::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)
-   -   ((بيض الله وجه جلهم والشرافي )) القصة موضحة .. (http://alduwaser.org/vb/showthread.php?t=16155)

عبدالرحمن الشرافي 29-06-2007 07:18 AM

((بيض الله وجه جلهم والشرافي )) القصة موضحة ..
 
اخواني الكرام ,,


السلام عليكم ورحمة الله وبركاته ..


انقل اليكم هذه السالفه اللي تناقلتها المنتديات بطريقة غير صحيحه

والتي جرت على / حسن بن سويد ال منصًر الشرافي.. وهو حي يرزق الا يومنا هذا

وهي كالتالي:

كان حسن بن سويد الشرافي وهو صغير في السن بعمر 17 سنه وكان معه و دعاني يدعى جلهم الودعاني ومعه واحد من المساعره يدعى ماجد وكان جلهم فوق الونيت بالرشاش وماجد المسعري تحت في الغماره مع الشرافي وكان حسن بن سويّد هو اللي يسوق الونيت وكانوا في دورية على الحدود وللأطلاع على القواة اليمنيه وكانوا على حذر من المدفعيه ومن الدبابات الحربية اليمنيه وكان المسعري يقول له (( انتفضت رجلك يالشرافي)) من باب المداعبه ولكن هذه المداعبه حزت في خاطر حسن بن سوّيد وكان لها وقع كبير عليه (( خصوصاً انه صغير سن وكان متحمس )) ولكن حسن بن سويّد لم يرد عليه وكان ملتزم الصمت طول الطريق .. و وصلوا للمعسكر وقت النوم .. ومن شدة اثر كلمة المسعري على الشرافي ... لما ينم حسن بن سويّد في ذالك اليوم ..

فجاء اليوم الثاني وطلعو دوريه وكان حسن الشرافي هو من يسوق ولما رأى المدرعه اليمنيه نصاها (( وكانت عمليته هذه بمثابة انتحار )) فصاح المسعري والودعاني لا لا تروح لها قال الى بنشوف منهو الذليل وراح لين دعم المدرعه وسدوا شكمانها من ورى ودخلوا على الظابط واسروه هو ومن معه من جنود..


وقال الشاعر/ عبدالله بن نيف هذه الابيات (( وهذا ما قدرت القاه منها وانشاء الله ابحث عن البقيه ))


بيض الله وجه جلهم والشرافي=المصفح بالونيت ايصادمونـه
وماجد اللي حاضر فعل يشافي=يوم طال الهوش قامو يزهمونه




وهذا ما أردت أوضحه ...




وتقبلوا فائق التحية والتقدير

أخوكم / عبدالرحمن بن سالم ال سودان الشرافي

فيصل بن جزاء 29-06-2007 05:59 PM

رد: ((بيض الله وجه جلهم والشرافي )) القصة موضحة ..
 
وبيض الله وجهك ياعبدالرحمن الشرافي على ذاالسالفه اللي ترفع الراس

تقبل خالص التقدير والاحترام

أبو سعود الودعاني 29-06-2007 09:08 PM

رد: ((بيض الله وجه جلهم والشرافي )) القصة موضحة ..
 
لاهنت يالشرافي على هذا النقل


تم ذكر اسم جلهم في القصيده


وفي السرد قبل القصيده ذكرت معهم ودعاني

واتضح ان هذا الودعاني هوا الشيخ جلهم بن ابراهيم ال محمد



واعتقد انه ماجد البذي تم ذكره ايضاً في الابيات


هو الشيخ ماجد بن رويه ال محمد الوداعين


ومن دون قصور في الباقين لايجب ان نمر عليهم مرور الكرام

بقولنا معه ودعاني وكان هذا الودعاني مجهول

بل كان معهم شيخين من شيوخ الوداعين

فيجب علينا ان ننزل الرجال منازلها


اخي الغالي الكريم

الشرافي ليس بغريب على رجال الدواسر

مناطح الموت والاقدام على رفعة الراس

وتقبل خالص ودي وتقديري

أبونواف الدوسري 29-06-2007 10:37 PM

رد: ((بيض الله وجه جلهم والشرافي )) القصة موضحة ..
 
الأخ عبد الرحمن الشرافي

بيض الله وجهك على هذه القصه اللي ترفع الراس .

