الليل ليل النوايـا والسهـر دامـي=والهـم دم الحنايـا فـي تحاليـلـي
والحرف نزف المشاعر بين الاقلامي=والوقت دوره يقنـد لـي معاميلـي
واحلام الايام تقضي بين الاوهامـي=يقضي عليها صباحٍ شمسـه تميلـي
واحداث الايام عبره والدهر حامـي=واشواق الاوهام مابلّـت مواصيلـي
يانجمه الصبح منهو مابعـد نامـي=خاوى الهواجيس كسبه بالمداخيلـي
خذيت معها معارك باخر اعوامـي=يرسل سراياه لين اسرجتنـا خيلـي
وبديت ويـاه حـربٍ كلهـا الآمـي=تبدا مع الليل دايم وانهكـت حيلـي

شيّعت جثمان حلمي قبل ميـلاده=وكتبت في صفحته طولت بالغيبه
ودفنت شيٍ حلمته قبـل ميـراده=بوادره في حياتي شكلها صعيبـه
وراجعت نفسي لو ان النفس عمّاده=تطرد صعيب المناوي في مناديبه
تهوم دايم على العسـرات نشـاده=لو كان جني الثمر عسرت مطاليبه
ماتدري العمر يمضي والدهر عاده=يطرد وراها ويشهر في مخاليبـه
حلم المناوي شقا للعيـن وسهـاده=يرث على الكبد همٍ في مشاهيبـه

اشب ضو القصيـد ويلتهـب قافـه=واقّرب دلال صدري فـي دواوينـي
واصب قافي واسوقه بـاول اصنافـه=من مصدر الجوف توّه بالمظامينـي
واطالع نجـوم ليلـي واول اطيافـه=واجاذب الصوت واذكر ماضي سنيني
واسنّد افكار قلبٍ شـاف مـا عافـه=وادلهـه عـلّ يسـلا بينـه وبينـي

ياوجودي وجد منهو جنا واخطت يديه=واحتمل دم القرايب جنا ذنـبٍ وخيـم
انتزح من دار ربعه بعد صارت عليه=وانتحا من دون يمّه على الدنيا غريـم
تصطفق به سود الآيام شـره مقتفيـه=وطال شره بين ربعه على اخوانه مديم
انتزح واخبار ربعه بعـد مـده تجيـه=القضا حل الوفا بـه تقاضـاه الغريـم
القضا في راس عودٍ على الدنيا نزيـه=اقتضوبه يوم طّول غيـاب المستهيـم
اردفت له سود الايام قامـت تشتويـه=بين ذنبٍ من يمينه وذنـبٍ لـه نديـم
اتوجد من زمانن عجاجـه بـان فيـه=مقبلن يقدح شراره وشره لـه وشيـم
وكل عامٍ عقب عامٍ يجي كنـه يحديـه=كل عامٍ يقتفي عام لـه لونـن ظليـم
يتعب الشايب من الوضع عافه مايبيـه=ويتعب الراجح من الناس لو عقله حكيم

شعشع صباح النهار وطلّـت انـواره=وقعدت الملـم بقايـا ليلـه البـارح
هاجس ظلام الليالي طـال مشـواره=يقبل مع غروب شمسي والزمن جارح
اقضي معه طول ليلي واتبع افكـاره=من غيب الآشفاق لين الصبح به سارح
معه على الوضع هذى داخل اسـواره=اشرح له الوضع دايم واجلس آصارح

اجر لك سآوند فـي طـول الآيـام=ولا اقبل عليّ نايت رقيت المراقيـب
آآي سيت اطالع مون في كل الآحوال=وأحس كنّ تشيست جابـه لواهيـب
اسمك درونك بداخل القلـب مخفيـه=آآروز مخفيّـه بوسـط المحاديـب
كم هير مآي فرنـد حييـت حييـت=يوو آآر ولكم مرحبا الـف ترحيـب
كم هير خل الجـرح تبـرا خوافيـه=واللي بعد في هارت من وند بيطيب

