جعل حبل الوصل يجري به من الصبح انقطاعي مع مرور الوقت انا يابنت جاء عندي قناعه=بارد الاحساس مثلك مايغير له اطباعي كم تعذرت وجعلت الوقت لأخطائك شماعه=والليالي بينت لي كل ماتحت القناعي ياعدو الصدق ياغشاش ياشين البظاعه=ليه ياغدار تسعى طول عمرك في خداعي كل ماتامر علي اقول لك سمع وطاعه=وانت تدري لا أمر غيرك ماقبلت الانصياعي من هواك اصبحت مسلوب الإراده والشجاعه=اندفع لك وانت تتهزاء بحبي واندفاعي ماتقدر من على شانك عصى كل الجماعه=صادق بالحب لك ماهو مثل حبك صناعي من يراعي خاطرك يابارد الاحساس راعه=طول عمري وافي لك وانت تتعمد اوجاعي من نصحني عن سوالفك القديمه قلت اشاعه=قلت حساد الهواء يبغى يزيد من التياعي ياعشيري لاتحسب ان قلب عشاقك رعاعه=والله اني قلبي على غيرك مثل قلب السباعي من رقا ذروة سنام الحب ماعودّ لقاعه=ومن سواتي كيف يرضى بالطمان من الرفاعي ماحداً قبلك ولابعدك جرح قلبي ولاعه=بالجفا واليوم منك اشواق خفاقي ارياعي والله اني ماتنازل واتلمس لك شفاعه=لو رضى قلبي وسامح ماقبل عقلي وطاعي صار عندي من نتايج حبك الكاذب مناعه=صرت أأثر ما تأثر طال بالتأثير باعي لاسقى الله يوم عرفك ساعته لي خس ساعه=ذكرتني كلمه لي قلتها من دون داعي الغلا باصك بابه والهواء بطوي شراعه=ويش ابي من حبك اللي ماوراه الا صداعي |
رد: حسن بن بطحيه
لبا قليبه
ياحبيب الروح فرقاكم صعيبه=وعذابي من فراقك وعذابي كيف بقوى وحتمل كبر المصيبه=عزتي للقلب من كبر المصابي هلت دموعي على خدي سكيبه=كن بقصا ضامري مثل الجنابي جف صاف الدمع ثم اقبل سريبه=يوم ودعت الغضي ترف الشبابي موقف صعب وساعاته رهيبه=التويت بلبته يوم التوابي قال تكفا قلت له لبّا قليبه=ماتمنى يانضر عيني يجابي قال تكفا لاتطول بالمغيبه=لاتناساني مع طول الغيابي قلت له عهد مواثيقه قطيبه=لاذكرك قدام زادي والشرابي ماتناسا صاحب وافي صحيبه=لين تنزح ماللوطا سود الهضابي ولين ينسى الذيب لاجاع الزريبه=ودام سيف العشق عزه بالنصابي طالة المده ولارد النبيبه=عل يسقى لانتهى وقت أرتبابي ياحياة الروح فرقاكم غليبه=من سببكم ماكن فيني صوابي الصواب اللي محد غيرك دريبه=أتظاهر بالسعاده والبلابي قلبي المجروح يسهرني نحيبه=اشهد ان الجرح من عقبك سطابي جرحي اللي ماعرف طبه طبيبه=وانت لامن جيت منك الجرح طابي وهني من لاعرف حب وحبيبه=ماتولع في هوى ريم الروابي الهنوف اللي عجايبها عجيبه=خصها بالزين من ينشي السحابي جادلٍ في طلته حشمه وهيبه=هيبه ترهب زعيم الانقلابي كن رمش عيونها صفة كتيبه=مايقاوم سهمها القاتل ارهابي والعيون الخرس ويل اللي تصيبه=لجلها تخضع عزيزات الرقابي والشعر شلال ناعم مكتسيبه=اشقر غطى جبينه بانسيابي كالحرير يفوح به مسكه وطيبه=لالفحني ريحه منه أنتشابي والشفايف جمرها من يكتويبه=يدمن الكيه ولوفيها حسابي ومبسم حب البرد به ينلقيبه=مبسم طعم العسل بشفاه ذابي والجبين اللي بياضه ينسريبه=مثلها ماقد مشى فوق الترابي كنها بدراً تلالا نقتديبه=ماحجب نوره تزبار الضبابي فتنة بين البشر تمشي غريبه=آيةً في الحسن لله المآبي صوره سبحان منهو معتنيبه=دون صبغ ودون مكياج وثيابي في جمال كل هالناس تحكيبه=ويش انا بقول يالله الثوابي واهني واحظ منهو من نصيبه=اشهد ان ربي لدعواه استجابي طلبتي يالله عسى ربي يجيبه=دام ربي في بحر حبه رمابي والله اني لا أعشقه حتى مشيبه=لوكبر عندي هوى بالي شبابي |
