::: مـنتدى قبيلـة الـدواسـر الـرسمي ::: - سجـــــــل حضــــــورك ببيـــت قصيــــــــد ..

- :: قسم الـشعر العــام :: (http://alduwaser.org/vb/forumdisplay.php?f=16)

رد: سجـــــــل حضــــــورك ببيـــت قصيــــــــد ..

هذا قدَرنا .. نطيب ومالنا منّه
يطالع الرجل ابوه وينسخ فعوله !!

اتعبني ابوي جعل ابوي فـ الجنه
لاجيت نصفه ، ولا ربعه ، ولاحوله !!

رد: سجـــــــل حضــــــورك ببيـــت قصيــــــــد ..

أحيان احس الضيق ياتي كذيا !
واحيان لاجاني عرفت ان له اسباب !

بس الأكيد ان الصدر له مهيا
مجلس كريمٍ دايم مشرع الباب

رد: سجـــــــل حضــــــورك ببيـــت قصيــــــــد ..

لا صار في قربك تشح التوافيق ..
يجوز بعض أحيان بالبعد خيره ..

رد: سجـــــــل حضــــــورك ببيـــت قصيــــــــد ..

مافاتك التجريح و العذر فاتك !
وتبغي رضاي الحين ماعاد يمديك

رد: سجـــــــل حضــــــورك ببيـــت قصيــــــــد ..

يارب تسترني من العيب والعثره
اللي تسر العدو وتضايق الصاحب

رد: سجـــــــل حضــــــورك ببيـــت قصيــــــــد ..

يالله انـك تجنبـنـي دروب الـحـرام
ياكريـمٍ لمرضاتـه نـحـج ونـصـوم
يا عظيمٍ دعيتـه تحـت ستـر الظـلام
افرج الضيق والكربات وأجـل الهمـوم
طالـت السالفـه والعيـن عيّـت تنـام
والرجاء والامـل بيديـن ربٍ رحـوم
رحت شرق وجنوب ورحت غربٍ وشام
مالقيـت الوجيـه اللـي تسـد اللـزوم
كل مأنصى حدٍ كنـه يغصـب المقـام
عاقدٍ حاجبـه ضـارٍ بحـب الخشـوم
غرته ضحكـة الدنيـا وجمـع الحطـام
غافـلٍ مـادرى ان الآدمـي مـايـدوم
لين صـرت اتعداهـم بـدون احتـرام
لو عليهم بشـوت وفـي يديهـم ختـوم
ليه اسلـم علـى مـن لايـرد السـلام
ليه اجامل حيا وأرفـع مقـام الرخـوم
علمتني سنينـي طـول عشريـن عـام
وأتعلـم مـن الايـام فـي كـل يـوم
وكـل درسٍ بنـى بيـن الحنايـا خيـام
ثابتٍ فالضميـر وفـي خيالـي يحـوم
واطرد الغيب ماأمـل التعـب والهيـام
ولو تقـل المـوارد ماتمـوت العـزوم
والـردي ماجعلتـه فالشدايـد حــزام
اعـرف اللـي ليامنـي نصيتـه يقـوم
وانـت يالايمـي ماعـاد فيهـا مــلام
نعنبوهاحـيـاه ليانسـيـت الـسـلـوم
ايه بعض الكـلام يمـر بـرد وسـلام
مير بعض العلوم يصيـر فيهـا علـوم

رد: سجـــــــل حضــــــورك ببيـــت قصيــــــــد ..

اضرب على الكايد ليا صرت بحلان
عند الولي وصل الرشا وانقطاعه

رد: سجـــــــل حضــــــورك ببيـــت قصيــــــــد ..

الوسم برقه لاح..لاح وناض..نـاض
سرى..سرى وان على نـوه سريـت
والوبل هل ، وعل لين الغيض فاض
وافيض من فيض المشاعر مافضيـت
ادري على العارض ولا فيه اعتراض
ياليتني يوم استـوى الممشـى مشيـت
افرد له ضلوعي وله قلبـي فيـاض
وأروى وكني في ضماي ولا رويـت
البل ليا وردت ضمى تاطى الحياض
وانا ليا كرعت في حوضـك ضميـت
ياحي وجهك وجه ياصاف البيـاض
وياحي صوتك صوت يا أحلى اوبريت
مشتاقلك ياغض غضات الغضـاض
انشهد انـي عنـك لحظـه ماسليـت
ليت الكويت تصير فعيونـي ريـاض
وليت الرياض تصير فعيونـك كويـت

رد: سجـــــــل حضــــــورك ببيـــت قصيــــــــد ..

اي والله إني كل ما أعدّ الذنوب
كن النسم عن جوف صدري كاتمه
يارب تهديني على التوبه وأتوب
وترزقني الجنه وحسن الخاتمه

رد: سجـــــــل حضــــــورك ببيـــت قصيــــــــد ..

نبكي على الدنيا وهي ماهي بشي
الشي والله من يجنّب غثاها

رد: سجـــــــل حضــــــورك ببيـــت قصيــــــــد ..

يقولون العرب : صدر الشمالي مايضيق بساع
وانا اقول : صدور اليوم ماعادت شماليه !

رد: سجـــــــل حضــــــورك ببيـــت قصيــــــــد ..

ميلة عقال ويعتدل كل مايل
ومن طاري الدحه كسرنا المعادين
حنا قبيلة عز و الشك زايل
(كل قوم ولا قوم عنزه) بالميادين

رد: سجـــــــل حضــــــورك ببيـــت قصيــــــــد ..

لا ضاق بالي والهواجيس وردّن
النـار شبّتهـا بدايـة عـلاجـي
والبن بالمحماس والنـار تلسـن
نـارٍ تزايـد جمرهـا بوتهاجـي

رد: سجـــــــل حضــــــورك ببيـــت قصيــــــــد ..

الكلمه الخايبه لاجتك من خايب
كرم مسامعك عنها لا تعبرها

ماجابها الا ضعيف النفس والعايب
ادعس عليها برجلك لا تكبرها

رد: سجـــــــل حضــــــورك ببيـــت قصيــــــــد ..

انعمي عن كل حاجه ، لا ذكرته ..
واقضي اوقاتي وانا سارح وشارد

يبرد الفنجال بيدي ما شربته ..
واستحي لا ارجعه واقول بارد