لاهنت يابو جزاء على الموضوع المميز كعادتك دائماً



ويعتزون الغرره بــ " الاد الغريري , ابن غرير , خيالة الشرفا وانا ابن غرير "

ويقول الشاعر / ابن هديهد في هية الغرره مع قوم ابن جمعة العجمان




ولك تقديري

الآد الغريري عزوتي مثـل الجبـال=هـم اهـل المراجـل و الجمـالـه
كامليـن والله اللـي لـه الكـمـال=سبحـانـه الله جـــلا جـلالــه

حنا هل الشرفا على ماضي الأزمـان=عزوة سلاطيـن الرجـال الفهـودي
دخيلنـا ينـزل علـى روس الأبيـان=سلمن لنا مـن ماضيـات العهـودي

لاهنت اخوي بوجزاء على طرح هذا الموضوع التاريخي يحكي جزء من تاريخ الجزيرة العريق ، ولاشك ان لكل فخذ من الدواسر صيحه مشهورة وللقبيلة بشكل عام صيحه شامله لهم .

وانا بذكر اللي اعرفه او اللي متأكد منه واتمنى على اهل المعرفة يفيدونا اللي بيعرفون :


من عزاوي الوداعين ( خيال الصفراء ابن ودعان )

عزوة المساعره :

خيال صخاف الشول انا ابن مسعر


وبخصوص عزوة الغياثات : خيال البويضا ابن غياث .


وعزوة آل حسن العامه : خيال الحرشا محسون

ولكل قبيلة منهم عزوته الخاصه :

مثال : الهوامله : خيال الحرشا انا ابن هويمل لا لحقناها وسيقٍ عطفت

الصخابره : سقم الحريب انا بن صخبور

آل عمّار : خيال الجدعا العميري

خيال جرد الرقاب وأنا ابن بدران

خيال جرد الرقاب وأنا أبن زايد

يقول الفارس ناصر المبيعيج رحمه الله ..

ياسدرة المغنى اللي على مشرع الصفا=فـي جـال مخضرجنـاب( قـرون)
بنشدك ماشفتي هل الجـود والصخـا=اللـي لهـم كـود الأمـور تـهـون
شدوا وخلونـي أجـاذب هضايمـي=تحملت مـن كثـر الغبـون أغبـون
ونيـت ونـات تحطـم لهـا الحشـا=وهلـت غزيـرات الدمـوع عيـون
أقفو وأنا عينـي تخايـل أضعونهـم=ضعايـن قفّـت تـلتهـا أضـعـون
اقفوا هل الشيمـات يـادار وانتحـوا=الى وين يـا وادي قـرون يبـون؟
اقفـو كمـا نـوٍ حقـوقٍ مخايـلـه=وبلـه وبـرقـه للـعـدات مـنـون
مـع البيـدا تـبـارى اضعونـهـم=يقـودون طوعـات الرقـاب بهـون
يتلون نزال الخطـر مرهـب العـدى=عامـر لصعبـات الأمـور زبــون
خالـي ولا غيـره عزيـز رجيـتـه=أرجيـه رجـو الممحليـن قــرون
ان صـاح صيـاح نذيـر لقيتـهـم=على سروج طوعات المهـار يجـون
((ترعى بهم جـرد الرقـاب وتنثنـي=ولهـا صهيـل المرهفـات ألحـون))
لاكن خرير الدم من ضـرب شلفهـم=كما ناضح الما مـن عيـون شنـون

ويقول الفارس المشهور رميزان بن غشـــام التميمي أمير بني تميم بنجد

المقتول قبل ثلاثمائة وخمسون سنه تقريباً من قصيده له يمدح بها

آل خميس بن عامر من البدارين بعد فزعتهم له بأحدى حروبه مع أعداءه ..

وهي أطول من ذلك مع تحفظّي على وزن بعض الأبيات

والخطاء من النقل والقصيده (موجوده في منتدى بني تميم )..

جزا الله بالحسنـى رجـال شـدت لنـا=روات المساعـي بتنـا فـي نشيدهـا
بداريـن مــن روس لابــة خميسية= في عامرٍ في زايدٍ عن يزيدها
جـزال العطـايـا لـمـن يستحقـهـا=جـرد السبايـا ونـص مـن زهيدهـا
قبيلـة يـا جبـر أوي والله قبيـلـة=بمصـادم الأفــات لـمـن يريـدهـا
((هم درعنا الضافي من يمة العـدا=ألى أعتزوا ابدران ماشن يكيدها))
من لامني فيهم يبـلا بشرهـم=يردون كمـا تـرد الضوامـي عديدهـا
يعطون المجورة يا جبر إلا جار بالوفـا=يزيـدون فـوق الهقـاوي مزيـدهـا
نعم بهم يا جبر علـى الطيـب والنقـا=اسود عند الملاحم والمعـارك تجيدهـا
ومبـارز للحـرب يتـعـب قبيلـهـم=كـم نزلتـن خلـوا عمدهـا بديـدهـا
ربـع إلا جـار العـدو زاد جـورهـم=بمذلقاتـن ياحد صـافـي حديـدهـا
لهم هدة ماقيل ابـا زيـد هدهـا=كم فارس تقصر هقوته عن ما يريدهـا
عاداتهم يا جبر مـن دون حدودهـم=خـوض المنايـا والمعـارك عيـدهـا
صبح سبيع عـامر بالخيـل والنضـا=إلـى حضرهـا مالـك الله يعـيدهـا

وبيت من قصيده لاتحضرني لأحد السهول في أحدى الهيات بينهم وبين البدارين ..

أعتزينا وأعتزوا بالزايديه=عودهم ياجعل ماللعود والي

ويقول محمد بن عبّاد من العواسجة البدارين في بيت من أحدى قصائده..

سلّم على لابتي نطاّحة الهيه=لاجا اللقا تعتزي بالآد بدراني