|
من خذا بنت الشلي جات بفهودي
هذي قصة رجل تزوج ابنة عمه وهم من ابناء طيبين في قومهم وجابت له ولد بعدها طلّقها
لأنها غير جميله وبعد ايام نظر لبنت جميله وتزوجّها وهي بنت رجل ردي وجابت له ثلاثة اولاد,وبعد ماكبروا الاولاد تبيّن ان ولده من بنت عمه اطيّب عياله واشجعهم وعندما نظر ذلك (ندم على بنت عمه)وتهيّض بهذه الابيات\
والله اني خابر اني سبب روحي=من نتخ عينه بيمناه لاعله من خذا بنت الشلي جات بفهودي=ومن خذا بنت الردي جات بالفلّه والقصيده اطول من ذلك ومن يعرف تكملتها يكتبها الله لايهينه تحياتي لكم,,, |
مشرفنا القدير نواف الرجباني قصة جميله وقصيدة أجمل لاهنت وبيض الله وجهك أما تكملة القصيدة فلاأعرفها لك مني جزيل الشكر والعرفان محبك دغش البطي |
الاخ الــشـاعــر نـــــواف الــر جــبــاني قصه وقصيده معبره عن نفسه وبين أن الزين مهوب كل شي. وجعل من ارثك في الجنه يالنشمي. وان شاء الله لاخوان ماقصرون بالنسبه لتكملت القصيده. اخـــــوك / فـــهــــد الغريري,,,, |
|
اخوي الشاعر والمشرف القدير نواف الرجباني بيض الله وجهك علي الا ختيار الموفق قصه معبره
|
|
قصيدة فى محلها لا هنت يا نواف الرجبانى
|
سـلمت يمناك على هالقصه و الابيات ..
|
بارك الله فيك يانواف على القصة والابيات
|
|
والله اني خابر اني سبب روحي من نتخ عينـه بيمنـاه لاعلـه
من خذا بنت الشلي جات بفهودي ومن خذا بنت الردي جات بالفلّه لا هنت وبيض الله وجهك يالرجباني... |
|
للرفع
|
تسلم يالرجباني وجعل عمر طويل علا القصه والقصيده
|
من قال يسلم يابوعبدالعزيز واسعدني مرورك يالقرم
تحياتي لك-- |
ابو شجاع علومك دايم طيبه وبيض الله وجهك وعندي اضافه للقصه بعد اذنك ------------------------------------------------------ انه سوا اختبار لعياله وهو انه سوى عشا اخر الليل يختبرهم وش راح يسون ويختبر شجاعتهم وارسل مرسول لعياله من زوجته الثانيه قالو وش يبي في ذا الليل قال ابوكم يبيكم بامر مهم ويوم جو عنده وقالو وش تبي قال عشا وخير قالوا لبوهم مقومنا من النوم عشان عشا وكلو شوي وعودوا ونامو وارسل لولده من زوجته الاولى مرسول يبي يختبره وقال ابوك يبيك بامر مهم وقال سيفي وشلفاي ومحزمي وانا لبوي ويوم جاء لبوه الا هو محتزم وسيفه معه وشلفاه وهو على ظهر الحصان الاصيل مانزل وقال لبوه العلم وين القوم هم هنا ولا هنا وهو يعتزي قال ابوه ما هنا الا سلامتك مابه الا عشا وخير ويضرب نص الذبيحه بشلفاه ويحملها ويعود صوب امه قال ابوه ليتني صبرت على وجه امك الشين حتا لو جبت ولدن ثاني مثلك اني خابر طيبها وطيب اهلها وهذا والله اعلم وتحياتي لك يابو شجاع |
يامرحبا يابوعبدالله والله لايهينك على ذالاضافه الطيبه المثمره للموضوع
بس ناقصها تكملت القصيده تحياتي لك-- |
اقتباس:
والله لو خابر باقي للقصيده ما ذخرته لكن بحاول اشوف احد من الربوع ان كان يفيدنا فيها وانت خابر طال عمرك اني في ديرتن مابها علوم ولا بها شيبان وعلى العموم بيض الله وجهك على القصه الطيبه وذي عوايدك جعلني ما اخلى منك اخوك ابو عبد الله |
تبقي يابوعبدالله والله لايهينك وترجع لديرتك سالم ان شاء الله
تحياتي لك-- |
الساعة الآن 10:10 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