لجل عين اللي رماني فالحشا صاب الظمير=بكتب ابيات القصايد لجـل عينـه بـادره
انسلس قاف القصايد فوق سلكن من حرير=انسلس نادر قصيـدي لان عينـه نـادره
والله اني من سبايب نظره الفاتـن خطيـر=اسدرت قلب المعنّى نظرتن بـي سـادره
عين ياللي بالمحاجر صرتنا فيهـا اسيـر=من يداوي مستصيـبٍ بالعيـون الخـادره
لاتقولون الهواوي لابغـا ينسـى العشيـر=ماقدرت انسى هواهـا لان عينـه قـادره

جيش حبك ياغناتي فالحشـا لـه ثـوره=زعزعه وارباك منها اضطـراب وخوفـي
بين صد وخوف قلبـي ضايـعٍ فـي دوره=حرب جيش الحب خبره دون حرب سيوفي
ياغناه القلـب وانتـي تفهميـن شعـوره=لاتزيدي فـي عذابـي بالمشاعـر روفـي
ان كتمت الحب بانت في عيونـي جـوره=بين حزن وبين هم وبيـن حلـم طيوفـي
يارفيعـه بالمشاعـر الهـوا اسـطـوره=يجبر الملتاع دايـم مـن غلاتـك يوفـي
ياعظيمه بالسجايـا عبرتـي مكسـوره=بين حلم الخوف تبحث والسراب يلوفـي
الظمـا فالقلـب منـي بالـغٍ مقـدوره=مارويت الحب عذب ولا روا بـه جوفـي
لو لقيت الورد كلـه والشـذا وزهـوره=اقدر اعرف وين صرتي لو يصف صفوفـي

بستان شعري كتبتك وانـت ميعـادي=واسقيت روظك بنزف الحرف وارويته
اروح عنّك ولكـن جيـت متحـادي=احمل لك النزف واكتب داخلك بيتـه
اسطـر الحـرف بالمعنـى وينقـادي=بيت القصيده علـى ماكـان سويتـه

سامح الله من طعني واردف بطعناته=في خفوقي من يمينه واستباح وباعي
اتسائل كيف نزفي صار لي بسواته=وكنت ابيه يعالج جروحي وزاد اوجاعي
وانطويت من الزمن والوقت في صفحاته=واستوت عندي دهور العمر والمرباعي
واعتزلت الناس وحدي والزمن كيّاته=في ظميري من يميني كيف شرح اوضاعي
واكتسى جويّ ضبابٍ تلتحم دوراته=واحتبسني لين صرت اليوم له منصاعي

تعال خل العلم شرح وتفاصيل =ونحلّ وضعٍ صار لجل الحقيقه
عطني جوابك واخذ مني محاصيل=وعطني سؤالك والاجابه وثيقه
خل النهار اللي سحابه مقابيل=يمطر سحابه يوم رفرف بريقه

ونتي ونت يتيمٍ شكا جور الزمان=في نهار العيد دوّج ولحدن لدّ فيه
انتزح عن جمله الخلق في ذاك المكان=واستوا عيده وقبل امس واللي مقتفيه
تكّت العبره بصدره ودمع العين حان=يوم كلن لدّ لمّه وهي صوبه تبيه
ولا حدن صوبه تلفت ولا جا له عوان=كل منهم عاش وقته على ما يهتويه
ونتي لا هوّد الليل واظلم واستبان=نجمي اللي صرت اخيله وفا واشكي عليه
وونتي من وضعي اللي بعد ما زان شان=ماجنيت بما حصلي ونا اللي مكتويه

صباحكم فل وريحان بإذن الله


تحياتي للجميع

قالت لي ان الحب يبنى على ساس=ونا بنيت الحب من دمع عيني
قالت لي ان الحب هو لحظه احساس =والحب حطمّ فيني احلى سنيني
انا عطيتك من هنا الوقت بقياس=لاشك مابيّن بعينك حنيني
اسايرك بالحب من بدّه الناس =واخشى عليك من الملا حاسديني
لا وآحسايف كان حبٍ على ساس=ينسى ويهدم والغلا مات فيني
اخذت رموز الحب خلت لي الياس=خلتني ابكي ماغدى من يديني

