|
وقعة الشيوخ
قامت قبيلة الجبلان مطير بغزو قبيلة الخييلات الدواسر شمال الأحساء عند غريميل ، واخذوا الحلال واقفوا به ... وجاء ابن حزّام الخييلي يلوح بشليله لربعه .. وهو ما يسمى بالنذير العريان ، وكان معظم الخييلات في ضواحي الخرج ومن ظمنهم شيخ شمل القبيلة ، ولم يكن موجود من الخييلات إلا القليل منهم ، ولحقوا الخييلات الغزاه بقيادة الامير مطلق بن جريس ، وفي طريقهم حولوا على أبن حثلين أمير العجمان وطلبوا منه مساعدتهم في إسترجاع حلالهم ، إلا انه اشترط شرط مقابل ذلك ، وهو إسترجاع الحلال بأنصافها .... فرفضوا الخييلات هذا الشرط ، وخرجوا من عند ابن حثلين ، وناصر بن نضاد الخييلي الدوسري رافع البيرق ويلعب [ كم شيخ قوم نضربه بالراس .... عليه طير الجو حام ] . فأسرعوا بمطاردت الغزاه دون مساعدة ابن حثلين .. فنشبت معركة شرسه بين الطرفين في مصلّخ ، انتهت بإنتصار قبيلة الخييلات ، وقد قتل فيها عدد كبير من الغزاه ، من ضمن القتلى سبعة شيوخ ، وسميت هذه الوقعه بوقعة الشيوخ نسبة لعدد الشيوخ اللي ذبحوا فيها .. وعندما وصل العلم لأبن حثلين قال: والله العلم اللي يبي له وصله ، شيوخ مطير يذبحون كذيّه ، هاتوا مسفر بن طاقان العمري الدوسري ويوم جاء مسفر قال ابن حثلين .. العلم يا مسفر وكاد ؟؟ فقال مسفر : وكاد قال ابن حثلين : ذبحوا السبعه ؟ فقال مسفر : ذبحوا السبعه قال ابن حثلين : لآ إله إلا الله ، وأنا احسبهم ما يذبحون إلا بعد يوم كبير فقال مسفر : اليوم الكبير والله جاهم وفيها قال الشاعر عبد الله بن حماد بن عجلان الخييلي الدوسري هذه الابيات :
يوم بن( حزّام) ظهر من هدومـه =كـل مدغـوش جذبـه الصـيـاح نحمـد الله لابتـي فـي اللقـا =مثـل( ابـو عبـد) وشـروى( ابـداح ) شوف عينـي ناصـر باللقـا =يوم بيـن البيـرق نهـار الصبـاح ((ابن شبـلان)) أكلتـه الضرايا =زقفـه (مطلق) برمحـه وطـــاح (( ابن ضلفان )) ......................... = جودله عليه تجر الصياح والقصيدة اطول من ذلك وقال فيها ايضاً الشاعر شافي بن بجران الخييلي الدوسري :
جونا الجبلان يبغون حسكات الوبـر =واستبقناهـم بصمـعٍ يقصـن العـظـام شيخنا يقدع شبا الجمع لا ثار القهـر =وشيخهم من ضربنا طايح ٍ مـا عـاد قـام دبروا ربعي بربعه يـوم الله ومـر =مثل ((بـن ضلفـان)) يـوم ضحيبـه شمـام ضربنا في الراس ولا مع حبل الظهر =من سلم منهم فغاشيـه مـن شيخـه مـلام لحتزمنا ثم مشينا بسبـرات النظـر =تقطع العشيق من شوف مـردوع الوشـام وفيها ايضاً قال الشاعر عبيد بن حويل الخييلي الدوسري:
مركاض ربعي حط للطيـر مسهـم =والظبعـة العرجـا لـهـا الفضـايـل ترى طعنـا مـن قديـم مجـرب =منـه ((ابــن شـبـلان)) وزان النثـايـل خلي طريـح مالقـى مـن يشيلـه =عليـه يبـكـن ضافـيـات الجـدايـل مع(( ابن لامـي ))و((المعرقـب)) جنايـز =عليـهـم والله هـلـدمـن الـحـلايـل كم شيخ قـومٍ لابتـي حولـوا بـه =مثل(( آل حلاف)) حولـوا مـن الاصايـل مــنــقول |