رد: حسن بن بطحيه
نصيحة معلم
بديت بسلامي وتحيه لكم مهداه=سلامي عليكم مايرفرف جناح الطير بديت الكلام وغايه القول من مبداه= نصيحه ثمينه جعل في وقعها تأثير نصيحه معلم دارس بجامعه دنياه= درس بالحياة دروس مادرسوه الغير هديه نقدمها نبيها لوجه الله= عسى الله يوفق من سمعها لفعل الخير ترى من حضر في الواجب اللازم ولباه= عداه الملام ومنكم العذر والتبرير إلاياهجوس الشعر ياحرفه ورؤياه= على المنبر العالي نبي روعه التصوير نريد القصيد الصادق اللي على معناه= يثير الحماس وفيه للمجتمع تنوير وأنا لابغيت الشعر هونه عليّ هوناه= يحضر حضور الجن لساحر الشرير توارد علي ميراد ورد على مضماه=نوارد شوارد غاليه مابها تخيير أصوغه واصفه صف بيطار في مبناه= على الساس الاصلي نصخر القافيه تصخير يشد الحضور ويلفت أنضار من يقراه= صوره البليغه وأجمل الوصف التعبير ولا يالبيب العقل بوصيك أنا بوصاه= أبوصيك وذكر عسى النفع بالتذكير عليك بعمود الدين وحذر تفك عراه= وباقي ركون الدين حذرا من التقصير وراع النمايم والكذب بالك وجمعاه= يشب الحرايق بين الاجواد بالتزوير على حش خلق الله صباحه مع ممساه= مداوم على شذب المقفين بالتشهير ليا جاك قل جعله يعجل لك بفرقاه= تنزح مادام أنك سليم من التحقير ورضا والدينك يابن الاجواد لاتنساه= رضى امك وابوك وبرهم عز وتعمير ترى من يبر بوالدينه نجح مسعاه= يفوز برضى الله واحد ماسواه يجير ترى برهم واجب وحق عليك قضاه= لحيث الحقوق الواجبه مالها تعذير تفاخر ولب لوالدك لاسمعت أنداه= تخضع وعاملهم بلطف مع تقدير ترى مازرعت اليوم بكره تبي تلقاه= على يد ولدك اللي معك بالذراع صغير وكلاً يلاقي ماعمل وأقترفت إيداه= يلاقي العلوم اللي عمل مابها تغيير طوابير كلاً ينتظر ماجنت يمناه= يلاقي سجله كامل واضح التقرير إذا كان خير فاز والخير له يبراه= تبارك حياته والخواتم بها تيسير وإذا كان شر ياكبر بلوته كبراه= يعيش بحياة الضيق والخاتمه تعزير تدابير رب يعلم السر مايخفاه= عطانا العقول وشغل العقل بالتفكير إلا من بلتك مصيبه وقلت يارباه= رحيم جعل لك من الكرب مخرج وتدبير إيلاه قدير واحد ماسواه إيلاه= جزيل العطا يستاهل الحمد والتكبير وتال الكلام أثني سلامي بعد بتلاه= سلام الختام وأعيد وأكرره تكرير وصلوا على اللي دعوة الخير في دعواه= رسول بعث للناس بالحق والتبشير |
رد: حسن بن بطحيه
الالفيه
الألـف أولـف لـي بيـوت جديـده=أبيـات شعـر وافـيـات فـريـده أكتب مـن الواقـع بنظـم القصيـده=آخـذ زلال القـاف وأتـرك هزيلـه البـاء بسـم الله عـال المقـامـي=بديـت بأسمـه قبـل مبـدأ كلامـي بالـي جرالـي بالشقـا والهيامـي=بيديـه تفريـج الليـال المحيـلـه التاء ترانـي فـي زمانـي تعذبـت=توي شباب ومن شقا ذالزمن شبـت تلعـب بنـا دنيـا عليهـا تحسبـت=تدبيـر وقـت مالنـا فيـه حيـلـه الثاء ثبـات القـول منـي نصيحـه=ثمينـة فيهـا الحقايـق صريـحـه ثـم أسمعوهـا يالعقـول الرجيحـه=ثمـرة سنيـن بالتجـارب طويـلـه الجيم جنـب مجلـس فيـه الأنـذال=جلابـت المنقـود والفعـل بـطـال جمع الردي نقصً على كـل رجـال=جحـاد معـروف وقربـه فشيـلـه الحاء حليـم الـراي ليـاك تقصـاه=حكـيً تجيبـه حلله قبـل تـبـداه حاسب وحسّب