لابار خلان الرخا يابن فراج=مافادني في الناس كثر احتجاجي
بين المعزة والاهانة والاحراج =صيدي غدى في مردمات العجاجي
بين القريب وببين صاحب وهداج=كيف السواة وكيف تكفى خراجي
انا لهم مانيب للكل محتاج=مانجاك من نار اللظى لبس تاجي
لولا بزور حبهم في الحشا لاج=لاسوجها في واسعات الفجاجي
ماهمني حاسد وعاذل وهراج=اللي تسبب للفحول انزعاجي
تباعة الشيطان حقد وتبهراج=سود الوجيه الكاذبة بازدواجي
ياقلب ياللي للهواجيس مسهاج=للناس مايشكي والله يناجي
مايقهر الرجال والهم زناج=الا الوفا في وقت شرب الهماجي
هذا ونا ماهمني كثر من داج=ارفع على دروب المعزة حجاجي
لاشك انا ابغى الماس والمسك والعاج=قبلي زحول القوم شربوا رجاجي
الانسان لو يسكن عمارات وابراج=للموت في قلب النشاما خجاجي
لايخدعك مالك وجاهك والازواج=والعافية والعلم والابتهاجي
ماكل من دش الحرم عد حجاج=وما كل طير فوق الاغصان ساجي
وقت الشقى مافاد به طب وعلاج=ارجي الولي مانيب للخلق راجي
متى على الله يطلع الفجر ينباج=ويصير عقب المعضلات انفراجي
ويصير درب الشوك زل وديباج=ويستر خلان وتكظم نعاجي
يقوله اللي ماتكسر رغم الازعاج=لو زاد حملي والقشر واحتياجي

أبشر بعزك يالغلا وبن فرّاج=مثلك يانادر مايحده سياجي
أبك انت حر مابعد في الفضا داج=يكفخ على الملوّاح يبغى النهاجي
مبرقعينه وسط مخمل من العاج= من طيب جده طيّب الذكر لاجي
على الهدد ضاري على راسه التاج=باج الغداري كلها والفجاجي
ماحتاج في مدحي له الله ماحتاج=الفعل بيّن لو قفته العجاجي
يابري حالي كن في القلب لجلاج=لامن تذكرته تعكر مزاجي
الناهشي نادر على الكبد ثجاج= والله ماغيره من الناس راجي
يبشر ببن فراج ويبشر بفرّاج=عياله عيالي حجاجه حجاجي
الصبر من مبطي مفاتيح الافراج=الياضاقت وضاقت تجي بنفراجي

لولا بزور حبهـم فـي الحشـا لاج=لاسوجها فـي واسعـات الفجاجـي

يبشر ببن فراج ويبشـر بفـرّاج=عياله عيالـي حجاجـه حجاجـي