تقبل خالص التقدير والاحترام

أخوك أبو نواف الدوسري

سالم بن محمد الشرافي 29-06-2007 10:44 PM

رد: ((بيض الله وجه جلهم والشرافي )) القصة موضحة ..
 
اخوي عبدالرحمن بيض الله وجهك على هالتصحيح وفعلا انا قراتها بس ماقصرت ياابو سالم سبقتنا في تصحيحها تقبل كل الود والاحترام

سالم بن صادره

ولد ودعان 30-06-2007 12:21 AM

رد: ((بيض الله وجه جلهم والشرافي )) القصة موضحة ..
 
ببض الله وجهك على الموضوع الطيب

ومداعبة المسعري جاية نتيجه

تحياتي

خالد الحقباني 30-06-2007 04:29 PM

رد: ((بيض الله وجه جلهم والشرافي )) القصة موضحة ..
 
مشكور على التوضيح..وماهيب غريبه

عبدالرحمن الشرافي 30-06-2007 11:23 PM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة أبو سعود الودعاني (المشاركة 178298)
لاهنت يالشرافي على هذا النقل


تم ذكر اسم جلهم في القصيده


وفي السرد قبل القصيده ذكرت معهم ودعاني

واتضح ان هذا الودعاني هوا الشيخ جلهم بن ابراهيم ال محمد



واعتقد انه ماجد البذي تم ذكره ايضاً في الابيات


هو الشيخ ماجد بن رويه ال محمد الوداعين


ومن دون قصور في الباقين لايجب ان نمر عليهم مرور الكرام

بقولنا معه ودعاني وكان هذا الودعاني مجهول

بل كان معهم شيخين من شيوخ الوداعين

فيجب علينا ان ننزل الرجال منازلها


اخي الغالي الكريم

الشرافي ليس بغريب على رجال الدواسر

مناطح الموت والاقدام على رفعة الراس

وتقبل خالص ودي وتقديري

ولا انت يالقرم

ومشكوووور على مرورك المشرف


وبالنسبة لأسماء اللي كانوا مع حسن بن سويد

ما عندي خبر اكيد بهم

لكن بأستفسر عن الموضوع اكثر واكثر

وبنشوف اراء الاخوان فالموضوع

ان كانهم اكدوا الأسماء بنعدل فالموضوع




تحياتي

ابو زابن المسعري 01-07-2007 01:08 AM

رد: ((بيض الله وجه جلهم والشرافي )) القصة موضحة ..
 
كفووووووووووووووووو

في ذمتي عزالله انه داس الخطر

اشهد ان به رجال

لاهنت يابوسالم

هاني الشرافي 02-07-2007 12:55 PM

رد: ((بيض الله وجه جلهم والشرافي )) القصة موضحة ..
 
بارك الله فيك يا عبد الرحمن أهديك سلامي من فلسطين الرجاع ارسال هاتفك على البريد الألكتروني الخاص بي . أخوك هاني

أبوعبدالله الحقباني 02-07-2007 02:46 PM

رد: ((بيض الله وجه جلهم والشرافي )) القصة موضحة ..
 
والله قصة حلوة ويعجبك ولد العم الشرافي عز الله انه رجال وعلومه غانمه
بس الله يهديه بذا الامور حرب مافيها مزح اخاف المرة الثانيه ان سواها تلحقهم رصاص عيار 70 هههههههه
ولاهنت عبدالرحمن الشرافي

العماني 04-07-2007 09:22 AM

رد: ((بيض الله وجه جلهم والشرافي )) القصة موضحة ..
 
ونعم والله بالشرافي وهذا سوايا العرب الأصيلين يدمح زلة ابن عمه اذا اخطا عليه بكلمه ويحاول يكتمها وتصحيحها بالفعل كما فعل الشرافي

وشكرا لك اخوي بوسالم وماقصرت

تقبل تحياتي،،

هاني الشرافي 05-07-2007 01:15 PM

رد: ((بيض الله وجه جلهم والشرافي )) القصة موضحة ..
 
