سلام الله على من له وسط جوف الحشاء ريضان=تفيض امن الغلا حتى تخيـب هقـوت الهاقـي
اماني ودها تكشف خوافـي داخـل الوجـدان=تترجمهـا قوافيـي تعبّـر صـادق اشـواقـي
بدون ماحوى صدري على تركيبـت القيفـان=ارب الخافـق المغـرم يبيـن لوعـت افراقـي
ابي اكتب بقايا حب ابروزهـا علـى الجـدران=وابي اقطع شرايينـي وابنزعهـا مـن اعماقـي
وابي انقش اسم راسخ واباجره علـى الالحـان=واغني به مثـل طيـرٍ يجـر اللحـن مشتاقـي
مأسي تسبق الكلمه معانـي ترسـم الاحـزان=مراره داخل احشائي سبايـب خاطـرٍ ضاقـي
عشق اصدق من الكلمه من اشيوخاً بعد حلفان=عشق انقا من الغيمـه بعـد غيثـاً ومشراقـي
مثل قمره وسط جواً بعيداً عن مدى الاسكـان=تباهت في خفوقي واشعلت نيـران الاشواقـي
حبيبي قلبي الضامي لوصلك ساريـاً عطشـان=ورفضت اتمدله يمناك وانـت امنـول الساقـي
سقى الله موعداً كنا بهـا فـي اخـر البستـان=على ذيك الورود اللي تباهت باغلـى عشاقـي
مصير اللي عشق طفلـه برائتهـا كمـا هتـان=سرى ليلاً على روضي بعد مارطـب اوراقـي
سحابه عابره مرت علـى كراسـت الازمـان=روت في خافقي عشقٍ بلا حـدٍ بـلا انطاقـي
حبيبي ياشذى وردٍ يالؤلـؤ ياحجـر مرجـان=فديتك لاتعاتبنـي فـداك اطـوال الاعناقـي
لاني كل مااسمع نهـر جـاري مـن الوديـان=يفيض الدمع في محجر عيونـي وابلـع ارياقـي
اسافر ابتعـد ارحـل اغيـر وجهـت الربـان=وش اللي بستفيد اصلاً مدامي جيت منساقـي
معاناتي بدت من يوم حبيـت اريـش الاعيـان=غمرني ابلطفه اعطاني خفوقـه صـار ترياقـي
سمو القلب توجتك على عرش الغـلا سلطـان=على مر الزمن قلعه لجل عينك حصـن واقـي
حبيبي شاعرك ساقه حنيـن المولـع الضميـان=على تركيبت ابيـاتٍ تبيـن عشـقٍ خفاقـي
فراقك ولع ابصدرٍ يتيـمٍ يطلـب الاحسـان=خذله الوقتِ وايقـن انهـو للماضـي تواقـي
حبيبي والالم اصبـح بداخـل عالمـي بركـان=رجيتك اغفر القلبـاً فعولـه سبـت ارهاقـي
نهاية قصتـي موجـز بداياتـه امـل نسيـان=تهيئ في جسد قلباً واحكـم بالهـواء اغلاقـي
مليكي احكم ابحكمك تذكـر اننـي انسـان=سحرته من هدب عينك ملكته بطيب الاخلاقي
سلامي عد ماهبهب نسيماً حـرك الاغصـان=رفـض انـه يخلينـي اليـن يسقـط الوراقـي
على شخصاً رفض انه يسلم خافـق النسيـان=اليـن الله يفرجـهـا ويربطـنـا بميثـاقـي

معاناتي بدت من يوم حبيـت اريـش الاعيـان =غمرني ابلطفه اعطاني خفوقـه صـار ترياقـي
سمو القلب توجتك على عـرش الغـلا سلطـان=على مر الزمن قلعه لجل عينـك حصـن واقـي

المشاركة الأصلية كتبت بواسطة السيف دايـم (المشاركة 375383) غلا نجد قصيدهـ في غاية الروعه إختيارك لها يدل على ذوقك الشاعري الرفيع صح لسان شاعرها وسلمت يمينك ع النقل

المشاركة الأصلية كتبت بواسطة king (المشاركة 375425) معاناتي بدت من يوم حبيـت اريـش الاعيـان =غمرني ابلطفه اعطاني خفوقـه صـار ترياقـي سمو القلب توجتك على عـرش الغـلا سلطـان=على مر الزمن قلعه لجل عينـك حصـن واقـي ذااائقة مشاعر غير غلااا ولااروووع دمتي

المشاركة الأصلية كتبت بواسطة شافي القويسي المخاريم (المشاركة 375917) يعطيك العافيه غلا نجد على ما قدمتيه صح لسان الشاعر حمد تحيااااااااااااااتي

المشاركة الأصلية كتبت بواسطة محمد الولامين (المشاركة 376629) صح لسان شاعرها ويعطيك العافيه على نقل القصيده الرائعه

المشاركة الأصلية كتبت بواسطة فيصل بن جزاء (المشاركة 379927) غلا نجد جمال الاختيار وجمال الذوق ملازمه لطرحك الراقي

المشاركة الأصلية كتبت بواسطة بنت الشايب (المشاركة 380904) صح لسان الشاعر لاهنتي غلاتي ع النقل المميز دمت بود

المشاركة الأصلية كتبت بواسطة خيال الكحيله (المشاركة 391728) مشكوره على القصيده الحلوة غلا نجد ننتظر جديدك ،،،،،،،،،،،،،وشكرا

المشاركة الأصلية كتبت بواسطة الحبيبي10 (المشاركة 401548) الكلام فيه زايد وناقص بس والله ما تخلين الإبداع والتميز والذوق قصيده في غاية الروعة يا غلا نجد شاعره أكيد ما تجيب إلا شي جزل صح الله لسان الشاعر الهاجري لا هنتي لا هنتي لا هنتي تحياااااااااااااااااااتي