الدمعة اللي حدّرت في ضحى العيد=من موق عيني والخدود اجرحتها
حاولت أخفّيها عن أهل المناقيد=وخانتني عيون الشقا وذرفتها
كني مع جروح الزمن لي مواعيد=حتى نهار العيد... وش تاليتها !
أحيا الجروح الميتة شمعة الغيد=شبيهة اللي مهجتي مانستها
صغيرة(ن) كنها من الحور وتزيد...=عن غيرها.... كل العيون بهرتها
عرفتها من بين الاطفال بالجيد=الله فرقها بينهم برقبتها
ولاجت تخطى كن فارجولها قيد=ريمية(ن) ذاب العسل فاضحكتها
عيون قرناس(ن) تعوّد على الصيد=وهي تصيد وصيدها بهدبتها
عكش(ن) إلى من سلهمت جات بالعيد=فيها حروف الموت عيني قرتها
قلت: اسمحي سؤال واحد ولا ازيد=عمـّن مكانتها بقلبي بنتها
قالت: (فلانة)؟ قلتنا إي والله أكيد=من غيرها بعد السنين أبعدتها!
بعد أصبحت داري عن اديارها بعيد=كيف الليالي في غيابي قضتها
مدري جنت من حاليات العناقيد=ولا السنين اللي حدتني حدتها
قالت البارح عرسها علّـه سعيد=ياحظها ياسعدها يابختها !
تزوجت... واليوم راحت لمدريد=قبل دقايق مقلعة طايرتها
وقفت كني وسط طابور تجنيد=والرجل عجزت لاتدير احركتها
كنت أرسم الاحلام لبعيد.. لبعيد=وسود الليالي بالفراق ادفنتْها
ياليتني ماجيتنا قاطع البيد=ولانشدت اللي جروحي نكتْـها
راحت ورحت وراس مالي تناهيد=ياحظ دار(ن) شيخة الزين جتها
أنا أشهد إنها جات بالعيد فالعيد=ريمية (ن) كن الشهد فاضحكتْها

المشاركة الأصلية كتبت بواسطة أبونواف الدوسري (المشاركة 257793) صح لسانك أيها الشامخ أخي العزيز نايف وفقك الله وتقبل طاعتك تقبل تقديري وأحترامي

المشاركة الأصلية كتبت بواسطة خميس مطر الغييثي (المشاركة 257824) صح لسانك أيها الشامخ أخي العزيز نايف وفقك الله وتقبل طاعتك تقبل تقديري وأحترامي

المشاركة الأصلية كتبت بواسطة متزن (المشاركة 257843) والله يابن مسرع أنك جبت العيد في قلوبنا ضحى العيد قصيدة مؤلمة إن صح التعبير حسبي الله على ذا المدريدية اللي مالقت تعرس الأ ليلة العيد صح لسانك صح لسانك صح لسانك

صح ألسانك يابن مسرع


وحنا معك الى الأمام

وأنشالله أنت وأنا ناصر فالكم المليون

تقبل جزيل الشكر والتقدير

المشاركة الأصلية كتبت بواسطة ماجد بن رويه (المشاركة 257886) عرفتها من بيـن الاطفـال بالجيـد الله فرقـهـا بينـهـم برقبـتـهـا هكذا الابداع والا فلا اخي نايف ---قمة الاحساس والتصوير صح السانك وصح فكرك وصح كلك دمت بخير

المشاركة الأصلية كتبت بواسطة فيصل بن جزاء (المشاركة 257887) صح السانك ياابومسرع جزله من جزل لاهنت تقديري واحترامي

المشاركة الأصلية كتبت بواسطة الكايده (المشاركة 257921) صح لسانك شاعرنا الكبير نايف ليس جديد عليك الشعر وتمنياتي لك بالنجاح والتوفيق الكايده

المشاركة الأصلية كتبت بواسطة !محتميها! (المشاركة 257972) صح لسانك ياابو مسرع تحياتي

المشاركة الأصلية كتبت بواسطة الشقرديه (المشاركة 257976) صح لسانك شاعرنا الكبير نايف ليس جديد عليك الشعر وتمنياتي لك بالنجاح والتوفيق الشقرديه

المشاركة الأصلية كتبت بواسطة هايف العماني (المشاركة 258145) صح الله لسانك يابومسرع على القصيده الرائعه وان شاء الله تقضي المحروسه اجازه سعيده بمدريد تقبل تحياتي،،

الله يوفقه وحنا الله يوفقنا=في طبع الاجواد كلن يتبع مراده

المشاركة الأصلية كتبت بواسطة بوحمد الحمد (المشاركة 258210) مدري جنت مـن حاليـات العناقيـد ولا السنيـن اللـي حدتنـي حدتهـا قالت البارح عرسهـا علّـه سعيـد ياحظهـا ياسعـدهـا يابختـهـا ! تزوجـت ثـم سافـرت يـم مدريـد قبـل دقايـق مقلـعـة طايرتـهـا وقفت كنـي وسـط طابـور تجنيـد والرجل عجـزت لاتديـر احركتهـا بومسرع صح السسسسسسسانك مليوون ولاهنت علىا القصيده الطيبه تقبل مروري