تمادى الحب في عيوني يحلي
هوى الأشراف والدواسر تملي
يا ربع العزوالنخوة و يلي
بريق سيوفكم رد الأغراب
سألني الشوق برموشو و قلي
لوين الحب يا هاني تولي
لا و اللي جمل الدنيا لا و اللي
نسيم دياركم يشفي العذاب

هاني الشرافي 05-07-2007 01:19 PM

رد: ((بيض الله وجه جلهم والشرافي )) القصة موضحة ..
 
تمادى الحب في عيوني يحلي
هوى الأشراف والدواسر تملي
يا ربع العزوالنخوة و يلي
بريق سيوفكم رد الأغراب
سألني الشوق برموشو و قلي
لوين الحب يا هاني تولي
لا و اللي جمل الدنيا لا و اللي
نسيم دياركم يشفي العذاب

هاني الشرافي 05-07-2007 01:28 PM

رد: ((بيض الله وجه جلهم والشرافي )) القصة موضحة ..
 
حنا الدواسر حنا سيوووف المرجله
خيل الرزايا محينه و ارماحنا متبلله
حنا الدواسر حنا سيوووف المرجله

سالم بن محمد الشرافي 05-07-2007 07:11 PM

رد: ((بيض الله وجه جلهم والشرافي )) القصة موضحة ..
 
اقول هاني حيااك الله معنا بس ووينك ياعبدالرحمن الشرافي رد على الرجال

عبدالرحمن الشرافي 16-07-2007 06:19 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة فيصل بن جزاء (المشاركة 178264)
وبيض الله وجهك ياعبدالرحمن الشرافي على ذاالسالفه اللي ترفع الراس

تقبل خالص التقدير والاحترام

وجهك ابيض ولاهنت على المرور


تحياتي

عبدالرحمن الشرافي 16-07-2007 06:20 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة أبونواف الدوسري (المشاركة 178336)
الأخ عبد الرحمن الشرافي

بيض الله وجهك على هذه القصه اللي ترفع الراس .

تقبل خالص التقدير والاحترام

أخوك أبو نواف الدوسري


وجهك ابيض

ومرورك شرف لي نفداك


تحياتي

عبدالرحمن الشرافي 16-07-2007 06:20 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة سالم بن صادره (المشاركة 178341)
اخوي عبدالرحمن بيض الله وجهك على هالتصحيح وفعلا انا قراتها بس ماقصرت ياابو سالم سبقتنا في تصحيحها تقبل كل الود والاحترام

سالم بن صادره

لا شكر على واجب


ومشكوووور على المرور الراقي

تحياتي

عبدالرحمن الشرافي 16-07-2007 06:21 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة ولد ودعان (المشاركة 178361)
ببض الله وجهك على الموضوع الطيب

ومداعبة المسعري جاية نتيجه

تحياتي

مرورك شرف لموضوعي


لاهنت على مرورك


تحياتي

عبدالرحمن الشرافي 25-07-2007 01:56 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة سالم بن صادره (المشاركة 180746)
اقول هاني حيااك الله معنا بس ووينك ياعبدالرحمن الشرافي رد على الرجال

موجود وتم التواصل معه


لاهنت على المتابعه

عبدالله أبن مصلح 25-07-2007 02:53 AM

رد: ((بيض الله وجه جلهم والشرافي )) القصة موضحة ..
 

ابن العم/ عبدالرحمن بن سالم ال سودان الشرافي

بيض الله وجهك على السالفه والقصيده


بيض الله وجه جلهم والشرافي
ــــــــــــــــــــ المصفح بالونيت ايصادمونـه
وماجد اللي حاضر فعل يشافي
ـــــــــــــــــــ يوم طال الهوش قامو يزهمونه


كفو كفو ويحرون بها بنى عمنا

<<<< الشرافي>>>> 25-07-2007 04:32 AM

رد: ((بيض الله وجه جلهم والشرافي )) القصة موضحة ..
 
تسلم يا القرم على النقل وبيض الله وجهك

عبدالرحمن الشرافي 07-08-2007 01:26 PM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة عبدالله الخييلات (المشاركة 188427)

ابن العم/ عبدالرحمن بن سالم ال سودان الشرافي

بيض الله وجهك على السالفه والقصيده


بيض الله وجه جلهم والشرافي
ــــــــــــــــــــ المصفح بالونيت ايصادمونـه
وماجد اللي حاضر فعل يشافي
ـــــــــــــــــــ يوم طال الهوش قامو يزهمونه


كفو كفو ويحرون بها بنى عمنا


وجهك ابيض


والله يعطيك العافية على هذا الكلام الطيب

اللي يدل على طيب راسك يالقرم


تحياتي

حمد آل مشعي 07-08-2007 02:54 PM

رد: ((بيض الله وجه جلهم والشرافي )) القصة موضحة ..
 
