|
مسعود الصخيبري وابن حسين
قصيده لمسعود بن عنبر
-------------------------------------------------------------------------------- السلام عليكم هذي ابيات من قصيده لمسعود بن عنبر الصخابره قالها في واحد من هل الهدار اظن انه زعبي يسمى ابن حسين والقصه قديمه لها اكثر من ثلاثين سنه وهي مجاراة لقصيده خر الذيب العجمي اللي يقول فيها : لا لقيت الى على الرسته لحاله @@@ ينتخي ويقول وين الطيبيني انكخ الموتر مستحا ولا شكاله @@@ يوم ولد اللاش وجهه مايبيني حالف ما اخذ على الرجلى رياله @@@ والثلاثه حالف انها ماتجيني ا ن طاب الولد طيبه من خواله @@@ وان تردى فاعرف انهم خايبيني وكان خر الذيب ينقل اي شخص يقابله بدون مقابل على سياره ارامكو , وكان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر خر الذيب الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي خر الذيب ويشيلني انا والحمار انشاْ الله تقصد خر الذيب.. قال لها يا خاله انا خر الذيب .. اركبي وابشري بالخير . اما مسعود فكان يبي يركب مع اهل السيارت للرياض ومر عليه شخص معه سياره ومعه ركاب فسأله مسعود ان يركب معهم ويعطيه اجره النقل فقال السواق مالك درب معنا ثم نزل السواق في ظل شجره ونزل برّاد الشاهي ويصب لنفسه وتارك اخوياه الركاب ما قهواهم معه بعدها بلحظات مر عليه ابن حسين ووقف لمسعود فلما عرف انه مسعود بن عنبر انزل واحد من ابنائه كان راكب معه في الغماره واركبه في الحوض وحلف ان يركب مسعود مكانه فقال مسعود قصيده طويله في مدح ابن حسين لا احفظ منها الا ابيات قليلة : راكب اللي لا مشى تومي حباله == لا نوى له ديرة (ن) جاها بحيني انص خر الذيب عندي له رساله == عندنا مثله ربوع طيبيني عندنا ابن حسين يفعل ما طرى له == يركب الطرقي وهيف للسميني كم نقل له خبرة (ن) من حرّ ماله == لا لقاهم في الخلا متعطليني ضوّهم ضوّه ودلتهم دلاله == شوف عيني واشهدوا يا حاضريني جعل يفداه الردي راعي البياله == شارب الشاهي وربعه جالسيني ومن يعرف باقي القصيده لا يبخل علينا |
تسلم يا صخبور
ومنها ذا البيت طال عمرك والصبي ان طاب طيبه من عمامه = والخوال الطيبين المرفقيني وابن حسين حسب ما سمعت انه دوسري وقيل انه من الرجبان او المخاريم والله اعلم وعساك على القوه اخوك ابو عبد الله الشكري |
ابن حسين المقصود ليس زعبي وانما هو عبدالله بن حسين المصارير رحمه الله
|
اقتباس:
تسلم يا ال جزاء وسالفة القصيده ان الصخيبري يرد على بن خر الذيب وبما فعله فيه ! ومدح ابن حسين اللي هو يفعل على ما طراله ويركب الطرقيه وضوهم ودلالهم وحده والقصيده واضحه ومفهومه معانيها وسلامتكم |
اخوي ابو عبدالله وانت يابن جزاء مناب رايحين بعيد السالفه جات على لسانه بالخصوص في مجلس واحدن الجماعه ذكره القصه والقصيده وابن حسين زعبي تجلوا مع جماعته والحين يكتب المصروري وال هو زعبي ولاهوب ردي سوا كان دوسري ولا زعبي وسلامتكم
|
السلام عليكم ورحمة الله وبركاته
بيض الله وجهك ولاهنت اخوي ( صخبور الاكبر ) على هذه القصيدة . |
ومن قال مايهان يامحمد
|
ابو عبدالله ابن حسين من هل الهدار ولا في الهدار مخاريم ورجبان
|