مظلوم في ماحصل واصبحتنا الظالم=في حكمهم شخصوني يالله الخيـره
ياكيف اسوي بوضعي كني الحالـم=امسيت في ديرتن واصبحت في ديره
في ماحصل ما جنينـا والله العالـم=مظلوم واليوم قالـو جيـب تكفيـره

ياصاحبي قصف المناطق من الحـرب=يشبه مع الغلطات قصـف المشاعـر
انا معـك مثـل الـذي تـاه بالـدرب=في ليلـةٍ ظلمـا بهـا البـرد ساعـر
ارفع بصوتي يمة الشـرق والغـرب=واسمع صدى صوتي على حرف شاعر

ياصاحبي ماجنيت من الزمـن حاجـه=الا بيـوت القصايـد فـي دواوينـي
اكتب بيوت القصايد واضبط اخراجـه=حسب الحدث ماكتبته من هوى عينـي
من عقب ماني رفعت الحب وسياجـه=اقفيت طاعن وجيـت اليـوم هاجينـي
اقفيت غامض كسرت الحب وسراجـه=واظلم سما الحب منّك وابتـدى دينـي
لكن على ماحصل بالوضع واحراجـه=يكفينـي الصمـت حكمـه للمحبينـي
مارحت اسولف واقول الوضع وادراجه=كتمت ماصـار واحرقـت العناوينـي
ذي عاده الحر يرقا ينهـض حجاجـه=ماينطـق الهـرج يفتـح للمعاديـنـي
واليوم كلن يعـرف شلـون مخراجـه=ويسلك طريقـه ولا يسلـك طريقينـي
خلالاص بدفن هموم القلـب وافواجـه=في قبو غامض دفنته وامسـح يدينـي

البارحه جوي مثل جو الرياض=متعكر الاجواء يوم العاصفـه
على ما صار يادنيا عجايب=على صفحه شقا ايامك قرينا
زرعنا ما جنينـا والسبايـب=تلاحق من زمنّا مـع يدينـا
على ماصار واجهنا الغرايب=وعلى ماصار بصدوفك روينا
بنينا فـي زمنّـا والحبايـب=تهدم بصدهـا ماقـد بنينـا
نوثق مير عودنـا طلايـب=عجايب يوم هـذى ماجنينـا

الجمره اللي شلتها باوسط الكـف=حذفتها مني علـى بعـد مرمـاي
حذفتها يوم الحقت داخل الجـوف=وخليتها واقفيـت عنهـا بممشـاي
غديتنا منها مثـل ناقـل الخـرج=والخرج به حيّـه تحـرا ليمنـاي
عشنا وشفنا فـي زمنّـا بهااذيـل=ومن لا صحا يقضي حياته بلا راي

يالآدمي شوف حلمك ويش تفسيره=حلمن تحقق وحلمن في مناويهـا
تفسيره ان الركايب كنّهـا مغيـره=احدٍ وصل والمصلّب في تواليهـا
دامك على الراحله فانته لك الخيره=واليا نزلت اقعدوك بما كتب فيهـا
دنياك هذي قصيره كنّهـا النيـره=لاولعت فالهشيـم وطـار تاليهـا
يقطعك دنيا قصيره مالهـا جيـره=ماعاونت من عشق والا مهاويهـا
تضحك لنا ضحكه اللي في تعابيره=نيّه غدر مافهمها غيـر موحيهـا
احدٍ عرف قصدها وابدى معاذيره=واحدٍ تبعها وروّح فـي ملاويهـا
والنفس طيرٍ يطير وفي مطاييـره=يصدف شبكها وياقع في محاويهـا
وان ماكبتنا النفوس بمنهج السيره=عشنا الامل والامل ماهوب قاضيها
في كل يومٍ يمر ويبتـدي غيـره=تقرب نهايه حياتك وانت ناسيهـا

