ترى القلب هاجوس الظماير طرق بابه=وسلَم عليه وبشَره باللي يحبه
يلاون إبن عدلان يدري بما صابه=وقف له على باب الظماير ورحبَه
فأنا أجنبَه لو كان ماأبغي تجنَابه=وأنا خايفٍ تجرح شعوره وأنا السبَه
أنا أشوف برَاق الدجى من ورى سلابه=وكن القمر من مفرق الراس للبَه

غرامي وإبن جدلان مزمن ومتشابه=لنا فترةٍ ننزل من الرجم ونذبَه
جرحنا وبيَح سدَنا كل نصَابه=مزوحٍ تصيد القلب وتروح تلعبَه
عسى من يلوم مولَع الحب يبلابه=يجرَه مثل ماجرَنا لين ينشبَه
مع اللي إسلوبه كنَه السحر لأحبابه=شعور المحبَه فيه من قابله حبَه
مثل ماجرالي وأجحده قبل يدرابه=وأقوي عزومي وأمدح الحظ وأسبَه
تسلَط علي زملوقةٍ زوَدت مابه=ضميري وخلَت ليفة الصدر مشتبَه
غريب الجمال اللي خذى القلب وأقفابه=وليا جيت أنا بأشبَهه ويش بآشبَه
يشابه مدامع جفَل الصيد وأرقابه=وإليا شافه المسلم بعينه ذكر ربَه
وكتفٍ وردفٍ لاوقف يزهن أسلابه=وصدرٍ يشابه ناعم الشاش من لبَه
يبيني وقلبه واثقٍ مالي إلأ به=وأحب الجماعه كلهم قومني حبَه

يبيني وقلبـه واثـقٍ مالـي إلأ بـه = وأحب الجماعه كلهـم قومنـي حبَـه

المشاركة الأصلية كتبت بواسطة سعد المقابله صح الله لسانك ولسان الشعراء ومشكور على الاختيار الطيب

المشاركة الأصلية كتبت بواسطة الودعاني تسلم يابو بطي على نقلك لهذه المجاراه الرائعة

المشاركة الأصلية كتبت بواسطة العرابي الأخ الغالي ابو محمد صح الله لسانك وبيض الله وجهك على نقل هذه المجاراه الشعرية الرائعه والشطر الثاني من البيت الأخير يبيني وقلبـه واثـقٍ مالـي إلأ بـه = وأحب الجماعه كلهـم قومنـي حبَـه ينطبق على قول الأمير خالد بن يزيد بن معاوية .. لقد كان آل الزبير أبغض الناس إلي .. حتى تزوجت رملة بنت الزبير .. فأصبحوا أحب الناس إلي .. تقبل وافر الود والتقدير أخوك في الله العرابي

المشاركة الأصلية كتبت بواسطة فهد الدهمش شاعران عملاقان .. سعد ابن جدلان والهوامله وللاكلبي ديوان اسمه ((سمان الهرج)) للفائدة وانت يادغش دائما وابدا تتحفنا بجديدك الله يقويك تحياتي...

المشاركة الأصلية كتبت بواسطة فهد الغريري وعليكم السلام ورحمة الله وبركاته ابومحمد اررررررررررررررررررحب يالقرم دايم مبدع ولابداع رفيق دربك ما شاء الله تبارك الله عليك يابومحمد دايم في المقدمه ودايم ذلولك متقدمه بشوط علينا ياخوانك وهذا من طيب صاحبها جعله يحيى ابومحمد انت مبدع+ مبدع = الابداع بعينه وعلمه. صح الله السان الشاعرين الكبيران العملاقين في سماء الشعر والشعراء ابن جدلان وابن راجس جعلهم يسلمون على القصيد الذي يطرب الواحد منا ابومحمد حبت خشم جعل الله يبارك في مساعيك ويبوج لك الطريق. تقبل تقديري واحترامي واعتزازي في شخصك الكريم اخوك / فهد الغريري,,

المشاركة الأصلية كتبت بواسطة محمد المسعري أبو محمد لا هنت اختيارك يدل على انك صاحب ذوق رفيع فائق التحيات