باسم من بامره تهب الذاريات = الاله اللي يعلم الخافيات
ربنا جلا وعلافرد صمد فارض = الاركان خمس كاملات
مخرج ذا النون من وسط البحور= ناصر اهل الدين ومذل الطغات
ربنا اللي باعث طه رسول = بلغه قوله بايات بينات
ابتدي نظم القوافي والقصيد = من هجوس في لزومي حاضرات
مستعد اتن اليا جات اللزوم = ما تجيب الا الجزال الوافيات
تترك الواطي وللعلياء تشوم = بالعلوم الطيبة مسترسلات
واتخير في نوادر كل زين = واهرج بالصدق والعلم الثبات
والمثل قد قال في ماضي السنين= وافهمو يا اهل القلوب الغافلات
كل قوم مالهم مجد قديم = ما يسجل في السنين التاليات
واحمد الله مجد ربعي من زمان = ثابت مثل الجبال الراسيات
ما أهرج غير الحقيقة والصحيح = في مديح أهل السلوم المعجزات
الدواسر لابتي نعم الرجال = بالكرم يوم السنين المعسرات
عن كرمهم بينة قصة جريس = اليماني بالسنين الماضيات
والهلالي هو وربعه يوم ضاف = عند ابن بدران راعى الطايلات
ضيفه خمسه وتسعين عداد =من كبار الابل وشاهدها الروات
في الكرم جبنا قليل من كثير = ومعجزات فعول ربعي باقيات
استمعها بالتسلسل يافطين = خل قلبك والأذاني صاغيات
ورعنا اللي ذابح ورع القصير = نذبحه فوقه ولا احسن من الذكات
ويوم اخونا في خوي الدرب خان = ذابحينه عقب ما سقنا الديات
وجارنا ندفع ديته من الجدار = مكرمه ماهو بحكم من القضات
كل هذي للوداعين القروم = بالتوارخ القدام مسطرات
وموتر للشمري علم صحيح = يوم وقف في ديار موحشات
فككوه وحملوه ابناء الرجال = فوق ست من الماتر جاهزات
ثم شالوا حملته زود عليه = والمدافع قاصفه والطايرات
خبرة سنوا لهم سلم جميل = اعتلوا بالمجد روس النايفات
من ودعين وصخابره عزاز = وشكره يثنون عند الجاذيات
والخوي اللي بوسط البير طاح = وانكسر ساقه واماله ضايعات
الخوي اللي معه منا وكاد = دوسري له فعول ساميات
المعيلي للكريم من الكرام = من مصارير يضدون العدات
يوم قلة حيلته ذكا الذلول = وجلدها حطه حبال مبرمات
والتزم بالحبل ثم حول عليه = واخرجه والله اراد له النجات
وسلمنا يحكم علينا ما نبيع = اللحم والماء مع كل الجهات
لو نبيع الماء مع كل اللحوم = جاء علينا من كبار العايبات
والخوي والجار ناسم له عصاه = تمنه وسط الديار الخاليات
ذي عوايد لابتي سقم الحريب = اسسوها من سنين ماضيات
ومن عوايدهم ليا جات الحروب = اليا تعلو فوق قب مكرمات
موريات القدح في صلب الحيود = فوقها اللي ينطحون النايبات
يذبحون الشيخ واللي له نديد =بالبنادق والسيوف المرهفات
في ضحا الهيجا تطيعن الرقاب = لهجمنا والسيوف مجردات
لحربنا نودع الكافر يتوب = نضرب الميدان وتطيع العصات
في زمان الجهل جعله مايعود = الدواسر هم مزبنت الجنات
من تحداهم بساحات القتال = قالوا انا كالجبال الشامخات
مايزعزعنا صياح ولا نذير = ننطح البارود ونصد الرمات
نرد حوض الموت مانبغا الحياة = لاتجلا الستر عن بيض البنات
وان زبنا مجرم جرمه كبير = يامن ويرتاح في نومه سبات
يوم جانا اللي مجنية الشريف = يزهم و غيضه تطيق به اللهات
عقب خوفه عندنا حط الرحال = في حما اللي ينطحون المعظلات
واحتما الميدان واشتد القتال = وارتكينا للجموع القادمات
للجيوش اللي مدافعها ثقال = ونحسبهم بالألوف وبالمئات
ثم صرمناهم كما صرم الزرع = وأقفوا الحيين واللي مات مات
والقبايل في الجزيرة من قديم = بينهم كل الحرايب حاميات
لين وحدنا الملك عبد العزيز = ولملم شملنا عقب الشتات
نصرت العاجز ولطام العنيد = والضواري تحت حكمه طايعات
ونحمد الله صار عقب الخوف امان=وحل وقت العلم والا الجهل فات
تمت وصلو على سيد الأنام =عد ما ترعد مزون ممطرات

