يابنت قولي وش عـلامــك تنوحين = وش السبب يابنت وش ذالــــكلاما
يكفي صياح وعلّمـي وش تعانين =ودي أعرف السالفــة بالــتـــمــامـا

ياهوه أنا جرحي ترى زاد جرحين=غيري قرير العين وانـــا ما اناما
زودن على جرح العدو و المعادين =جرح القرايب والأهـــل والعماما

قولي عطيني زود بعض البراهين = السالفة مازال فيــــــها غـمـامــــا
أنتي من أنتي عجّلــي من تكونين = أبغا كلامن واضـــــــح للأنامــــــــا

حاضر وما تبغا على الراس والعين= افهم كلام اللي جفاها الـمــنامــــــا
باعطيك علمن واضح واسمعه زين= وقل للمسلمين اليوم منـــي مـلاما
أنا "عراق العز" دار السلاطيـن = دار الخلافة والرجال النشـــــــامــا
دار الرجال اللي تهز الميادين= أسود حربن فاللقا ما تضــــــــــامــا
دار الحضارة والرجال الشريفين =خذوا من التاريخ فــخــــــر ووساما
هذا زمان أول ولاهوب ذلحيـــن = في ذالزمن جتنــــــي مصايب عظاما
أنا أسيرة عند الأعدا اللدوديــن = غـزونــي العــــــــدوان والله حـرامــا
جابــو عساكرهم من يسار ويمين= دكـّوا المبـاني لين صــــارت هداما
الشيخ يقتل والمرة والبزاريـــن = حتى المزارع حولوهــا عدامــــــــا
حربـن على الإسلام وايضا على الدين= غـزون صليبي كالحروب القداما
مليـار مسلم دايم الدوم لاهيــــن = كلـــّن ورى الدنيــا يزيــــد اهتمامــا
ولا ضاعت الغيــرة من الربع الأدنين= على ربوعي والقرايــب سلامــــا

المشاركة الأصلية كتبت بواسطة راشد المسعري (المشاركة 151607) أبيات ( من الأرشيف)عساها تحوز على رضى المتذوقين قلتها في ليلةٍ من الليالي قبل وقت النوم وأنا مستغرق بالتفكير ، بعد أن خيّل لي أن فتاه تبكي وسمعت صراخها فقلت لها:- يابنت قولي وش عـلامــك تنوحين = وش السبب يابنت وش ذالــــكلاما يكفي صياح وعلّمـي وش تعانين =ودي أعرف السالفــة بالــتـــمــامـا فقالت: ياهوه أنا جرحي ترى زاد جرحين=غيري قرير العين وانـــا ما اناما زودن على جرح العدو و المعادين =جرح القرايب والأهـــل والعماما فقلت: قولي عطيني زود بعض البراهين = السالفة مازال فيــــــها غـمـامــــا أنتي من أنتي عجّلــي من تكونين = أبغا كلامن واضـــــــح للأنامــــــــا وأخيراً قالت: حاضر وما تبغا على الراس والعين= افهم كلام اللي جفاها الـمــنامــــــا باعطيك علمن واضح واسمعه زين= وقل للمسلمين اليوم منـــي مـلاما أنا "عراق العز" دار السلاطيـن = دار الخلافة والرجال النشـــــــامــا دار الرجال اللي تهز الميادين= أسود حربن فاللقا ما تضــــــــــامــا دار الحضارة والرجال الشريفين =خذوا من التاريخ فــخــــــر ووساما هذا زمان أول ولاهوب ذلحيـــن = في ذالزمن جتنــــــي مصايب عظاما أنا أسيرة عند الأعدا اللدوديــن = غـزونــي العــــــــدوان والله حـرامــا جابــو عساكرهم من يسار ويمين= دكـّوا المبـاني لين صــــارت هداما الشيخ يقتل والمرة والبزاريـــن = حتى المزارع حولوهــا عدامــــــــا حربـن على الإسلام وايضا على الدين= غـزون صليبي كالحروب القداما مليـار مسلم دايم الدوم لاهيــــن = كلـــّن ورى الدنيــا يزيــــد اهتمامــا ولا ضاعت الغيــرة من الربع الأدنين= على ربوعي والقرايــب سلامــــا وسلامتكم ،،،