وأدرك القول معنـاه=حذرا كثيـر الهـرج تسقـى حثيلـه الخاء خطية صاحبك غـض عنهـا=خملـة رفيـق جـات لاتستبنـهـا خطـوى الصداقـه مايقـدر ثمنهـا=خويـك اللـي يرتـكـي للثقيـلـه الـدال دارً يافتـى الجـود تجفـاك=دور بدلهـا والفـرج عنـد مـولاك درب المهونـه لاتحملـه شــرواك=دمـار حالـك مـن حيـاة ذليـلـه الذال ذرب الفعل عشرتـه بوصيـك=ذبيل منطوقـه عـن الـزود يغنيـك ذيـب ولـد ذيـب فعايلـه تشفيـك=ذاعادتـه يعطيـك صامـل ذبيـلـه الراء رضاء والـدك حـق وواجـب=ربك بهـم وصـى بكـل المذاهـب ربّـوك يبغونـك تشيـل المتاعـب=راجين منك الحمـل عنهـم تشيلـه الـزاء زمانـك لـو تجمـل ليالـي=زجـك بقـاع والمصايـب هيـالـي زلات بقعـا مـن قـديـم وتـالـي=زوغاتهـا مابيـن عـدل وميـلـه السيـن سـرك لاتأمـنـه نـمـام=ساعي بنشره عنـد عـاذل ولـوّام سواف بعـروض المخاليـق ذمـام=سفيه عقل ومن سمـع لـه هبيلـه الشيـن شبابـك لايضيـع بجهالـه=شمس العلوم أتزود في كـل حالـه شاهد بيـوت العلـم ماهـز جالـه=شفت الجهل هـدّ البيـوت الظليلـه الصاد صلّ الفرض لاسمعت مـأذون=صـلاة ربً خصهـا والـي الكـون صوم رمضان وحجته خامس أركون=صدّق وزكْ المـال تكسـب فضيلـه الضاد ضيفـك واجـب انـك تعـزه=ضهّر لـه الترحيـب وابـد المفـزه ضن وعناك الجـود واجـزل مغـزه=ضواهـر الطيـب بوجهـه دليـلـه الطاء طراة الرجل بالخير مذكور=طويل يمنا بالمواجيب مذكور طاعة له الصعبات يوم أنه منعور=طلايع أمزون العطا مستخيله الظاء ظلام الظلم ليله يروعي=ظلم العباد الساجدين الركوعي ظيم على الظالم ولاله شفوعي=ظلالة يوم المحاسب مهيله العين عادت منسب الناس الاشـراف=عطر النبا يأتـي معاكـل الأطـراف عنهم تجيك البنت بالجـود تنشـاف=عـز الولـد يطلـع لأبـوه ومثيلـه الغين غظ الشوف عن حرمة الجـار=غط وتستر عـورة مقاصـر الـدار غلطت قصيرك زلها يأبـن الأحـرار=غريـب ولامـن قريـب القبيـلـه الفاء فـلا منـك بغيـت المشـوره=فأنشد كبيـرً شيـب راسـه وقـوره فاهم وقضى لـه مـع الوقـت دوره=فوايـده تنفعـك لـوهـي قليـلـه القاف قنع النفس بالطبـع محمـود=قد مثلت كنز على الطـول موجـود قالوا الطمع مثل اللهب ياكـل العـود=قسمـت نصيـب وماكتبلـه يجيلـه الكاف كف الهزو وأعرض عن الناس=كانك على عيوب المخاليـق حـراس كم من وضيع يحسب الكبر نومـاس=كسب أحترام الناس كسب وحصيلـه الـلام لاتجلـس تشـوف وتمـنـا=لوفـي التمنـي فـود محـد سبقنـا لكـن ياليـت ولـو جهـد المعنـا=لازم تخـوض وتكسـب المستحيلـه الميـم مـن ياكـل حـلال اليتامـا=مالـه شفيـع يـوم حشـر الأنامـا منزلـه فـي غبـة جحيـم تحامـا=ماخـاف فـي دنيـاه رب يخيـلـه النـون نفسـك لاتـروح بهـواهـا=نزوات الأنفس من مشى في غواهـا ناشتـه بالمنقـود وادنـس نقاهـا=ناهيك عـن نفـسً تـروم الرذيلـه الـواو ويـل اللـي بليـا جماعـه=والله ان يشوف الذل عقب الشجاعـه ويصير مثـل اللـي عديـم ذراعـه=ويرضى بذل النفـس مالـه وسيلـه الهاء هذا ماقلـت والعـذر مطلـوب=هديـةً بينتهـا وســط مكـتـوب هرج الأمانه بأصدق الصدق مصحوب=هلّـت سحايبهـا بيـوت جزيـلـه اليـاء يـارب عالـم بكـل ماكـان=يامحصي حسنات وذنـوب الأنسـان ياحـي ياقيـوم ياعالـي الـشـآن=يسّر أمـوري وكـل همّـي تزيلـه |
رد: حسن بن بطحيه
ديمقراطيه الحوار