المشاركة الأصلية كتبت بواسطة ابواسرارالودعاني (المشاركة 274838) نقل رائع ابن حنيش الودعاني وصح لسان محمد بن باني المخاريم

المشاركة الأصلية كتبت بواسطة أبن زاايد (المشاركة 274840) الله يعطيك العافية يالغالي مشكور وماقصرت وصح لسان الشاعر ابن باني وتمنيت لو كانت في قسم القصائد التي قيلت في الدواسر لاهنت وبيض الله وجهك تقبل تحياتي ومروري اخوك \ أبــــن زاايـــــد

المشاركة الأصلية كتبت بواسطة فرحان فهد ال فرحان (المشاركة 274850) الله يبيض وجهك ووجه وقصيده رائعه مثل ناقلها وقاصدها اخوي وابن عمي فيها اخطاء املائيه وبعض الكلمات التي اخلت بالوزن وهذا من العجله راجعها والله يوفقك الالاه يكتب هكذا الاله واشكرك وتحمل ملاحظاتي

المشاركة الأصلية كتبت بواسطة محمد ال مطيلق (المشاركة 275138) نقل رائع ابن حنيش الودعاني وصح لسان محمد بن باني المخاريم

المشاركة الأصلية كتبت بواسطة الودقطرعاني (المشاركة 275875) يعطيك العافيه وصح لسانك

المشاركة الأصلية كتبت بواسطة ابو زابن المسعري (المشاركة 279547) الله يصح لسان الشاعر ويبيض وجهك وجهه يابن حنيش

المشاركة الأصلية كتبت بواسطة ولد ودعان (المشاركة 280300) بيض الله وجهك يابن حنيش موضوع رائع تشكر عليه

المشاركة الأصلية كتبت بواسطة المهلب (المشاركة 287745) أخوي الكريم/ أبن حنيش ...... تسلم يمينك على النقل الرائع....كعادتك ما تجيب إلا الجزل........وصح لسان الشاعرابن باني .......... وتقبل مروري وتقديري .

الدواسـر لابتـي نعـم الرجـال=بالكرم يـوم السنيـن المعسـرات
عن كرمهم بينـة قصـة جريـس=اليمانـي بالسنـيـن الماضـيـات
والهلالي هو وربعه يـوم ضـاف=عند ابن بدران راعـى الطايـلات
ضيفـه خمسـه وتسعيـن عـداد=من كبار الابل وشاهدها الـروات
في الكرم جبنا قليـل مـن كثيـر=ومعجزات فعول ربعـي باقيـات
استمعهـا بالتسلـسـل يافطـيـن=خل قلبـك والأذانـي صاغيـات
ورعنا اللي ذابـح ورع القصيـر=نذبحه فوقه ولا احسن من الذكات
ويوم اخونا في خوي الدرب خان=ذابحينه عقب مـا سقنـا الديـات
وجارنا ندفع ديتـه مـن الجـدار=مكرمه ماهو بحكم مـن القضـات
كـل هـذي للوداعيـن الـقـروم=بالتـوارخ الـقـدام مسـطـرات
وموتر للشمـري علـم صحيـح=يوم وقف فـي ديـار موحشـات

المشاركة الأصلية كتبت بواسطة نادر فهاد بن نادر (المشاركة 304658) الدواسـر لابتـي نعـم الرجـال=بالكرم يـوم السنيـن المعسـرات عن كرمهم بينـة قصـة جريـس=اليمانـي بالسنـيـن الماضـيـات والهلالي هو وربعه يـوم ضـاف=عند ابن بدران راعـى الطايـلات ضيفـه خمسـه وتسعيـن عـداد=من كبار الابل وشاهدها الـروات في الكرم جبنا قليـل مـن كثيـر=ومعجزات فعول ربعـي باقيـات استمعهـا بالتسلـسـل يافطـيـن=خل قلبـك والأذانـي صاغيـات ورعنا اللي ذابـح ورع القصيـر=نذبحه فوقه ولا احسن من الذكات ويوم اخونا في خوي الدرب خان=ذابحينه عقب مـا سقنـا الديـات وجارنا ندفع ديتـه مـن الجـدار=مكرمه ماهو بحكم مـن القضـات كـل هـذي للوداعيـن الـقـروم=بالتـوارخ الـقـدام مسـطـرات وموتر للشمـري علـم صحيـح=يوم وقف فـي ديـار موحشـات الاخ الغالي ابن حنيش الوداعين تحية معطرة لك شخصياً بيض الله وجهك على النقل المميز وكالمة ووافيه ودائما اخو ابن حنيش تميزك يفرض نفسه فمجرد ما قراء اسم ابن حنيش أعرف ان هناك موضوع جميل يستحق القراء ة والحفظ فكل يوم يمر تفاجئ الجميع بماهو جديد ومشرف تقبل مروري اخوك نادر بن فهاد بن نادر