كم شيـخ قـومٍ لابتـي حولـوا بـه = مثل(( آل حلاف)) حولوا من الاصايل
لاهنت يا اصمعي الدواسر ونعم بعيال عمنا ( خيالة الشرفا ) وعلمهم كايد ولا هنت على التقل الطيب |
ونعم بخيالة الشرفا
لاهنت يا الاصمعي |
ونعم بخيالة الشرفا الخييلات
لاهنت ياصمعي الدواسر وبيض الله وجهك تقبل تحياتي. |
والله والنعم بالخييلات مب غريبه عليهم ومشكوووووووووووووو يالقرم
|
ونعم والله
|
السلام عليكم ورحمة الله وبركاته
ونعم قول وفعل ويعطيك الف عافيه اخوووووي اصمعي الدواسر على هذا الموضوع والى الامام والــــسـلام ختام |
لاهنت يا أصمعي الدواسر
وعندي أظافة على مذكرة وهي اسماء الابطال اللي شاركوا في المعركة 1- مطلق بن سلطان جريس العضادين ( اميرهم ) 2- ناصر بن نضاد بن حصين العضادين ( راعي البيرق ) 3- هادي بن سلطان بن جريس العضادين 4ـ أبن علوش بن صالح بن حصين العضادين 5- عبد الله بن حماد بن عجلان بن حمدان العضادين 6- ابو شهاب ( جد آل وسمي ) بن حصين العضادين 7- ابداح بن طامي من ال فايز من الحجاج 8- ابو عبد من الطينان 9ـ فهد جد ال سليم من الخماسين 10ـ حزام بن مقحم من ال علي من الحجاج 11ـ أبن رشدان من ال منصور من الطينان. وفيها قال الشاعر // زيد بن شلهوب العمري هذه الابيات :
راكب اللي تنبه الكور من كبر السنام=من خيار الجيش ومقطـب اسرارهـا نصها تمره وخبـر بمـردود السـلام=لاطميـن الشـره ومكرمـة خطارهـا يوم ولد السبر متعرض لبعض الكـلام=لابته من وقع ربعي فقـدوا اكبارهـا انشد عن هية خالصـة قبـل الكمـام=وابن شبلان وابن لامـي باسحارهـا والله لو الذل من شيخنا ولـد الإمـام=ان نزوره في الوطن في ضحي نهارها صلب جدي مثل سيل رقا روس العدام=ينهب الديره وياخذ بوافـي امدارهـا |
جونا الجبلان يبغون حسكـات الوبـر = واستبقناهم بصمـعٍ يقصـن العظـام شيخنا يقدع شبا الجمع لا ثار القهـر = وشيخهم من ضربنا طايح ٍ ما عاد قام عز الله ونعم بالخييلات مشاكيل وفعل صويب يعطيك العافيه يالسلطان اخوك في الله محمد الغريري |
صلب جدي مثل سيل رقا روس العدام
ينهب الديره وياخذ بوافـي امدارهـا لا هنت .. وبيض الله وجهك يا اصمعي الدواسر |
تـرى طعنـا مـن قديـم مـجـرب
منه ((ابن شبـلان)) وزان النثايـل خلـي طريـح مالقـى مـن يشيلـه عليـه يبكـن ضافيـات الجـدايـل مع(( ابن لامي ))و((المعرقب)) جنايز عليـهـم والله هلـدمـن الحـلايـل كفووووووووووووووو والله بصبيان الخييلاااااااااااااااااااااات خيالة الشرفا موطيب كل عايل ولا هنت يا اصمعي الدواسر ويا جعلك والله سالم من كل شر |
والنعم والله ... مهي بغريبه عليهم....