يالايمي في صدتي يوم صديت=الصد في بعض المواقيف حكمه كان بنظرك الصد يعني أستقريت=فيما نسبته لي من كل تهمه فهذا نظرك اللي عليه أستدليت=وكلٍ يحدد نظرته حسب فهمه رايك تقوله ياقبيلي بماريت=ورايي أقوله قدر عقلي وعلمه ماهوب شرطٍ أوافقك كل مامليت=وعمر اختلاف الراي ماكان خصمه وحقك علي اسمعك في كل مابديت=لكن علي ماهوب ملزوم لزمه وانا أستمعت لكل ماقلت وأوحيت=بس انت سمعك عن كلامي تصمه واضح ماعندك للتفاهم مواقيت=ودك من الحبه لك تحط قمه وشفتك بحالٍ ينرثي له وقفيت=ماريد أزود صدمتي فيك صدمه لوصدتي ماهي أعتراف أني أخطيت=لاشك أفكر في أمور مهمه ماأحب أردد قولة أخطيت وقديت=ونطّح الهايش هواشٍ يخمه واللي حصل قد فات واصبح كمالميت=ولاعاد يرده عذل مخطي وذمه وانا إلى من بعض الأحيان زليت=به أعترف ما أنكر وكابر وطمه وستغفر الله كل ما أذن وصليت=وستسمح لطلاب حقه وأعزمه وهذا الذي به بابن الأجواد وصيت=وعلمتنا ان الحلم والعفو نعمه واليوم وشبك من الوصايا تخليت=ياعل كبر السن ماجاك همه لاياوسيع المعرفه ليه سجيت=وضيعت يالأستاذ ظربٍ وقسمه أسمع وانا التلميذ لوبي أستخفيت=وتلميذك أمس كبر وزنه وحجمه أنا الذي بالحلم فعلاً تحليت=وقتً حليم الراي به طار حلمه طبعي وسيع أبطان ياكم عديت=من عاقل ومسفوه من كل أٌمه وإن جاء الخطأ من بعض الأدنين عفيت=ولا أيقنت بمبرر خطاه أستهمه وأصفح وأسامح لومابان لي صيت=ولا أطلب من المخطي سوى طلبت امّه لوكان غيري خاطره من دناميت=ولا أخطا عليه رفيقه ثار لغمه لو جاه في مجلسه ماقال حييت=ولاعاد يرضى عنه لو حب خشمه وهذا هو الشيطان وإن كان سميت=وسمّه يابن الاجواد ماشئت سمه والتاليه لوكان عددت ما أحصيت=ما أحد من الزلات معصوم عصمه والخاتمه يامخضرم القول هليت=خواطر من ضامري مستتمه ياذا الحكيم إليا تكلم له أصغيت=وقوله كما حلوٍ بعيد مجمه شربت من صافيه حتى ترويت=وصدرت مع دربٍ محدده رسمه ويالله عسى في خاتمة قولي أوفيت=الهرج والمقصود بالقاف ختمه |
رد: حسن بن بطحيه
يا شيخة الزينات
لايابعد كل القرايب والأصحاب=غيرك فلا له وسط قلبي مكاني لاتنخدع في هرج حاسد وكذاب=ناس تشب النار سرّ وعلاني تسعى بتفريق الولايف بالأسباب=من حقدها تمشي بهدم المباني يفداك طيّبهم رغم كل ماطاب=ويفدونك الغالين قاصي وداني ويفداك قلبً بأصدق الحب لك ذاب=يذوب في سحر الغلا والحناني عقبك جميع الناس بعيوني أغراب=في غيبتك ربي عليهم حداني في غيبتك طيفك معي حيّ ماغاب=ماغاب عن ناظر عيوني ثواني ماقبل حبك ياحبيبي لي أحباب=ولا عقب حبك حبً أول وثاني كل مامضى قصة مراهق ومرتاب=يكتب على الجدران بعض الأغاني يرسم قلوب مع تواقيع وألقاب=تلفت نظر بعض البنات الحساني بس يدّعي قدام ربعه والأقراب=ويقول عند البيض عنتر زماني من جيت بطّل من تخاريفه وتاب=قام يتغنى في جمالك لساني ياشيخة الزينات وش جابك وجاب=والله مامثلك تكوّن وكاني لاوالذي نزل تبارك والأحزاب=ماغير حبك خمني وأبتلاني منزلك في عيني تغطيك الأهداب=وحبك تمركز بين حدب المحاني في بحر عينك لي مقر وترحاب=القى بها المرفأ وعذب الأماني نجل العيون اللي بها الموت ينساب=لاطالعتني جات عشري ثماني ترفع لها القاب وتخضع لها رقاب=ويطيعها قلب تبعك وعصاني سلطانة بالحسن والحسن جذاب=سلطان حسنك في محيطه خذاني صحيح لاقيل الهوى حيل غلاب=يغلب على الرجال لو هو حصاني |
