لاتمتحن شخص(ن) تحبه وتغليه=الغالب انك لا أمتحنته خسرته

تخيرت الفراق ومادريت ان افراق وصال=اقول نسيتك بس مدري كيف توصلني

خذك وقتك بضحكة ذاك وضحكة ذاك يا مسكين=تحسب اللي مدح فعلك بيصمـل لـي تواليهـا
ولا تغتر في نفسك ترى نفسك هشاشة طيـن=يفتّتها هبوب النـود لا مـن هـب ويخفيهـا

مــا كل من يضحـك بدنياه مســـرور = لــو ضــحكته دايم تــحرك حجاجـه
ومـا كل من يبكي من الناس مقهـور= بعض الدموع رخاص من شان حاجه
وما كل صادق لو حكا لك من شعـور = يـا كثر مـن زيف المشاعـر خـراجه
ومــــا كل ما يخفا من السر مستـور= بعض الوجيه ابين من ارهف زجاجه
ومـــــــا كل بيتٍ بابه انصك مهجـور= كـــم بيتٍ اطفا الشح واهج سراجه
ومــــــــا كل وردٍ تزرعه ينثر عطور = لــــو مــاه صافي ما يخالط هماجه
ومـــا كل مرهف قلب لو يزرع زهور = قــلب يحـب الورد وهو مثل صـاجه
ومــا كل من يخطي من الناس معذور = الـبعض يخـطي مـن علوم العواجه
وما كل من يسكت على الظيم مجبور= لجل الغلا ساكت ويدعي انفراجه
ومـــــا كـــل راسٍ ضيع الفكر مسحور = كم راس سحر الحب جاب ارتجاجه
ومـــــــا كـــل عله فادها طب دكتـور= كـــم من عليلٍ وصــل خله علاجه
ومــــا كل من شاور حكيمٍ خذا الشور= بعض البشر مـــا يقــنع الا مـزاجه
ومــــا كل من سمي صقر يشبه صقور = كم من صقر وقت الشدايد دجاجه
ومـــــا كــل فـزاعٍ لــجل مدح مشكور =البعض مــــرجلته وســامه وتـاجه

صيد الخلا مـآكل قنـآص يـآتيبه=ولآيصيد القـآيده كون صيـآدي

المقبل اقبله وارحب واهلي=والمقفي اجازيه بقفاي وصدود
مانيب من يمشي وهو مايدلي= يمشي يبي دربً وهو عنه مسدود

البارحه ليل السهر والمعاناه=سهران مالي رغبة في الرقادي
لولا ضلوعي خافقي فالخلا تاه=تلعبه ارياح الشمال الغوادي