السلام عليكم ورحمة الله وبركاته


الابيات هذي قلتها بعد وفاة اخوي الله يرحمه

ويرحم جميع موتى المسلمين

يالله ياللي بيدك الموت ووقوعه=يارب ياخالق الدنيا ومفنيها
اسألك باسمائك اللي منك موضوعه=واسمائك اللي بعلم الغيب تخفيها
تغفر لعبدٍ قليلٍ فالبشر نوعه= وتسكنه جنتك ينعم بما فيها
واسألك تجبر على قلبٍ كثر روعه=وتظهره من همومٍ غارقٍ فيها
وتوسع الصدر لامن ضاقت ضلوعه=وتركد النفس لامن كثر طاريها
وتطمن عيونٍ من النوم ممنوعه=ماترقد الليل تبكي فقد غاليها
واسألك يارب غيري ناس مفجوعه=بالصبر والسلوان يارب تقويها
الموت يارب سنه منك مشروعه=سنتك فالخلق تاخذها وتعطيها
والسود في سنتك بالبيض متبوعه=والعسر لوطال منك اليسر تاليها
العسر جانا وذقنا طعم ينبوعه=راضين والنفس ماتجزع لواليها
نصبر وفينا الرجى وامال مزروعه=من ربنا ننتظر تعديل باقيها
عليه عدل الزمان وعسف طابوعه=وبقدرته نستجيره من بلاويها

المشاركة الأصلية كتبت بواسطة الحر السلام عليكم ورحمة الله وبركاته الابيات هذي قلتها بعد وفاة اخوي الله يرحمه ويرحم جميع موتى المسلمين يالله ياللي بيدك الموت ووقوعه=يارب ياخالق الدنيا ومفنيها اسألك باسمائك اللي منك موضوعه=واسمائك اللي بعلم الغيب تخفيها تغفر لعبدٍ قليلٍ فالبشر نوعه= وتسكنه جنتك ينعم بما فيها واسألك تجبر على قلبٍ كثر روعه=وتظهره من همومٍ غارقٍ فيها وتوسع الصدر لامن ضاقت ضلوعه=وتركد النفس لامن كثر طاريها وتطمن عيونٍ من النوم ممنوعه=ماترقد الليل تبكي فقد غاليها واسألك يارب غيري ناس مفجوعه=بالصبر والسلوان يارب تقويها الموت يارب سنه منك مشروعه=سنتك فالخلق تاخذها وتعطيها والسود في سنتك بالبيض متبوعه=والعسر لوطال منك اليسر تاليها العسر جانا وذقنا طعم ينبوعه=راضين والنفس ماتجزع لواليها نصبر وفينا الرجى وامال مزروعه=من ربنا ننتظر تعديل باقيها عليه عدل الزمان وعسف طابوعه=وبقدرته نستجيره من بلاويها

السلام عليكم ورحمة الله وبركاته


اخوي فهد


جزاك الله الف خير


وصح الله بدنك


ولاهنت

السلام عليكم ورحمة الله وبركاته


اخوي راشد


جزاك الله الف خير


وصح الله بدنك


ولاهنت