المشاركة الأصلية كتبت بواسطة عبدالله بن عريمة (المشاركة 151672) اررحب يابو عبد المحسن وصح لسانك ملايين وبيض الله وجهك على هذه القصيدة الجزلة والمعبرة ... والحقيقة طريقتك في الردية بينك وبين هذة المفجوعة في بداية القصيدة رائعة جدا وهذا يدل على فكرك الراقي وتميزك شاعر كبير وكلمات قوية ,, وينك عنا ؟,, ننتظر ابداعات اخرى اخوي ابو عبد المحسن

المشاركة الأصلية كتبت بواسطة نايف الخييلي (المشاركة 151698) راشــد المســعري صــح لســـانك والله يعطيــك العافيــه

المشاركة الأصلية كتبت بواسطة أبو زايد التغلبي (المشاركة 151767) صح لسانك ملاييييييييين

المشاركة الأصلية كتبت بواسطة هايف العماني (المشاركة 152039) الشاعر المميز ابومحسن صح الله لسانك ملايين ولاهنت على اختيار هذه المقتطفات الجميلة والأبيات الرائعه لمعاليكم فصح الله لسانك تقبل تحياتي،،

المشاركة الأصلية كتبت بواسطة شجاع الخريم (المشاركة 152312) أبو عبد المحسن صح لسانك وأحسنت على هذه الرائعة ونتمنى منك المزيد والله ينصر المسلمين في كل مكااااااااااان ،،،،

المشاركة الأصلية كتبت بواسطة حنيان الدوسري (المشاركة 152386) مشرفنا الغالي: ابوعبدالمحسن المسعري لله درك في تصويرك الرائع وفي أخذك وعطائك البديع دمت ودام نبع قصائدك والله يحفظك ويرعاك

المشاركة الأصلية كتبت بواسطة ابن وتيد السباعي (المشاركة 152753) ولا ضاعت الغيرة من الربع الأدنين........علـى ربوعـي والقرايـب سلامـا الشاعر الكبير والقدير / راشد المسعري صح لسانك يا ابو عبدالمحسن ملياااااااااااااااااااااااااااااار ولا يكفوووووووووووووون وعزالله ان قصيدتك على الجرح والله يعين العراقين وينصرهم على عدونا وعدوهم لاهنت يالقرم ولا تحرمنا من قصايدك الرئعه

اي والله


ابو محسن

ارررررررحب وحياك الله

وصح الله لسانك ملياار على هذه القصيدة الجزلة والمعبره

وبيض الله وجهك



تحياتي

المشاركة الأصلية كتبت بواسطة سالم بن صمهود (المشاركة 153933) الشاعر راشدالمسعري صح الله لسان وعلى شانك يالقرم و الله يجلا الغمة من الامه الصلف

المشاركة الأصلية كتبت بواسطة عبدالرحمن الشرافي (المشاركة 160885) ابو عبدالمحسن محسن ... صح الله لسانك مدد واعتلا شانك .. على هذه الفاتنه :) وبيض الله وجهك على هذا الشعور الطيب والله ينصر المجاهدين فالعراق (( وانشاء نشوفكم معهم )):) والله يرحم ابوعداّي تحياتي

المشاركة الأصلية كتبت بواسطة يحيى الودعاني (المشاركة 156214) صح السانك و عتلا شانك وبيض الله وجهك قصيدة معبره ياليت مثل هذه القصائد تجد اهتمام اكبر من الشعار لأحيا الشعور بالمسئولية عند المتلقي

المشاركة الأصلية كتبت بواسطة فراج بن فهد (المشاركة 161641) صح لسانك أخوي راشد وبيض الله وجهك من لم يهتم بأمر المسلمين فليس منهم قصيدة تحكي الواقع بكافة تفاصيله أسأل الله أن ينصر إخواننا المسلمين في العراق وفوق كل أرض وتحت كل سماء (( ولاتقطعنا من قصايد ماقبل النوم تراها من أبرك القصايد وانشد مجرب بس عاد لاتنسى أذكار النوم عقبها :) ))