ياللـي دفنتـوا جثـتـه.. لـيـه تبـكـون؟=لـولا الحيـا..لأقـول : معـكـم خـذونـي
منه انحرمت وكنت انا عنـه مسجـون=مـا أذكـر لمحتـه .. غيـر مـره بعيونـي
شفتـه ..وكانـت فرحتـي مالهـا لــون=عجزت لأوصف .. من لمحته شجوني
ياليتنـي ..كنـت الكفـن يـوم تمشـون=أبـقـى مـعـه بالـقـبـر ثـــم تدفـنـونـي
أو ليتني .. من خلفكم كنت (مجنون)=أتـبـع خطـاكـم والـعـذر هــو : جنـونـي
أبكي وراكم .. وأدعي ان كـان تدعـون=مـا يكفـي انـه عـاش عمـره بدونـي؟؟
تكفـون < هاكـم عمـري اليـوم تكفـون=بـرخـص حيـاتـي دام خـابــت ظـنـونـي
مـا فادنـي صبـري !! ولا فـادنـي عــون=ولا فادني دمع(ن) .. حرق لي جفوني
يـا مـا بكيتـه والبكـي يحـرق عيـون=ميت أو انه حي .. دمعي بعيونـي!!
العـام كـان بفرحتـه.. يعـزف لـحـون=واليوم ؛ تحت الأرض .. ماهو بكوني
لكن أنا في فرحتـه.. كنـت مدفـون=فوق الثرى .. واليوم موته سجونـي
ياليتنـي.. ماعشـت لحـظـه بهالـكـون=و ياليت ربعي .. في سكات اذبحوني
وياليتكـم .. عـن همّـي اليـوم تــدرون=منه انحرمت > ومن عزاه .. احرموني
حتى بوفاته !! يـوم أنـا طحـت مطعـون=أخفيت طعناتـي .. قبـل لا يفضحونـي
بكـيـت!! لـكـن .. ماتظـاهـرت بالـهـون=أبكي وأقول : الموت هو سبة طعوني
و إن كان في حبّـي أنـا ..ماتحسّـون ..؟!=دلوني لقبـره .. وهنـاك .. اتركونـي

المشاركة الأصلية كتبت بواسطة الامبراطـــور (المشاركة 238530) يامطنوخ البيت الاول يوم قريته اكتفيتنا من الباقي جعل ربي مايهينك

المشاركة الأصلية كتبت بواسطة دوسري مطنوخ (المشاركة 238612) ارحب ياالامبراطور ومن قال مايهون ... انت شاعر ولك امكانياتك ليه اكتفيت طال عمرك اذا فيها كسر ولااي شي علمني طال عمرك انت راعي الخبره يالقرم وما نستغني عن ملاحضاتك ارجو الرد يا الامبراطور

المشاركة الأصلية كتبت بواسطة لين (المشاركة 238614) الأخ دوسري لكل منا ذكريات قد يعيدها الى أذهاننا قصيدة أو كتابة تذكرنا بها وهذه القصيدة فعلت ذلك فقد أثرت في نفسي كثيراً فلم أستطع أن أمنعها من الحزن. ما فادني صبري !! ولا فادنـي عـون ولا فادني دمع(ن) .. حرق لي جفوني تقبل تحياتي مروري

المشاركة الأصلية كتبت بواسطة أبونواف الدوسري (المشاركة 238675) الأبن مطنوخ لا هنت علي هذه القصيده تقبل تقديري وأحترامي

المشاركة الأصلية كتبت بواسطة الشقرديه (المشاركة 238926) الف شكررررررمطنووخ على القصيده الرائعه تقبل مروري المتواضع الشقرديه

المشاركة الأصلية كتبت بواسطة الماسه (المشاركة 238958) الله لايهينك يامطنووووخ على الابيات الرائعه ... روعه ما خطته لناا اناملك ... الف شكر لك وتقبل تحياتي ... المــــــــــــــــاسه