لا يغرك يا لميس الطيش مـن بعـض الشبـاب=من يظن ان بـك حـلا .. مالـه مثيـل بالحـلا
ذي عيون اللي إلى من لاح له طـارف سـراب=فزّ كله كن عقلـه مـن هـاك الحسـن انجـلا
لحلا ماهو ملامـح بـس مـع ضيـق الثيـاب =مع تقمـص دور خـلا مـن نظـر لـك يذهـلا
يالميس انتي جميله .. صح .. لكن ويش جاب=حسنـك لبنـت الخليـج اللـي حلاهـا مفصّـلا
بالمقاس اللـي يخلـي مثلـك وغيـرك تهـاب=خايفـة تدخـل مقـارن مـع جمـال مكـمّـلا
عقـلٍ وثقـلٍ وديـن وشـي يثيـر الانجـذاب=حشمـة مامثلهـا يابنـت فـي كــل الـمـلا
ما مشت درب السفور ولا ارخصت لبس الحجاب=يـوم كـل العـز دحـدر عزهـا فـوق اعتـلا
بنتنـا يابنـت كنـز مـا بـه أي شـي يعـاب=بنتنـا يابنـت كنـز وسـط حـصـن مقـفـلا
من سهـام حاولـت تفتـح لهـا بـاب وبـاب=مـن شياطيـن تمنـى لـو تحصـل مـدخـلا
حاولو نفث السمـوم وقالـو ان هـذا سحـاب=ممطـر يابخـت بنـت مـن سيولـه تغـسـلا
ارسلـو جيـش هدفـه يغيّـر النظـره وخـاب=راح خاسر .. ماقدر ياخـذ مـن البنـت الـولا
هذا هو وصف الجمال ان كان عنك الوصف غاب=اشهد ان مابك حلا .. لو كان لـك سهـم غـلا

هذه القصيده نقلتها لكم لما ارى من بعض الناس طاااااايرين بالممثله التركيه اللي تمثل دور (لميس) وانا من وجهت نظري ان جمالها مايسوى شي لجمال المراءه الخليجيه من جميع الاطراف....