رد: حسن بن بطحيه
ياكثر صدقاني و ياكثر عدهم
بديت باسم اللي ينشي اخيالها=باسط اراضيها ومرسي اجبالها ياخالق المخلوق من قبضة اترابها=وتعلم بها لوكان تخفي اعمالها يامقدر الارزاق واجال البشر=كل الخلايق عالم في احوالها عالم دبيب النمل في صم الصخر=وعلام غيب ايامهن مع ليالها من يرجي الخالق فلا خاب طالبه=اللي عيوب الناس يرفا خمالها عليه بشكي كبر بلوى مصيبتي=مصيبه متعقدات احبالها دنيا تمشيني على غير ما أشتهي=يالله عسى المولى يزين اقبالها دايم على عوج المسالك تحدني=في حالتي بانت قبايح افعالها فيها مشيت وحرت واحتار فكري=شرق وجنوب وغرب حتى شمالها عرفت لي ناس غريبه طبوعها =تجنب الجزله وتاخذ اهزالها لاقلت هذي عيب ماهي تجوزي=دلى يعدد لك نوادر اجزالها وعرفت ناس في مناسبها تفاخر=تعد من لاشي فعل زهالها ولاصحصحت كل الحقيقه وبيّنت=لين الحقايق ماتصدق مقالها ياكثر صدقاني وياكثر عدهم=وياقلهم لا حتجتهم في مجالها ياسامعي اسمع نصايح مجرب=نصيحه تشرى بغالي اريالها في سالف الوقت واليوم هيهات=ماعاد لاتقبل ولا ينعنا لها عقب ردي الرابعه كان من كاني=لا جاء الخطر عنك تشخر اذيالها عليك باللي راجح الدين في دنياه=خالف هوى نفس تمنا امهالها صديق صدوق صافي بالصداقه=لو كان يحسب من طوارف ارجالها رجال تبين في احتدام المصيبه=ماتعتذر في قول مالي ومالها المهتدي يهديك سبيل الرشادي=يدراك من نار تشيب اهوالها وختامها سلام ربي وصلاته=على نبي كلمة الحق قالها |
رد: حسن بن بطحيه
رد أبن بطحيّه على أبن مطلق السبيعي قصيدة السبيعي //
السالفه ثالث ضحى العيد ماشين.. =من فوق جيبن من مديله جديدي جكسار منوه من ربوعه بعيدين..=يقطعبك الدرب الطويل البعيدي دقت سويكه كنها تقول أهلين..=وألياكتمته يطلبك بالمزيدي أليانصيته من نوادر شياهين..=وأقفايته من قال علبا صعيدي مع خوه رجالن كرامن حشيمين.=خالد ولد ناصر وطامي عضيدي وبندر إلامنه غدى الليل ليلين..=وفيصل عساه يعيش عمرن مديدي ناصين من قدره على الراس والعين..=عبدالله بن شيبان يطرب قصيدي ليله زواجه بنعنيله مهنين..=يالله عساه يعيش عمره سعيدي الهويملي يلحق ورى الحلف حلفين..=في ديرت الأفلاج لزم يعيدي يالفيصليه أنشهد أن به حمرعين..=زبن اللذي يشكي زمانه ضهيدي ساعه وقفنا يرمي يسار ويمين..=سلمن خذوه متعبين الحديدي وفنجال مع طيبن بوسط المداخين..=وسوالفن قصيدهلها شهيدي عقبن مشينا ناحرين الوداعين..=من طيبهم دايم غلاهم يزيدي يوم السليل عيدها صار عيدين..=في عرس أبن شيبان تلبس جديدي ساعه وقفنا وأنطحونا مهلين..=من قبل ناصلهم وقوفن حشيدي والكل منهم يلحق الحلف بيمين.=ويقول وجب طالبك لاتزيدي صحيح لاقالو رجالن ع الدين..=اللي مواقفهم بها تستفيدي رجالهم لو يلحق الدين بالدين..=يحطلك ملا يحطه الوليدي وجانا فهد ويطلق يقول ذا لحين..=مدامكم عجلين شين زهيدي ماحبب الله فالعباد العنيدين..=ولاسهل الله درب منهو عنيدي ياكثر من سمو فهد بالملايين..=لكن فهد يبقى بفعله وحيدي من روس قومن بالمراجل مسمين..=أنا أشهد أنه بالمراجل مريدي ولونا نطاوعهم عساها أسبوعين..=وبنلحق أسبوعين شهر ونزيدي مير البلا عجلين من حظنا الشين..=والوقت ضيق والمسافه بعيدي لونها بالكيف منا متمالين..=أنطيع من يامر على مايريدي الطيبين الوافيين الكريمين..