يالله ياعالم خفايا خلايقه=تدلني جزل القصيد وطرايقه
انت الاله اللي على العرش معتلي=وقدرتْك فصدور الخلايق موايقه
افرج لمن صكات بقعا مكاسبه=الهم والضيقات والمر ذايقه
الحظ كنّه عدّ ما يروي الظما=ان ماعطى صافيه نشرب محايقه
عطاني شفوف(ن) تحنن قرايبي=لو ان وضع الضعف ماني بطايقه
وخلاني اطلب حاجت(ن) ما اطيقها=عند الذي بشته تواما ذلايقه
وخلاّ عذولي مايوقف عذايله=حكيه شمات وفرحته من بوايقه
وخلاني اشرك في همومي جماعتي=حبل(ن) على ربعي تفتق فتايقه
ياحظ شم للي حياته غدابها=بحر(ن) غدت فرحات عمري سرايقه
أحد(ن) مع حظوظه امور(ن) تعوقها=وأحد(ن) عليه الحظ مرهي حدايقه
ياحظ سقلي من مخايلك ديمها=اسق المحاني والفواد وحرايقه