صاحبي ماجيت يمك لجل أبين إنكساري =جيت لك ودي بحاجه من يديك الحاتميه
لاترد اللي تعنى لين بابك وأنت داري=صاحبي وأنت الكريم ولا لغيرك مكرميه
جيت أرد الثار منك جيتلك اخذ بثاري =سيف سليته بوجهي راح اسله وبـ يديه
ياعديم الحس وانت الحس ماله فيك طاري=والعواطف بـك توفت من زمان الجاهليه
كذبك اللي في عيونك كان مُبهم ومتواري=أعظم ذنوبي هواك وياكبر ذنب البنيــه
ليتني ماأخترت حبك ليت ماكنت اختياري=ليـتني يوم اللقا ماعطيت لك قلبي هديه
صاحبي وجه الخيانه لو سترته جاك عاري=يفضحه كذب الشفاه ليا حكت ما بالخفيه
وانت بعت الود كله للأسف ماكنت شاري=كانت دموعك خداع وكل حبك تمثليـه
حكي ليلك ينكشف لي كـل مابين نهاري=بين حالي كنت اردد (هالضنون اكبر خطيه)
زي ماعشت بحناني شف بس شلون ناري=وذي جزاتك هي جزاة اللي تنكر للعطيه
صاحبي ماجيت يمك لجل ابيـن انكساري=جيت أنزل هالستاره وأنهي هذي المسرحيه

المشاركة الأصلية كتبت بواسطة شافي القويسي المخاريم (المشاركة 429698)

المشاركة الأصلية كتبت بواسطة فيصل بن جزاء (المشاركة 429718) بيض الله وجهك اختيارات مميزه ياغلا نجد تقديري واحترامي

المشاركة الأصلية كتبت بواسطة درة الاماكن (المشاركة 429750) غلا نجد دمتي بهذا التوهج قصيده رائعه جدا وراقت لي درة الاماكن

المشاركة الأصلية كتبت بواسطة بعيد المـدى (المشاركة 432526) لاهنتي على ما قدمتيه يعطيك الف عافيه تــحــيــاااااااااااااااااااااااتـــي

المشاركة الأصلية كتبت بواسطة (*الدوسري*) (المشاركة 432583) يعطييك ألف عافية وأختيار أكثر من رائع