شيهانه |
لاهنت يااصمعي الدواسر
وعز الله انك كفيت وفيت سويت فيني خير لي مده ادورها كامله وكفو والله ياخيالة الشرفا ونعم وسبعة انعام وبأنتظار مشاركاتك طال عمرك اخوك عبدالله الشكري |
بيض الله وجيهكم جميييييع
|
كفو والله ونعم بخيالة الشرفا ,,,,,
|
ماعليك زود اخوي النايف
|
للرفع
|
ونعم والله كفو بخيالة الشرفا وبيض الله وجهك يااصمعي الدواسر ولايهونون الربع
|
بسم الله الرحمن الرحيم
من هو الشيخ العام للخييلات ؟ |
تسلم يمينك و بيض الله وجهك
كفوا بالخييلات قده وزود |
اقتباس:
هو الشيخ محمد بن زيد بن جريس |
بيض الله وجهك ياصمعي الدواسر
ونعم بخيالة الشرفا صبيان الخييلات
ضربنا في الراس ولا مع حبل الظهـر= لحتزمنا ثم مشينـا بسبـرات النظـر= |
مشاركة: وقعة الشيوخ
اخوى الاصمعى اولا ابن حثلين ماله فىالسالفه لامن بعيد ولامن قريب هو فى الصرار والخييلات فى الحسا ومطير اشملت بالحلال مع الحبل شرق من العجمان والخييلات شوى واستفزعوا ابعض العجمان اللى فى طراف الحسا بدوان من ال مره وعجمان وهواجر وطلبوا من بعض العجمان الفزعه لكنهم قالو هو لنا قسم فيها الا افتكيناها معكم ,افدبروا آلاد الخييلى اكبرهم سن هو حياة مطلق بن سلطان واللى معه عددهم شوى واعمارهم دون العشرين واقل ومعهم راعى ماخذينه معهم وصبحوا امطير على مصلخ شمالى الحبل وفعلوا فعل ينومس ربعهم وبنى عمهم . وصادف ان ابن حثلين حادرن للحسا افواجه ابن طاقان وانشده هو صحيح العلم ياسالم قال صحيح .. وسلامتكم
|
مشاركة: وقعة الشيوخ
الأصمعي بيض الله وجهك
دايماً تجيب العلوم الطيبات الله لايهينك ويجعلك على القوه والشكر موصول لـ السلطان على إضافته بيض الله وجهه اخــــوكـــم |
رد: وقعة الشيوخ
لاهنـــت ياااأخ أصمعي الدواسر
أسمح لي بالتعقيب ........في هذي الهيه يوم وخذ حلال الخييلات وكانو هم مقييضن بالحساا ووقت عيد فقاموا يعدون لها .. وذهبوا لواحد من وأمراء العجمان - وكانت أغلب القبايل تقييض بالحسا -- فقال لجمــاعته : يااعجمان ماء بارد ورطب .. خــلوا الدواسر ومطير .. وقال ابن شقره - واحدً من العجمان . بنفزع بالنصيفه قام ابن حزام ورفع عن ثيابه وقــال : هذا صنيعك يابوا [......] ....الواكد لحقوا الخييلات الطمع وجوهم على جال مصلخ .. وقال قصيرهم اللى موخذً حلاله للعقيد مطلق ابن جريس : يالامير مطير على ثلاث عقدا وانت ما معك الا هالملاحيق اهجد مطير لاتصبحهم .. قال مطلق : لا بالله بصبحهم وباكر تشوف فعل هالرجاجيل ويوم تواجهوه كسروهم الخييلات وذبحوا العقداء الثلاثه ومنهم ابن لامي ..والمذكورين بالقصيد .... وسلامــــتكم |
مشاركة: وقعة الشيوخ
يانايف الخييلى بيض الله وجهك ,انا قد قلت لاهم حول ابن حثلين ولاهم بطالبين فزعته, الامور مخبوره , اما ابوشقره فهو من ال سفران هذا صحيح والامير اللى من العجمان فهو ابن منيخر شيخ ال سفران يا نايف الخييلى جعل عمرك مايقصر وانا ابن عمك , الغريب فى الامر ان صاحب الروايه لم يذكر ابوشقره ال سفران فى القصه بل سندها على ابن حثلين ليش ؟؟؟
|
مشاركة: وقعة الشيوخ
اخوى الاصمعى اولا ابن حثلين ماله فىالسالفه لامن بعيد ولامن قريب هو فى الصرار والخييلات فى الحسا ومطير اشملت بالحلال مع الحبل شرق من العجمان والخييلات شوى واستفزعوا ابعض العجمان اللى فى طراف الحسا بدوان من ال مره وعجمان وهواجر وطلبوا من بعض العجمان الفزعه لكنهم قالو هو لنا قسم فيها الا افتكيناها معكم ,افدبروا آلاد الخييلى اكبرهم سن هو حياة مطلق بن سلطان واللى معه عددهم شوى واعمارهم دون العشرين واقل ومعهم راعى ماخذينه معهم وصبحوا امطير على مصلخ شمالى الحبل وفعلوا فعل ينومس ربعهم وبنى عمهم . وصادف ان ابن حثلين حادرن للحسا افواجه ابن طاقان وانشده هو صحيح العلم ياسالم قال صحيح .. وسلامتكم .... انتهى الصحيح هو مسفر فقد ذكرت ان اسمه سالم ولكن بعد ان تاكدت من المعلومه فهو مسفر ابن طاقان العمور من اهل الحسا
|
الساعة الآن 08:10 AM
 |
Powered by vBulletin® Copyright ©2000 - 2026, Jelsoft Enterprises Ltd.
---