الله يعطيك العافيه يالقرم على القصة والقصيده

ابو زابن المسعري 05-09-2007 12:10 AM

رد: ((بيض الله وجه جلهم والشرافي )) القصة موضحة ..
 
الاخ العزيز ابو سالم
رواها لي شايب من الجماعه بنفس روايتك
وزود على القصيده بيت


بيض الله وجه جلهم والشرافي=المصفح بالونيت ايصادمونـه
وماجد اللي حاضر فعله يشافي=يوم طال الهوش قامو يزهمونه
بد عقب الضيق ياتن العوافي=ثم يصير المدح للي يكسبونه

ولد عبدالرحمن 05-09-2007 08:18 AM

رد: ((بيض الله وجه جلهم والشرافي )) القصة موضحة ..
 
الأخ عبد الرحمن الشرافي....


يعطيك الف الف عافيه


ولد عبدالرحمن

ماجد بن رويه 13-09-2007 11:31 PM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة عبدالرحمن الشرافي (المشاركة 178651)
ولا انت يالقرم

ومشكوووور على مرورك المشرف


وبالنسبة لأسماء اللي كانوا مع حسن بن سويد

ما عندي خبر اكيد بهم

لكن بأستفسر عن الموضوع اكثر واكثر

وبنشوف اراء الاخوان فالموضوع



ان كانهم اكدوا الأسماء بنعدل فالموضوع




تحياتي

بيض الله وجه جلهم والشرافي =المصفح بالونيت ايصادمونـه
وماجد اللي حاضر فعله يشافي=يوم طال الهوش قامو يزهمونه
بد عقب الضيق ياتن العوافـي =ثم يصير المدح للي يكسبونـه



الاخ العزيز عبدالرحمن الشرافي


اشكرك جزيل الشكر على الابيات


ونعم بحسن بن سويد الشرافي -والشرافي قرم مع قروم


للتوضيح ماجد وجلهم المذكورين بالقصيده


راجياً من المولى سبحانه ان يغفر لهم ويسكنهم فسيح جناته



هما

الشيخ ماجد بن محمد بن رويه الوداعين

الشيخ جلهم بن حمد ال طينان الوداعين



تقبل تحياتي

ماجد بن رويه 14-09-2007 03:16 PM

رد: ((بيض الله وجه جلهم والشرافي )) القصة موضحة ..
 
اخي عبدالرحمن الله يصلحنا وياك

عدت مره اخرى بعد ان لفت نظري هذا البيت --ماجد اللي حاضر فعل يشافي


البيت الحقيقي

و ماجد اللي حاضر ٍفعله يشافي=يوم طال الهوش قامو يزهمونه



وليس كما ذكرت اعلاه



ولسنا بأعلم من شاعر القصيده --عبدالله بن نيف والذي زوج
الامير ماجد بن محمد بن رويه --الله يرحمه
وحده من بناته لو لا فعل يمناه



بد عقب الضيق ياتن العوافـي =ثم يصير المدح للي يكسبونـه





وانتبه ونااخوك فانما يجر الناس يوم القيامه على وجوههم من حصائد السنتهم



ااامل ان تصحح اخطاءك--وان تترك اي طريقة سرد فيها اساءه للغير



اللهم ابعد عني وعن اخي عبدالرحمن الغرور والكبر وان لاتأخذنا العزة بالاثم



امين يارب العالمين



اخي ابوزابن المسعري
---لاهنت يالمسعري وبيض الله وجهك على نقل الابيات بدون اخطاء



ماجد بن رويه 21-09-2007 09:09 AM

رد: ((بيض الله وجه جلهم والشرافي )) القصة موضحة ..
 
