ياناس بعض السوالف ويش ماجوبه=بعض المطايامزاجي مايناسبها
مانيب ادور من البل كل مجلوبه = يكود وضحا طويل رسم غاربها
واشرط على راعي الناقة ومندوبه= انكان مادلبحت ترجع لصاحبها
لاجا نهار رعى البل حازم ثوبه= مايلتفت بالتوالي وين مضربها
اشري فتاة تحط الحشو لعبوبه= تثعى مريره وغصب عنه يركبها
ان زرفرفلت زرفلن وانرايعت صوبه=قام يترايع تقول انه يراقبها
واتعب لها فالفحل من كل منجوبه=وانشد عن اسراره القصيا وانتبها
اخاف من بكرة تجيلى عقوبه=لا هيب قد البقا ولا بجالبها
وان زاف عشب بعيد ودونه اصعوبه = انوى لها يمة المرباع واجذبها
مع اول البدو لا من وجهوا صوبه= ما اقعدبها في مكان ما يناسبها
هذا اسلوبي وكل انسان واسلوبه= والرابح اللى فروض الدين مقطبها
سالم بن صمهود=.........................................

سالم بن صمهود صح لسانك على هذي القصيده المعبره . والله يبارك لك في حلالك

يسعد لي مساءك أخوي سالم بن صمهود صح السانك و بيض الله و جهك وماقصرت يالقرم على ماخطه يمينك جعلها مايجيها العطب يالقرم.. تقبل مني أرق التحايا و أعذبها من أخوك...

الشاعر الكبير ابوصمهود صح الله لسانك واعتلا شانك على القصيدة الرائعه ، ويابوصمهود ما شاء الله من كثر قصائدك في الوضح رغبتنا في اقتناءها وتربيتها . تقبل تحياتي،،

صح السانك يابوصمهود جزله من راس جزل هـذا اسلوبـي وكـل انسـان واسلـوبـه =والرابح اللـى فـروض الديـن مقطبهـا الله يكثر بيننا من امثالك يالقرم دمت بكل خير

مانيـب ادور مـن البـل كـل مجلوبـه
يكـود وضحـا طويـل رسـم غاربـهـا

صح لسانك ياسالم واعتلا شانك ولاهنت على القصيده الجزله

تحياتي لك...

ابو فيصل مساك شعر جزله وفيها شوباشه يعطيك العافيه تحياتي لك

الشاعر سالم بن صمهود صح لسانك على هذي القصيده المعبره

ابوفيصل صح الله لسانك واعتلا شانك ولاهنت يالقرم وبيض الله وجهك على هذه القصيدة الجزله وننتظر جديدك يالذيب تقبل فائق احترامي

شـــاعرنا الكبير (( سالم بن صمهـــود )) صــح اللسانكـ واعتلا شانكـ وبيض الله وجهكـ على هذه الدرر في أبل العقداء ( الوضح ) والجميع يعرف ان الغييثات يمتلكون الوضح ( طبعا ً بستثناء رجال ٍ عنده غير الوضح ) انت تعرفه اكثر مني ولهذا فلا غرابه ان جد اغلب قصائدك تكون في الوضح او تستخدم الوضح في الوصف وخصوصا ً الذي يستمع الى شريطك يعرف مدى تعصبك للوضح خخخخ أخوك / ابو زيد