يا منذر اللـي كوانـي بيعتـي للبنـز= حيثه يداوي جـروحٍ باريـه حالـي
لا دق سلفه تقـول القـاع لـه تهتـز = واشبهه بالهنـوف ولبسهـا الغالـي
ومحركه كن صف الجيش لـه يرتـز= خطوه بداها يميـن وخطـوه شمالـي
لبيه لا جيت يمـه فـز لـي مرتـز= واحلي تحيـه يرددهـا علـي بالـي
يا ابو حمد لا نشـدت لبيعتـي للبنـز= قلت انشد اللي بلاني بحذفـة عقالـي
قلت ارفعك يا السعر واسايره باللغـز= يمكن يهون واشتـت ضيقـة البالـي
قال اعرفك لا طلبتك قمت لي بالعـز= يا ابو حمد ويش اسوي طفت حبالـي
قلت استلم دام مثلك مـا درس باللمـز= وجهت وجهي علي اللي مرقبه عالـي
اطلقت لك نيتـي بحروفهـا والهمـز= واحرص علي اللي يكف الخط لا طالي
يا ابو حمـد قدركـم والله مـا يهتـز= جيت اتخير قصيـد وذكركـم جالـي
انا اشهد انه لا جابوا ذكركـم نعتـز= الله يرعي شيبانـك خلفـوا رجالـي
يا منذر اللي كواني ناس مـا ترتـز= طبعه غبي ما دري ويش ضيق البالي

المشاركة الأصلية كتبت بواسطة دغش البطي الشاعر ناصر الشرمان يسرني ويسعدني بأن أكون أول المتصفحين لهذه الشامخه قصيدة رائعه من شاعرٍ أروع وعودنا على كل جميلٍ وجزل ومسنده على شاعرٍ وافي ونحن بإنتظار رده عليك صح الله لسانك وإعتلا شآنك دنيا وآخره تقبل الود والتقدير أخوك دغش البطي

المشاركة الأصلية كتبت بواسطة البـــرّاق الشاعر ناصر الشرمان صح الله لسانك قصيدة جزله من شاعر جزل دمت ودام صدى همس قوافيك يرن بمسامعنا ننتظر الرد من الشاعر منذر تحياتي لك ،،،،

المشاركة الأصلية كتبت بواسطة عبدالله الشكري صح لسانك يالشاعر ناصر الشرمان وعز الله انها قصيده جزله وماقصرت وبأنتظار رد اخونا منذر الدوسري اخوك عبدالله الشكري

المشاركة الأصلية كتبت بواسطة العماني صح الله لسانك اخوي ناصر على القصيدة الطيبه وفي انتظار منذر

المشاركة الأصلية كتبت بواسطة تركي الودعاني الشاعر ناصر الشرمان صح الله لسانك قصيدة جزله من شاعر جزل

المشاركة الأصلية كتبت بواسطة منذر أبن رشود أخوووووي ناصر الشرمان مرحبا بك طال عمرررك وصح لسااانك والله أني متفاجئ بوجود القصيده مع اني لي اسبووع مادخلت المنتدى ولكن وأبشر بالمردود والمقدور لاهنت يابو عبدالله والله لايهين الشباب اللي ردو وجعل اعمارهم طويله لاهنت ولا خلا ولا عدم

المشاركة الأصلية كتبت بواسطة $ محـمد $ صح الله السانك ولاهنت على الرائعة ,,,,,,,,,,,,,, في إنتظار ابو حمد 2+1