الاخ عبدالرحمن الشرافي


اعدك انها الاخيره التي اعقب فيها على

موضوعك هذا --فيعلم الله اني احاول قدر الامكان

ان انأى بنفسي عن مثل هذه المواضيع --ولكنك وعدت في رد سابق لك على احد الاعضاء ان تصحح

ان كان هناك خطأولم تفعل --واخذتك النشوه لمن اثنى على موضوعك




وهذامحل تساؤل عن اسباب طرحك للموضوع--في الاصل--

ويعطي اشاره لكل حصيف --ان يستنتج ان التحريف

الذي حصل في البيت الشعري والذي أأمل ان يكون من قلمك وليس من قلبك

وايضا في الاسم--ونسبته الى واحد يدعى ماجد يقال انه مسعري

---مع اعتزازنا وفخرنا بابنا عمنا المساعره

المقصود به هو شخص الامير ماجد بن محمد بن رويه رحمه الله



لاتجيني تقول والله ماادري----كان سألت الله يصلحك قبل ماتكتب خرابيطك ؟؟؟؟





انا لم اقل هذا الاّ بعد اطلاعي على الردود ومن ضمنها رد اخ كريم هو ابوسعود الودعاني والذي نبهك

لما زل قلمك عنه



انا لا اعلم سبب لذلك فلو آليت على نفسك قليلاً لمعرفة سيرته رحمه الله لربما احببته اكثر مني
وان كان هناك خلفيه لكلمة الامير ماجدبن رويه عندما قال للشرافي (وراك انتفظت رجلك يالشرافي)
فالمقصود منها تحفيزه وليس العكس بحكم ان الشرافي وقتها صغير سن



كما---استغرب من عدم ردك للان وانت مراقب اومشرف في المنتدى--ويفترض فيك التواجدوالمتابعه

تأكد اخي الكريم عبدالرحمن الشرافي ان صدري فيه من الرحابه ماسيتسع ان شاالله لما ستقول


تقبل تحياتي

فهدالمحيسن 22-09-2007 04:27 PM

رد: ((بيض الله وجه جلهم والشرافي )) القصة موضحة ..
 
الله يعطيك عافية
مجهود طيب تشكر عليه
نسال الله لك التوفيق والنجاح

ابن محمد الودعاني 23-09-2007 02:53 AM

رد: ((بيض الله وجه جلهم والشرافي )) القصة موضحة ..
 
بيض الله وجهك يابو سالم على سوالف وعلوم بني عمنا اللي اشهر من نار على علم والله يرحم موتاهم جميع ويسكنهم فسيح جناته

ابو زابن المسعري 23-09-2007 03:41 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة ماجد بن رويه (المشاركة 212766)
ا



لاتجيني تقول والله ماادري----كان سألت الله يصلحك قبل ماتكتب خرابيطك ؟؟؟؟


الاخ العزيز والشاعر القدير ماجد ابن رويه

الرجال يدون قصيد وتاريخ بني عمه وتقول خرابيط

خرابيط عشانه قايل ان ماجد مسعري

يارجال مسعري والا ودعاني

طولة بني عمي طوله لي

والامير ماجد ابن رويه رحمه الله معروف ومشهور

والسالفه هذي ماتزود طيبه وشجاعته

من كثر بطولاته وافعاله الطيبه مع بني عمه ومع الاجناب


وبعدين عبدالرحمن الشرافي ماقال لا ليس ماجد ابن رويه

ولكن يقول سوف اتأكد

اعذرني على المداخله وبيض الله وجهك

ماجد بن رويه 23-09-2007 06:39 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة ابو زابن المسعري (المشاركة 213823)
الاخ العزيز والشاعر القدير ماجد ابن رويه

الرجال يدون قصيد وتاريخ بني عمه وتقول خرابيط

خرابيط عشانه قايل ان ماجد مسعري

يارجال مسعري والا ودعاني

طولة بني عمي طوله لي

والامير ماجد ابن رويه رحمه الله معروف ومشهور

والسالفه هذي ماتزود طيبه وشجاعته

من كثر بطولاته وافعاله الطيبه مع بني عمه ومع الاجناب


وبعدين عبدالرحمن الشرافي ماقال لا ليس ماجد ابن رويه

ولكن يقول سوف اتأكد

اعذرني على المداخله وبيض الله وجهك


اخي وابن عمي ابوزابن المسعري


عذرك مقبول جعل عمرك يطول


ولابه الاّ الزين



الموضوع فقط حول قصه معروفه للجميع والاخ عبدالرحمن الشرافي لم يسردها بالشكل الصحيح