=ألاد زايد كاعمين الضديدي ألاد زايد من عصورن من سنين..=رجالهم عن ماقفه مايحيدي صبيهم من يغدي الجمع جمعين..=بمصقلاتن ماحليت بالغميدي ياما مشو في شف رثم العرانين..=ماساقها كومار ولا هريدي كم راس شيخن طاح بين الكراعين.=من دونها كم ذوقوه الوعيدي هم متعبين الخيل وسط الميادين..=ألاد زايد ضربهم بالوريدي أليا قسو أستغفر الله شياطين..=وليا صفولك دهن عودن عتيدي أليا تطارو في عصور القديمين..=تاريخهم بين القبايل مجيدي والطيب يظهرله دلول وبراهين..=والطيبين الله عليهم شهيدي والساعه اللي عيدنا صار عيدين..=ياجعلها دايم علينا تعيدي في حفل عبدالله عنينا مهنين..=ياله عساه يعيش عمره سعيدي وصلاه ربي عد نبت البساتين..=وعداد ماتسجد جموعن عبيدي قصيدة الغلبا //
ياراكب اللي مركبه للسلاطين=مركب ملوك مال وصفه نديدي فياجرا يعمي عيون الحسودين=هزنيم ميد إن جيرمن بالوكيدي لادق سلفه قال تكفون بنزين=وين أنت ياخطن تصفي رصيدي صوته ليامنه أشتغل صوت شيرين=لامر صوته مايصحي الرقيدي كن حس ماطوره مواوييل الالفين=يطرب على صوته شعور البليدي يسوقه اللي للسهر به عناوين=عينه مضريها بكثر السهيدي ماذاق حلو النوم من حول شهرين=يمشي على الرجلين ويأشر بالايدي ثم حصل الموتر وقالوا على وين=ممكن تسوق وقال حاضر وريدي فرصة غريب الدار مافيه ثنتين=والحظ للفرصات ماهو يصيدي منصاه (أبن مطلق) صعوط المجانين=من روس قوم لبن غانم حفيدي يعطيه خط فيه مسك ورياحين=رد البرى واجب لمنهو يجيدي يامرحبا ترحيب غالي بغالين=ترحيب حاتم طي وأبن المهيدي لاجاوه الضيفان بالليل ضاوين=ناره لضيفانه تواقد وقيدي بالشاعر البادي ومعه العزيزين=ترحيبة ترقا أجبال الجليدي شاعر تقلد للمعاني نياشين=نرفع له البيضا على كل حيدي يقوله اللي لاوقف بين صفين=غنا بطاروق عجيب وفريدي وان جا مجال النظم ماداس قافين=واسع خيال وبالمعرفه وطيدي وان جا مجال الرد ماقال بعدين=يقوم بالمردود عبر البريدي من فضل ربي لابغيناه مرهين=هاجوس شعري لاأشتغل مايهيدي تقبل هواجيسي بعذب المضامين=روايع المعنى بفكري نضيدي واليوم عن ربعي تقدمت بادين=أنوب عنهم في مجال النشيدي وغنيت لي قاف يشوق المغنين=وغنابه القمري بخضر الجريدي حييت يانسل الرجال الوفيين=أنتو هل الغلبا بيوم شديدي أهل البشوت اللي تذري المخلين=كبار البخوت مزبنين الطريدي يأمن بها الخايف لياحده البين=في ظفهم يلقا الهنا والرغيدي شجعان وزحول الشجاعه مخلين=كم عندهم قد راح شيخ وعقيدي سبعان يوم الحرب سقم المعادين=يشهد لهم بالفعل مجد تليدي لاصاح صياح الخطر للمقيمين=ماطاب حظ اللي غزاهم هجيدي إليا إعتزى كل أبلج فعله يبين==ماعاد من ركب المعادي بديدي للخيل خياله وبالجيش بخصين=وكثر المغازي لركايب تبيدي خطلان الأيدي بالمواجيب جزلين=كرمان كل في كرمهم يشيدي سكانة الوديان ورماح شرهين=أنفوسهم شرهه على كل فيدي وسكانة الخرمه على الطيب ضارين=يحيابهم قاع نباته هميدي يانعم بالأجواد تسعه وتسعين=والنعم راس المال كسب وحصيدي مثل الجبال الصم بالارض راسين=راسين بالبيدا لجل ماتميدي بين القبايل ساكنين الكليبين=نجم تعلى بالغداري رشيدي والعلم تال العلم في العسر واللين=المدح بأهل الطيب علم حميدي يازينها لاجات من حين الى حين=وصل الحمايل والمراجل عديدي جاك الجواب اللي به الخوخ والتين=وجتك المعاني دون عقل وقيدي وأسلم يابن مطلق عسى فالكم زين=ومراسلة شرواك سعدي وعيدي وصلوا على خير الملا يامصلين=من سار في هديه فرايه سدي |