ماجيـت ادوّر للغلـط ياحـبـذا=تسمع كلامي والحكي بعضه ذهب
انته بغيت الوضع يصبـح هكـذا=تسمع كلام اللي يحطك في لهـب
ياما عطيتك من هنا الدنيـا شـذا=ياللاسف ولعتها واخـذ الحطـب
روّح ترا اللي قد عطا ما قد خذا=غلطه يمينك يوم سويت السبـب

لاباس ياجرحٍ نشـا كيـف اداويـه=نزفـه يزيـد ولا تلائـم صوابـه
اصـد بـه بيـن الليالـي والاقيـه=عـود صديـده ليـن جـدد شبابـه
وسبه صديده عطره اللـي عطانيـه=واليا لمسته فـاح عطـره رحابـه
بغيـت الملـم ذكرياتـه وطاريـه=لاشـك زودّت المواجـع صـلابـه
مابين ذكره بيـن لمسـات اياديـه=في دفتر الاشواق حـرف الكتابـه
صار الأمل يائس عليّ من مباديـه=حتى طلبت الليـل يعطـي جوابـه
جاني يواسيني ونا جيـت اواسيـه=مرسولنـا عـوّد جوابـه كئـآبـه
يقول جر الصوت من كـان تبغيـه=قفا مع اللـي فـي زمانـه وشابـه
وقعدت اجر الصوت وامسح طواريه=واجر صوتي فوق عـزف الربابـه

يقول ميحد يوم غنـى بالالحـان=غنى الحمام وهيج القلـب بغنـاه
ولقيتها غنت على روس الاغصان=تشكي ولعها باول اليـوم واتـلاه
تشكي ولعها والولع راس الاحزان=لاصارت الفرقا على القلب مهداه
وقعدت آواسيها على كل ماكـان=واقول انا وانتي بقينـا ضحايـاه

مجبور آوآدع والموآدع مع الغيب=في صفحه الآيام بالفعل مكتـوب
صكيت بابٍ فيه صارت مطاليب=مجبور اصكّه لازم اليوم مطلوب
صحيح قاسي يوم سقت المكاتيب=بس المعزّه دونها القلب مجلوب

الرفقه اللي على الميقاف ماطابت=كنسلتها يوم قامت بالردى تخشـر
ياصاحبٍ والنوايا داخلـه ذابـت=يضحك مع الوجه لكن داخله اقشر
السكّه اللي تودي عـلّ ماجابـت=والموتر اللي يشيلك علّ مابنشـر

النفس جردا والنوايـا مطاليـب=والوقت قاسي والخطايـا شرايـا
والعين تبغا من نظرها مكاسيـب=لاشك وافت من نظرهـا خطايـا
والقلب يبني مير بنيه مع الغيـب=واليا اقبلت دورات وقته عرايـا
والفكر يحسب مير جته المحاسيب=عكس افتكاره يوم جاتـه دهايـا

رد الثنا واجب على كل وافي=واجب على من يعرف اسلوم الاجواد

يستانس الشاعر على جال ضوه=في روضةٍ ماداجها كل عساس
ارضٍ ربيع وغاشي الجو نوه=ريح الخزامى تنتعش منه الانفاس
قرب معاميلك وكيفك وسوه=سوه وبهر لك من البن بقياس
زله وصبه صافيٍ في علوه=واشرب من الفنجال مايقعد الراس
هذي طراة العمر مادام توه=هي مطلبي مادمت حيٍ مع الناس
والدوسري ياناس لازان جوه=قصايده تجلا عنا الوقت والباس

علي الحرام انك شنب يابو زياد=وانك على العليا قدحت زنادها
كفو كفو يامن ذخرته فالعناد=فعله وفا بالمرجله وشدادها
سمح النبا فالنايبه مثل القناد=اليا وقف كفا بها او زادها
بصمه يمينك مثل ختم الاعتماد=منهو لقاها بشره بسعادها
جامع امور المرجله عنده عتاد=مثل الذخاير فالحزام ارتادها