ولم نقل مانقلنا الاّ بعد ان تجاهل الاخ عبدالرحمن ردنا الاول والثاني

ولم يأتي مشرف آخر اذا كان الاخ عبدالرحمن مشغول ياخذ ويعطي معنا

فلا والله المساعره وافعالهم اللي تطوّل الوجه في حاجة فزعه من الاخ عبدالرحمن الشرافي من شان ينسب لهم شيٍ مهوب لهم

ولاحنا براضين نشوف شي ٍ خابرينه ونتغاضى عنه

ومثل ماقلت طولة ابن عمي طولتن لي ---ولابه فرق بينا الجد واحد والتاريخ واحد



تقبل تحياتي

أبو سعود الودعاني 26-09-2007 11:53 AM

رد: ((بيض الله وجه جلهم والشرافي )) القصة موضحة ..
 
بسم الله الرحمن الرحيم

الاخوة الاعزاء

السلام عليكم ورحمة الله وبركاته

نحن هنا في صدد توضيح الحقائق للتاريخ

ومن لديه في اي موضوع توضيح او زياده مثبته

فلا يبخل على الجميع وذلك للأستفاده والتنوير

وعلى ماقلتوا طولة بني عمي طولةٍ لي

المقصد هنا طرح الحقائق وليس بخطاء ان يسرد ايً منا

سالفه ويكون فيها بعض النقص او الاخطاء

ويئتي من يوضح او يعدل فلم يخلق الانسان عالم

وليس بخطاء ان يتحقق صاحب القصه ويتابع التأكيد

فنحن هنا اخوه نكمل بعضنا لبعض

سلمتوا جميعا وتقبلوا خالص ودي

عبدالرحمن الشرافي 26-09-2007 04:52 PM

رد: ((بيض الله وجه جلهم والشرافي )) القصة موضحة ..
 
اولاً:

أعتذر عن الاخوة الكرام عن انقطاعي لفترة طويلة عن المنتدى ..

ثانياً:

ماجد بن روية ..

كنت اتمنى بما أنك من عائلة كريمة ولها عندنا قدر ومعزة

ان يكون اسلوبك أفضل و أحسن خلقً من ردك الاول .


ولكن اللي احب أوضح لك أن ما جعلوا الادارة فيه ردود على المواضيع لكي

يتبادل الاعضاء الأتهامات وكلام فاضي ..

بل جعلت الردود لكي يتم تصحيح ما يجهله أي شخص بأسلوب راقي و أخوي


وشكراً

ماجد بن رويه 27-09-2007 04:24 PM

رد: ((بيض الله وجه جلهم والشرافي )) القصة موضحة ..
 
الاخلاق خلها على جنب الله يصلحك مابعدوصلناها


اللهم اني صائم

يحيى الودعاني 27-09-2007 05:53 PM

رد: ((بيض الله وجه جلهم والشرافي )) القصة موضحة ..
 
لاهنت وبيض الله وجهك


كفو و الله

عبدالرحمن الشرافي 30-09-2007 01:52 AM

رد: ((بيض الله وجه جلهم والشرافي )) القصة موضحة ..
 
اقتباس:

المشاركة الأصلية كتبت بواسطة ماجد بن رويه (المشاركة 216780)
الاخلاق خلها على جنب الله يصلحك مابعدوصلناها


اللهم اني صائم


الاعتراف بالحق فضيلة

تقبل الله صومك

ماجد بن رويه 01-10-2007 05:59 PM

رد: ((بيض الله وجه جلهم والشرافي )) القصة موضحة ..
 
كلامي بعد هوالاخر -- ماسلم من التحريف

زبدة الهرج

القصه معروفه والشيخين هم الامير ماجد بن محمد بن رويه الوداعين
والشيخ جلهم بن حمد بن ال طينان الوداعين

ومعهم حسن بن سويدالشرافي


الله يقبل صيامنا وصيامك


الساعة الآن 10:45 AM

Powered by vBulletin® Copyright ©2000 - 2025, Jelsoft Enterprises Ltd.
---