رد: حسن بن بطحيه
يا حبي الطاغي
من ضحكتك حتى السحاب المراويح=قام يتبسـم لـك بصـادق بروقـه من ضحكتك طاح الحيا وأزهر الشيح=وفاحت بريضـان المـوده عبوقـه من ضحكتك طابت قلـوب مجاريـح=وغنت طيور الحب بأعـذب طروقـه من ضحكتك قامت لك الناس وأطيـح=ناسً على ضحكة شفاتـك شفوقـه من ضحكتك حتى العيون المشافيـح=جاتك بنضـرات التهانـي سبوقـه من ضحكتك هبت عليّ هبـة الريـح=ونجم السعد بـان وتجلـى شروقـه من ضحكتك ماتت همـوم التباريـح=والحظ طـاب وطيـب الله أوفوقـه من ضحكتك يا أعز وأغلى المطاميح=اليـوم تـو النـوم عينـي تذوقـه عين لجل شوفك تسـوق المرابيـح=كنها لجل شوفتـك بـس مخلوقـه صرحت لك ببيات شعري تصاريـح=شاعرك ماغيرك سكن فـي خفوقـه ياحبي الطاغـي بـدون أي تلميـح=كل المشاعر فـي غلاكـم صدوقـه |
رد: حسن بن بطحيه
مشاركت الشاعر في الحفل الثاني لقبيلة الدواسر
سلامي سلام الله تحية وفاء نبديه=سلام يليق بحفلكم ياهل العادات سلام من أقصى القلب أرده بعد وأثنيه=لمن يفعل المعروف ومن يسمع الأبيات ولاياحليف ماتخيب الهقاوي فيه=حليف الوفاء تظهر مواقفه بالأزمات دعيته ولبا وستجاب لنداء داعيه=يقول أحتزم بي ورفع الصوت بالصالات ولاياقصيدي بزهمك فالوجيه أوجيه=تجمل وجملني معا طيبين الذات تجمل بمعنى كل منهو حضر يرضيه=يصفق له الجمهور يضج بالصيحات أبي حاجة لاسمعها المستمع تغنيه=قصيدة مشاعر شاعر يملك القدرات وأبي مربط المهره وكل العرب تبغيه=وأبي إكة المعنى ولالي غرض بالذات ترى النقد مثل المدح لابد له قافيه=عسى الله يناولنا الرضى بأعذب الصدفات وليل جمعكم جيت من حبكم ساريه=علي الحرااام أنها علي أبرك الساعات وليل جمعكم ياوجيه السعد نشريه=وذي غايتي والناس كل لها غايات وعلى المنتدى واللي بناء المنتدى نهديه=صروح البياض اللي تطاول لها الهامات قبيله لها أسم ورسم واوسم العصا تحميه=لها عزوتن يعرف صداها على الساحات دواسر يوحدها أسمها وين ماتوحيه=تسجل فعايلها بنور على الصفحات ليا ذكرو العربان كل حسب ماضيه=فحنا جمعنا اليوم والصبح واللي فات لنا كل مطلع شمس فعلن روى راويه=فعول مهيب أهروج فعول عليه إثبات فعول عددها منتدى النت مايحصيه=ولو زودو عبر الفضاء أقمار نايلسات نفاخر بضل احكومة خيرها نجنيه=ملوك عليها من ملوك السما آيات تعز العزيز ومن حداه الدهر تؤيه=نصرها جليل الملك والنصر له شارات وعلى من تكفل وأستضاف الحفل نقريه=ثناء والثناء لله وأنتوا هل الطالات الآد الغريري تنطح الواجب وتقضيه=تسد اللزوم وتبهج العين بالوقفات كفو يابني عم جزيل الثناء تزهيه=وفيتو وكفيتو عساكم على العدلات وأنا شاعر موهوب وأقول الشعر والقيه=وعلى عالي المرقاب أبركز لها الرايات |
رد: حسن بن بطحيه
الخير قل
