الرباعيه بدت واحتمى فيها الوطيس =دوقله والمسعري حزب في ليله خميس
وبدر ابن نايف ووسام مافيهم ونيس=-خيلي فوق الجبل ياسحااابه وامطري

ياسلام الله عليكم سلام المسلمين=عد مالاحت بروقاً بعرض خيالها

الرباعيه بدت كاش والمعنى هجوم=ولا وقفنا موقف الجد سدينا اللزوم
مارث الجدان ماهوب من ليلٍ ويوم=خيلي فوق الجبل ياسحابه وامطري
0=0
احتزمنا للمواقيف والخالق يعين=وكل ساعه ينعرف لبسها ورجالها

الرباعيه بدت ولا حسبنا ما يكون=اوله ضحك وتاليه دمع بالعيون
دوقله والمسعري بين كاف وبين نون=خيلي فوق الجبل ياسحابه وامطري

مرحبا بك يالمسلم وانا قدمك وابين=ولا تلد العين بين السهل وجبالها

مرحبا ياصاحبي والبحر قدمك غزير=لاتطب بجمته وانت رجالا خبير
والغني مالد عينه على حضرةالفقير=خيلي فوق الجبل ياسحابه وامطري

لاتبين وانت فالملعبه رجلا فطين=غترتك مافوقها الا سوااد عقالها

شد حيلك يبن مسعر ورى البراق برق=الهدف مكشوف مافيه تمويهٍ ودرق
وانتبه للفرق ياصاحبي ماهوب فرق=خيلي فوق الجبل يا سحابه وامطري
1=1
لا غدت فزعاتها بالثلاثه والثنين=كل دعوٍ كايده لا احتمت فانالها

البقا ياصاحب تو ما يعرف يعوم=يحسب ان الحظ غصب على كيفه يقوم
فك سبق الطير بس ان طيره صار بوم=خيلي فوق الجبل ياسحابه وامطري

لا يغرك بعض هرج نسوقه لك بلين=فتح عيونك وطيب النوايا فالها

لا توصي يالسنافي على الطرقه دليل = حن هل الفزعات لاصاح نقاض الجديل
حملتك يا شعيل حذرا مع الطرقه تميل = خيلي فوق الجبل يا سحابه و مطري

هيه يا دقله على وين يارجال وين = البنيه يالسنافي حضر رجالها

صاحبي وسام يالربع اشوف انه جفل=مير اباسوقه مع الدرب لاونه وحل
والمثل معروف ماروع الذيب الثعل=خيلي فوق الجبل ياسحلبه وامطري

نازن الهرجه ونعرف كلام العارفين=والنفوس الهايمه عندنا سلالها

يا فتى الجود انتبه لا تعديها الخطوط=خل مشيك ياعميلي على حسب الشروط
قدم لا تدخلك نفسك يدين الااخطبوط=خيلي فوق الجبل يا سحابه وامطري
1=1
الهقاوي لا تغرك ونا احسبك ذهين=لنت كساب العبيّه ولا خيالها

بعض خلق الله يغرك تحسب انه ثقل=بس لا منه هرج تكتشف انه خبل
ينضح بخافيه ثم تبدأ عيونه تهل=خيلي فوق الجبل ياسحابه وامطري

طنب بصوته وهو من قبل يرطن رطين=وين غادي ماعرف دقها وجلالها

يالنشامى طرف الليل مابان القمر=و السفينه دفها الدقله بجوف البحر
ما لقينا المبتدا يوم تنشد للخبر = خيلي فوق الجبل ياسحابه و امطري

لا وردنا الجم ندحم صفوف الشاربين =يوم بعض الناس تقصر طوال حبالها

صح بعض الناس مغرور في نفسه صحيح=كاش بالمفهوم يعني على المعنى الصريح
وكان طاال الدرب تسمع لهم صوت وفحيح= خيلي فوق الجبل ياسحابه وامطري

ان دحمنا القوم ندحمهم بجنباً متين=والحمول الكايده نرتكي لثقالها

يا فتى الجود المعاني تبي شاعر بخيص=ونت اشوفك قمت تصرف من الهرج الرخيص
لو تروّغ مالك اليوم من رمحي محيص=خيلي فوق الجبل يا سحابه وامطري
0=0
يافتى الجود ان رجعنا لماضية السنين=عارفين الشجره الي يضل ضلالها