قالت ترى منت بحلو قلت رجـال
 

قاالت ترى منت بحلو قلت رجـال

والزين ماهو من شروط الرجوله


الزين يلقى عنـد لباسـة الشـال

والرجل زين ان كان زانت فعولـه



قالت علامك تلبس شماغ وعقـاال

انت بدوي؟ قلت بدوي ومن حموله


ما ألبس بناطيل لها الوان واشكال

وامتر الشاارع بعرضـه وطولـه


قالت اجل راعـي معاميـل ودلال

شرب القهاوي تحسبونـه بطولـه


كيفي يابنت الحضر دلـه وفنجـال

وحليب خلفـه بالمـراح معقولـه


وحب الكرم والجود وعلوم الابطال

مغروس فينا من زمـان الطفولـه


قالت ترى بنت البدو حظهـا مـال

قلت احذري حذرا تكوني جهولـه


بنت البدو يابنت مضرب للامثـال

فووق الجمال وطاعة الله خجولـه


ماحطة اصباغ ولا حطـت ظـلال

ولا سيرة بالسوق سيـر مهبولـه


هي مهرة تصعب على كـل خيـال

وانتي ومثلك عسفهن بالسهولـه


قالت تغزل بي وشف حبة الخـال

ناظر عيوني والرموش الكسولـه


قلت العفو مايجتمع حـب وهبـال

ولكـل ذوق فالمزاييـن جـولـه


قلتي وقلت وكلمة الصـدق تنقـال

الزين ماهو من شرووط الرجولـه

الله لايهينك وبيض الله وجهك يا الخييلي ...............

كيفي يابنت الحضر دلـه وفنجـال

وحليب خلفـه بالمـراح معقولـه


وحب الكرم والجود وعلوم الابطال

مغروس فينا من زمـان الطفولـه

ولايهينك ووجهك ابيض يابن بتال

ومشكور على مرورك العطررر

تحياتي لك ..

السلام عليكم ورحمة الله وبركاته

صح لسانه ولاهنت اخوي( الخييلي ) على هذه القصيده الرائعه .

صح بدنك اخوي محمد ال بوزمام

ومشكور على مرورك

لاهنت يالخييلي على الاختيار الجميل وبيض الله وجهك

تقبل تحياتي ,,

اختيار رائع لاهنت يالقرم والي الامام

نايف ولا انت ووجهك ابيض يالشيخ

ومشكور على مرورك العطرر

تحياتي لك

ابو هادي ولا انت ياذيبان ومشكور على تشجيعك :)


وشاكرلك مرورك الطيب

تحياتي لك ..

صح لسانك والله ولسان قايلها يالخييلي وبيض الله وجهك.... قصيده أكثر من رائعه

صح بدنك ووجهك مايشين يالنـادره

وتسلمين على هالمرور الطيب

تقبل تحياتي.. :)

صح لساانك يالخييلي وصح لسان شاعرها قصيدة حواريه ممتازة

صح بدنك اخوي الودعاني وبيض الله وجهك على هالمرور الطيب


تحياتي لك ..

صح لسانك ولسان قايلها

أجل استانس اللي شين وبيحط ذا القصيده عذر له

هههههههههههههههههههههه

تراني امزح والصدق في زين الرجال فعل يمناه وكسبه للطيب وكسب حب ربعه وجماعته وبني عمه

الله لايهينك