رقيت في رجمٍ طويلٍ رقابه=كم اشقرٍ يعجب اليا اقفا مطيره
وكم ذيبٍ اشهب فوق راسه عوابه=مما صدف بالوقت حاله خطيره
وجريت صوتٍ للحزن فج بابه=وهيّض عليّ صوتي امورٍ كثيره
هيضّ عليّ همٍ بجوفي صوابه=ابطا وهو فالجوف ناره سعيره
ومن رقيتي همّي تكسر جرابه=وقام يعثا بضلوع به مستديره
وازريت اكنه يوم يزمي سرابه=كنه مثل قيضٍ بوقت الظهيره
وحولت من رجمٍ شكا من رقابه=ضيم الدهر يمشي دروبه عسيره
حولت منّه مالقيت الآجابه=لا لاقيٍ حلٍ ولا من ستيره
دنيا لها في كل شخصٍ طلابه=تلقا لها في كل شيٍ مسيره

كثرت هواجيس المعنّى مواريد=وعزي لحال اللي تكاثر وروده
هواجسٍ كنها عليّه مواعيد=معا ظلام الليل باول ركوده
كنّ الحشا يونس لضرب العباريد=لين الحشا ضاقت وسايع بنوده
امشي توال الليل بين الجراهيد=وافرح بما علاّ واحاول صعوده
اشكي همومي والهواجس مناكيد=متخالف التفكير حارت جهوده
اضرب على خطٍ ويرجع لي يعيد=عيّت تحلحل كل منها بزوده

والله اني كنتنا ادراك وابحث لك عذر=واتصدد منك علّك تفارقني وراك
مير كمل تالي الصبر واحتر الجمر=واحتما في داخل الجوف شيٍ من غثاك
ذي عوايد من جهل ماتعلم واعتبر=يوم عود فالمناحي مثل دبره خطاك
السنين تدور والعمر يقضي والدهر=في قفا الحيين يطرد واذا وافق عطاك
من جهل درب المراجل تدهور وانجبر=ينقل الجمره بكفه ووضعه في هلاك

اليا جفتك الدار في كل ميراد=عقب الجفا ماعاد فيها قعادي
وشلون تقعد والجفا جاك منقاد=ماخبر قعّاد الدهور استفادي
دارٍ بدار وطيّب البعد يّراد=لاصار طبٍ للقلوب البعادي
ارض الله اوسع من خيالك للاجواد=ماينلحق لحدودها والريادي
يسكن بها منهو على الطيب وراد=ويسكن بها منهو خبيث المبادي
ويظهر بها نبت النفل ماله اعداد=والحرمله تظهر على كل وادي
ويرقا بها القرناس في روس الاشهاد=وينزل بها بوم الخراب الهمادي
ويسري بها السرحان طوّاي الاجراد=ويقعد بها الحصني خبيث المرادي
واعرف تراها ماتجمّع بالآوكاد=ولا قاصر الحصني لذيب الجلادي
دك الركايب واسنح البيد شدّاد=وحذرا تدني للرخوم الشداي
في شامخ البيدا سواميح الامهاد=تجلى هموم اللي شكا للنكادي
ولاتلتفت لمقلب الهرج عمّاد=رخو العضود اللي خبيث الفوادي
اللي على الزله خبيثٍ وغداد=لو كان في هرجه كثير الودادي

لاباس يابستان ألاشعار لو رحت=معي معي في خافقي دوم تنعاد
تبقا وليفي داخل الروح مازحت=واقبل وداعي لك هنا بين الآجواد

البارحه نومي حرام" على الراس=يحرم على عيني ولا طب راسي
وحل محل النوم تسعين هوجاس=من غالي" أخطى ولا ني بناسي
أشارت" يشر بها مالها ساس= سياست" ما لي نها يا السياسي
أنت تحسب"ني ذاخر"دونك وداس=وأنت خابر اني قد عطيتك لباسي
هذا خطى واثر على جرح الاحساس=ادرى خطى الغالي وأداري احساسي
قالو فلان" قال ثم قلت لاباس = أقول عفوييه ولا فيه باسي