الله لا يهينك على ايراد هذة القصه ويحري ابو حسين بالعلوم الغانمة والله يرحمه ويسكنة فسيح جناتة
|
تحياتي اخوي صخبور
وانا ما جزمت انه رجباني او مخيريمي ( وذكرت اخر شي الله اعلم ) وارجع لردي الثاني اقتبست من رد اخوي ال جزاء يوم حط الاسم والفخذ والله يعطيك العافيه |
لاهنت ياصخبور على القصه والقصيده الطيبه ,,,
تقبل تحياتي ,, |
الله لايهينكم ياعصابت راسي على التعليق وماعليكم زود
|
حياك الله يادحان ومن قال مايهان
|
الله لايهينك اخوي
صخبور الأكبر بس على قولة الشكري فيه بيت يقول الولد لاطاب طبيبه من خواله,,,,والعمام الطيبين مساعديني وعندي تسجيل بصوت بن خرالذيب ادوره واتأكد واكتب القصيدتين. مشكور على كل حال, |
حياك الله يالرمح ولانستغني من ابحاثك وعلى القوه
|
صخبور الأكبر لاهنت
اللهم أرحم ابن حسين رحمةواسعة وأسكنه فسيح جناته انه على ذلك قدير أمابالنسبة لابن حسين فهو زعبي وفعوله غانمه ولافيه الا ألف نعم هووياربعه سواء اللي في الهدار أوفي غيره وكلامي هذا عنه أنه زعبي حدثني به الشايب سالم ابن حرتان الله يرحمه ودايماً يسألني عنه وعن ربعه 0 ابن حرتان هذا(ساكن الخرج مع ال بريك )0 |
السلام عليكم ورحمة الله وبركاته
هذه قصيدة مسعود بن عنبر المقابلة في الشبخ عيدالله بن حسين بن عسل المصارير الدوسري وهي هنا ناقصة فانا اذكر ان فيها بيتا يبدو انه الاخير يقول فيه ابن عنبر
من مدح عبدالله بن حسين جاله = شاهد من حاضرين وغايبيني
وسآحاول ان اقدم موضوعا متكاملا عن حياة وسيرة هذا الرجل العلم. وللجميع تحيتي. |
ياحبيبي حياك الله المهم الي بقوله ياخي السالفه جايه على لسان مسعود نفسه ولانبي نعيد ونزيد وعدين اذا انت حافظ القصيده كامله جبها وبعدين انشد شايبك عن المقابله وش يرجعون
|
لاهنت وبيض الله وجهك ياصخبوووور الاكبر
على هذه الابيااات لحسين والنعم في الرجااااال سوء كان دوسري والا زعبي مايبقى الا الفعل الطيب والعلم الغانم لاهنت ولاشنت ياكحيلالالالالالالالان |
ولاانت ىالبريمي والله يجزاك خير
|
لاهنت ياصخبور الاكبر وبيض الله وجهك
وماقصرت طال عمرك على القصيده الزينه ومناسبتها اخوك عبدالله الشكري |
مرحبا بك ياعبدالله ولاانت يابن العم
|
لاهنت ياصخبور على السالفه والقصيده
|
حياك الله يافهد ولاانت يالذيب ؟؟؟؟؟؟؟؟؟؟ توسط لي يافهد يحطوني عضو ذهبي مثلك ولكان برنزي
|
لاهنت اخوي صخبور على السالفة وسالفة عضو ذهبي هذي اتماتيك حسب كثرة المشاركات
|
لا هنت يا صخبور الاكبر و جعلك حي و غني
و انشا الله يا صخبور الاكبر يرقونا مراقبين |
امحق امحق مراقبين من طرفي سما وماء يالله اراسل بالكيبورد اما انت مادري
|
حياك الله يابو مبارك وكم عدد المشاركات المطلوبه
|
مساك الله بالخير اخوي صخبور الأكبر والله لايهينك على كل حال وبالنسبه لبن حسين فهو زعبي ومتاكد من الخبر والقصه كامله ليست كما نشرت من بعض الأخوه ولآكن سوف اوردها كامله قريبا وعد مني وللجميع تحياتي
بسم الله الرحمن الرحيم |
لاهنت ياصخبور الاكبر والله يعطيك العافية ياذيبان
|
الساعة الآن 10:14 AM
 |
Powered by vBulletin® Copyright ©2000 - 2025, Jelsoft Enterprises Ltd.
---