حدتني الدنيا على شي مابيه=ماخترت شي وقال لي الحظ تما تسوقني سوق الجمل في مفاليه=أمشي بغير إرضاي والضيق زما مافادني كثر العتب والمشاريه=شي يسما وشي ماينتسما ولاقلت باقاوم زماني وداعيه=لين الدعاوي دون راس وجما والذيب لامنه عوى ويش حاديه=إلانه من بعض المغازي مرما ومن لايموح الجم لاورد بيديه=شربه من يدين المواريد غما قالوا وقالوا وقولهم كثر مخطيه=وكلن على معناه للعلم ظما وكلن حسب نيات قلبه مماشيه=احدن قريب القاع واحدن مطما وكلن على نيات قلبه طواريه=والناس بالقالات ماهيب طرما ياقلب كان العلم تسمع وتوحيه=صدق النوايا بعض الاحيان ذما وبعض الصراحه لاتدور لها ليه؟؟=خل الحقايق في الدهاليز ظلما الوقت مايمشي على منت تبغيه=ياكثر ماجاتك تعابير لما ولاكل من يضحك صدوق اتصافيه=ولاكل خلق الله لك اخوان شما ومن صد ياقلب العنا لاتراعيه = صدق العلاقه كيف ماهيب كما وان كان تبغى العلم كله ومافيه=الخير قل وزايد الشر عما |
رد: حسن بن بطحيه
بروق الصيف
يابروق الصيف لو ان تغرين الغشيم = ماتغري راعي الذود خيال البروق لو تكاشف بارقك بالدجى عقب العتيم = ماتلد العين في بارق(ن) ماهو صدوق المحنك في علوم الفلك عقله فهيم = خبرته يعرف بها صادق النو الحقوق كم وكم سريتها تالي الليل البهيم = مايتيه الراس عن وجهتة غرب وشروق لو همر وبلك على ام الجماجم والقصيم = مالنا فيها صبوح ولافيها غبوق ولو عروق القلب تابس وتصبح كاالهشيم = ماطمعت بشربة(ن) ماتبلل بي عروق ودام في اوراق العمر باقي خضراء نعيم = عشتها باللي تهيا على عز(ن) وذوق ودام لي عقل (ن) سليم ولي جسم(ن) سليم= مانوردها دروب(ن) توردنا العقوق لو عثر بي حظ(ن) مخاوي ابليس الرجيم= ماتطيح النفس واسوقها للعز سوق وكل واحد حسب واديه واللي به يهيم = وكل(ن) يدور خراجه عسى فاله وفوق وكل قاع تظهر اللي حوت باذن الكريم= طينه(ن) ربي خلقها جعل فيها فروق ماعلى الدنيا مخلد ولافيها مقيم = لو درت نفس (ن) على المخطيه دايم سبوق يازماني كل مابك يشيب بالفطيم = قابض الجمرة بيمناي واناظر لافوق احمد الله ماشي(ن) في الطريق المستقيم = من مشى وضح النقا مالقى في الدرب عوق يوم صدقي مع وضوحي بها الدنيا عديم = صاربي عذروب والبعض للغرة يبوق والخطايا منتهاها ومبداها الحريم= من عهد قابيل وادم ويوسف يامخلوق قلتها من طعنة(ن) موجعتني بالصميم = طعنة(ن) لازال تاثيرها يدمي الخفوق اذكر اللي صار والله بمايجري عليم= غصة(ن) في نصف حلقي ونا منها مخنوق ياخفوقي مابقالك على الدنيا نديم = غير شعر(ن) لاكتبته يضمد بي فتوق مربح اللي عاش مابين زمزم والحطيم= عايش(ن) في خير وان مات من النار معتوق |
رد: حسن بن بطحيه
لابغيـت أسـج مــن هــم حـبـك وأستـريـح
لابغيت أسج من هم حبك وأستريح = شدني لك شي أقوى من عزوم الشجاع آه يا ليتك معي يا الغلا قلبك صريح = مثل قلبي ما تغير له الدنــــيا طبــــــــاع والله اني فيك ما طعت عذال ونصيح = فيك لا بسمح ولا رضى ولا احب استماع والله ان قدلي وانا اون من مابي واصيح = صيحة اللي خانه اغلى الحبايب دون داع ما تخاف الله في قلب عشاق(ن) جريح = احتمل من ما تسويه مالا يستطـــــــــــاع زارع لك في رياض الغلا ربله وشيح = زرع حب صادق ما نبت في كل قـــــــاع مسرف لك بالغلا وانت في حبك شحيح = عذرك انك تعشق الحب صامت بقتناع المشاعر لا طغت ما تبي السان(ن) فصيح = هي كذا من خلقة الله تاتي باندفــــــاع والحقيقة واضحة ما يصح الا الصحيح = يا تجي بخلاص والا بلاش الاصطناع راحت السنين واناارجيك ياالوجه المليح = انت لي ولا فجوج الخلا قدامي وساع |
الساعة الآن 10:06 AM
 |
Powered by vBulletin® Copyright ©2000 - 2025, Jelsoft Enterprises Ltd.
---