الصبر زين وكل مطـرود ملحـوق =دام النجـوم العالـيـات بسمـاهـا
ياهاجسي برفـوق لاقلـت برفـوق =ماهيـب لحيـة علهـا ياعسـاهـا
ولاهيب لحية وين غيبـت ياشـوق =ولاهيب لحية مت انا مـن غلاهـا
هجس القصيد يتوق صوبي وانا توق =بسـم الله الرحمـن فـي مبتداهـا
رعادها رعـاد وبروقهـا بـروق =لامن حداها الشاعر اللـي حداهـا
كان القصيده بنت عـزٍ وغرنـوق =حلّيبـهـا حلّيـبـهـا لعنـبـاهـا
لاجاتنـي حطيتهـا داخـل المـوق =والله يحييـهـا ويحـيـي نبـاهـا
لها علي حقوق وانـا لـي حقـوق =ولاّ بلاش امـن القصيـد وبلاهـا
مانيب اعدلها علـى كـل طـاروق =اليـن اجنّنهـا وابـيـح خفـاهـا
الفكر شاشة عرض والقلب صندوق =يعني على ماقيـل بيـر وغطاهـا
ياهل الوثايق جاكم العلـم موثـوق =نصيحـةٍ ياخـذ بهـا مـن قراهـا
ترى النصيحه كان في ساحة السوق =معروف بايعها على مـن شراهـا
لو كل روضٍ به خزامى ورقـروق =محدٍ شكـى الدنيـا ودورة رحاهـا
والمنخنق لا قال مانيـب مخنـوق=تشهد عليـه العيـن لاهـل ماهـا
والحر يخدم دام له وكـر وسبـوق =ولا الحديـا عيبهـا فـي حـدهـا
والرجل فعل وطيب موقف ومنطوق =والمفلس اللـي مايحصـل حداهـا
لاتبدي اسرارك على كـل مخلـوق =الناس ماتدري وش اللـي وراهـا
عليك باللـي طلعهـم دايـمً فـوق =اللي عـن الـزلات تكـرم لحاهـا
خلك عسر وارقى على كل شاهوق =وسلم على اللـي لارقاهـا رقاهـا
واحذر تخاوي من تجرد عن الذوق =اللـي بـزلات اللسـان يتبـاهـا
تلقاه بين الكذب والـزور والبـوق =وباقـي علومـه كلهـا ماخزاهـا
ياعوق يابعض الرجاجيـل ياعـوق =اللـي تثـوّر بندقـه فـي اخباهـا

المشاركة الأصلية كتبت بواسطة مبارك الخييلي (المشاركة 251551) سلمت يمينك لاهنت على هذا النقل تقبلي مروري

المشاركة الأصلية كتبت بواسطة ريميه (المشاركة 251591) الزين ....... جزاك الله خير ........ على قصيدة وصح لسان الشاعـــــــــر سالم بن جخيــــــــــر وتقبلي مروري

المشاركة الأصلية كتبت بواسطة الامبراطـــور (المشاركة 251608) لاهنتي يالزين على هذا النقل الزين

المشاركة الأصلية كتبت بواسطة لين (المشاركة 251624) صح لسان الشاعر وسلمت يد الناقل مشكورة يالزين على حسن أختيارك دمتي بحفظ المولى

المشاركة الأصلية كتبت بواسطة ولد ودعان (المشاركة 251627) لاهنت يالزين على الابيات تحياتي ولد ودعان

المشاركة الأصلية كتبت بواسطة الشقرديه (المشاركة 251898) الزين صح لسااان الشاعر وتسلم يمينك على النقل المميز الشقرديه

لاتبدي اسرارك على كـل مخلـوق =الناس ماتـدري وش اللـي وراهـا
عليـك باللـي طلعهـم دايـمً فـوق =اللـي عـن الـزلات تكـرم لحاهـا

المشاركة الأصلية كتبت بواسطة دوسري مطنوخ (المشاركة 252562) لاتبدي اسرارك على كـل مخلـوق =الناس ماتـدري وش اللـي وراهـا عليـك باللـي طلعهـم دايـمً فـوق =اللـي عـن الـزلات تكـرم لحاهـا صح لسانك ياالزيـــــــــن ... ولسان الشاعر يعطيك العافيه اختي ...ولاهنتي على نقلها تقبلي مروري واحترامي..... مطنــــــــــوخ

المشاركة الأصلية كتبت بواسطة متعبه عسافها (المشاركة 252650) سلمت يدااك لاهنت على هذا النقل تقبلي مروري

المشاركة الأصلية كتبت بواسطة رماد (المشاركة 252662) . . • تسلمـ ايدج ع هذا الأختيـار الجميلـ يعطيجـ الف عافيهـ

المشاركة الأصلية كتبت بواسطة الغاده (المشاركة 252715) انا اشهد ياعوق يا بعض الرجاجيل يا عوق

المشاركة الأصلية كتبت بواسطة ابن حبيان (المشاركة 252845) صح لسان الشاعر سالم بن جخير وتسلم يمينك يا الزين على النقل الطيب وننتضر المزيد من جديدك وتقبلي تحيات ابن حبيان الغييثي

المشاركة الأصلية كتبت بواسطة أبونواف الدوسري (المشاركة 252870) أبنتنا الزين لا هنتي علي هذه القصيده وصح لسان الشاعر سالم بن جخير وفقك الله ورحم والديك

المشاركة الأصلية كتبت بواسطة فيصل بن جزاء (المشاركة 252942) لاهنتي على النقل المميز يابنت العم صح السانك والسان شاعرها تقديري واحترامي فيصل